其它(請作者分類)

請珍惜《香港小姐競選》/ 費特

Image may contain: 3 people, people smiling, people standing and text

昨晚一位香港老友新居搞入伙酒,我應邀赴港出席,新居在上水,位置遠離市區,且是二手盤,但對香港人來說,買到一間泗泗正正、馬桶不在床頭旁邊的私樓已非常不錯。

邊食飯邊開住電視,正直播《2018香港小姐競選》……

「轉台啦,睇港姐咁無聊,啲女質素越來越差,好多連廣東話都未講得正。」賓客甲提議轉台。

「直頭柒啦,今年cheap到去澳門拍外景,曾志偉都串佢,根本為搞而搞,成班圍威喂,一早內定結果。」賓客乙附和著。

本來我是中立,轉不轉台都無所謂,但想起上屆冠軍是由Do姐選出來的雷莊𠒇,心想還是轉台吧。

但還未開口,香港老友就回應:「有得睇就睇啦,過多幾年可能連港姐都冇得選。」

眾人眼神疑惑,賓客乙先出聲:「點會呀,除非CCTVB執粒啦,唔係實會繼續選。但叫得CCTVB,點會執。」

香港老友不屑地笑了一笑,「就係因為佢叫CCTVB,先有可能冇得再選港姐,要政治正確嘛。」WHAT? 選港姐啫,又不是普選特首,關政治正唔正確咩事?

香港老友繼續講:「689哥班友仔都話遲啲再冇分香港人,只有大灣區人,既然冇香港人,仲選乜香港小姐?遲早叫做《大灣區小姐競選》,好少少就叫《大灣區小姐競選 — 香港站》,話唔定今屆冠軍,就係末代港姐啦。」

各賓客都未來得及反應,香港老友加多句:「依家乜都話大灣區,9+2溝埋一齊係遲早嘅事,我係上水買樓,除左貪價錢平啲,仲有北上去深圳、東莞呢啲大灣區城市都方便啲。為咗生計,有乜計?」

眾人:……………………..

回澳船程上,濛濛雨點中望到港珠澳大橋,這項世紀工程快將通車,溝埋一齊又近一步。朋友,你有冇計?如果冇計,就請珍惜這刻還有《香港小姐競選》..

 

作者facebook

1 reply »

  1. 現在已不是以前的TVB,由上海東方電視台收購,盡是亞視,有線人面孔,紅咗嘅姐仔已北上搵銀,日日喂你古裝片,香港人睇中央台喇!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s