教育

回應大專院校校長聯署/Ms Yu

昨日,十一名大專校長聯署,話對元朗發生嘅襲擊表示震驚同悲痛。然後呼籲學生唔好參加「光復元朗」遊行。身為專上學府最高決策人,叫大學生應該做乜、唔應該做乜,似乎有違大學之道。

就如扮傻嘅盧偉聰呼籲市民:「大家要相信警察。」

要?

Who are you to tell me what to do or think? 我唔係小學生,咁大個人,信唔信我自己決定得啦。

點解成日唔記得大學生已經成年?我地表達關心,除咗並肩同行 + 唔好阻頭阻勢之外,其他動作,尤其寫封電郵之類,係多餘嘅。

唔支持學生發聲都算。最莫名其妙嘅係,難得集體聯署,都唔譴責一下香港警察,同一晚喺元朗縱容暴力,以及喺上環清場使用過份武力。連要求政府徹查事件都無?十一個堂堂男人,撓埋手一齊表示震驚同悲痛嘅場面,係既滑稽又悲哀。

出面各行各業都開始出聯署譴責,身為教育界領袖,喺呢件事上面,去晒邊?

幾句歷史,蔡元培校長係當年5月4日雖然冇參加遊行,但係之後佢以北大校長身份營救被捕學生。仲聯絡其他13間院校校長,一齊同北京政府交涉。

學術自由係文明社會基石,係另一政府要小心處理嘅板塊。所以高等學府校長聯手做D嘢,會有一定影響力。身為老師,我對有影響力嘅教育界人士喺呢個時候都唔出句聲,只係識得出封完全無承擔嘅電郵,躲在幕後,表示非常失望、十分鄙視。

如果淨係叫人小心D注意安全,搵媽媽群組拍條片,絕對比呢班平時唔多見人嘅領袖寫幾隻字,更有說服力。

教育家定教育渣,一目了然。

文:Ms Yu,八十後教師,相信一切源自教育。原文刊於作者博客立場新聞

分類:教育

1 reply »

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s