分類：體路

毅行新手貼士

By on • ( 1 則迴響 )

有位朋友熱血上腦，忽然毅行，問我要注意什麼。我曾經行過三次毅行者，參與籌辦活動八年，以自己的經驗加上一些前輩的提點，第一次參加的朋友可以略作參考。100公里好長，但只要有决心，一定可以行到終點，參加者要有心理準備受傷同辛苦係一定會發生，練得多就受傷少的、無咁辛苦，練得唔夠狀態唔好就捱得辛苦的，但一隊四個人在毅行路上發展的友誼係會好長久的，因為你們會共同擁有一段狂喜、痛苦、掙扎的寶貴經歷，無參加過的人係唔會明白呢尐「毅星人」的語言。