政治

崎佬搜記 :彩虹橋下大灣區 /流行萬里

山友李維安老闆榮休後經常周遊列國四處玩,早前去了東洋,拍了張藍天白雲下的彩虹橋,很美!

Photo Credit :李維安

東京灣彩虹橋接連日劇拍攝熱點、六大馬東京馬拉松舊路線的終點 – 台場,這個填海得來的人工島上有許多重要日企包括富士電視台,又有大型展覽館、商場、遊樂場,吃喝玩樂一應俱全,是東京大灣區內的旅遊名勝。

適逢港珠澳大橋剛落成啟用幾天,老實講,崎佬對呢條55公里全球最長的跨海大橋毫無感覺,超資興建九年,發生過18條人命的多次工業意外,更曾多番傳出疑似質量問題。然而有大陸朋友卻非常肉緊問崎佬 :「大橋點解叫“港珠澳”用港字行頭, 唔係中國出資興建既嗎?」 流言蜚語講一百次就有人當真,崎佬心裡千百隻草泥馬跑過,用前港人偶像支持填海建島既劉華某電影中style:「 講你又唔聽聽你又唔明明你又唔信信你又唔服服你又唔改⋯⋯」,與其勞氣不如慳番啖氣,真的假不了。

花巨資逆民意興建的大橋和高鐵,很快就見證了官員的假大空,除了使用量遠不及當初估計,車程及過關時間亦不似預期!

 

崎佬成日笑自己係港豬 oh,古語有云「近朱者赤 近墨者黑」,香港有無被赤化,並唔係我地呢啲2打6寫了算,大愛崎佬也從不妖魔化新移民,唔會逢中必反,更無懷有不可告人既目的,大把錢既施老闆,IQ爆棚既羅局長,個人覺得你地既觀點相當狹義!

https://bit.ly/2qccvfv

 

本文草稿本已被懶散崎佬起題後掉埋一邊,但兩位偉論實在令崎佬大開眼界,真係唔駁你唔安樂!

剛巧今日又有官員話中國不靠殖民擴張喎,

 

 

數字可以有千百種方法解讀,早前已有報導指出這幾年新移民平均年齡達四十多歲,對人口年輕化無什幫助。

https://bit.ly/2OcKBJK

Source : https://www.info.gov.hk/info/population/chi/pdf/chap2.pdf

在此反問權貴們一啲好簡單而大眾都感受到既問題,假如香港如今不是柒佰萬人大都會,急症室會唔會咁爆?市民等候專科治療使唔使等幾年?公屋輪候時間會唔會越輪越耐?居住環境有無咁擠逼?點解香港在目前已面對眾多民生問題下,仍然唔想辦法拖延住向千萬人口大都會進發既步伐?

崎佬個人不太喜歡新加坡政治環境,特別係政權對待異見人士的手法,新政府幾十年來積極引進新移民,而人口並沒有大幅增長。眾所週知新加坡過去幾十年一直在填海造地,國民居住環境大有改善,普通一間HDB組屋面積都比香港既劏房豪宅大得多!土地問題本來就與人口問題掛勾,香港高官們點可以輕輕帶過就算?

Source : Google

 

香港人向來和諧理性,記得70年代興建首條地鐵線既宣傳口號被惡搞成「地下鐵路 圍(原字是‘為’)你建造」,居住沿線附近的居民和商舖忍受了多年噪音和出入不便。其後八,九十年代既眾多公路隧道建設,以至當年被中央政府質疑會花光儲備既龐大新機場玫瑰園計畫,反對興建既香港市民基本上很少。

近幾年最令市民谷爆既一定係頻生事故既港鐵,阻人返工罪大惡極,多少勤奮盡責的打工仔因交通受阻遲到慘被扣人工補貼,情何以堪!唔好賴基建舊了出事故很正常,倫敦巴黎紐約東京的地鐵已通車幾年了?

奇中之奇,新基建計錯數興建過程監管亦明顯出問題,舊設施事故頻生連累大眾,居然都無相關官員要問責!

火多無謂,睇片實際。

毛毛東方昇

 

 

香港電臺

敢言既港臺和毛毛,真係服左你地! 撐住呀!

分類:政治

Tagged as:

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s