Avengers 4 EndGame看後柒感想 / 流行萬里

By 流行萬里 on 12/05/2019 • ( 發表留言 )

言多必廢，精精簡簡地記下「復仇者聯盟4」看後柒感想吧。

壹：劇透死全家

唔知幾時開始劇透要死全家，説好了的「禍不及家人」呢？

崎佬不信邪但為了家人身家性命還是儘量收斂，難為專業影評人們以後點寫稿？

對Avengers 4 簡單一句總結：好睇！乜元素都有，音響剪接都一流，三個鐘無咩冷場，但嚴重建議以下第二點！

貳：重溫前戲

前戲唔係講foreplay，大家睇呢套Endgame前，最好先 refresh下前面二十一套（我自己就數唔齊）Marvel片，重中之重係上年既Infinity war，基本上好多睇完Avengers 4既人都會翻兜睇Avengers 3，記性好既Marvel迷更會發覺Endgame好多情節對白都與前戲呼應。

崎佬搵到呢條無劇透文章既link，入場前參看下相當有用。

https://www.cool3c.com/article/142762

叁：惡城惡夢

睇完Avengers 3，4，越來越多人會思考Thanos滅霸是否真係一個大惡人？在Avengers 3 Thanos千方百計不惜犧牲最疼愛既養女去集齊六粒寶石，彈指間讓世界一半人口灰飛煙滅，在此之前他已在其它星球做過類似滅殺！Thanos行動理念是宇宙資源有限，不足以養活不斷膨脹既人口。Thanos其實很孤獨很無奈，如此惡魔如此世道，很熟悉很可怕！

肆：Who are we

Thanos真心相信自己理念，而保護地球既Avengers又係乜嘢心態？

其實Marvel電影中，不只一次有SuperHeros問：Who are we?

慷概就義似乎已是古今中外英雄故事的必要元素，但假如某人家爺仔乸生活安好閒適非常，點解你班友係都要扯佢出來？「何必偏偏選中我」？其實「牛唔飲水㩒唔低牛頭」，生於亂世有種責任，緣來就是你！

世上也許真有特異功能，卻肯肯定沒有能飛天遁地改變時空既Avengers幫忙守護，咁地球正義又由誰來維護？

下圖偷自蘋果日報與電影無關！改圖：Charman To

伍：父權英雄主義

相當奇特既觀點，有朋友看Avengers 4後居然覺得Marvel電影偏重父愛男權，儘管Marvel中有不少女SuperHero，但電影明顯偏重了眾男角既感情戲，Thanos，Ant man，箭人愛女之情，Ironman對妻女之愛，Rogers隊長念念不忘舊女友。喂，講到男權父愛，剛巧又遇上今日母親節，崎佬無嘢好講啦。

陸：還要復仇嗎

由Infinity war扭轉到Endgame，從場景來睇，復仇者3，4應該係同期拍攝，去年復3上映前後已有傳聞會有superheros在復4犧牲，劇情就唔講了，但復仇者聯盟假如要拍攝落去，絕對需要新方向新思維，不然仇來仇去，冤冤相報何時了？

柒：I love you 3,000 – 唔係劇透講我自己咋

英雄怕落幕更怕落寞，廢老崎佬最怕一條冷入戲院睇戲，近年睇片唔係在飛機酒店中就係在呢部 iPad上，有人專誠花左三千幾銀飛來陪我睇，點懶點爛都要寫篇嘢既。

Love never fails, 呢場戲肯定唔止值六，七百啦！

臨別當然又聽首歌：

誰又欠了誰？