日本足運

前晚16強賽，日本對比利時，上半場互交白卷，下半場開波不久，日本接連攻入兩球以2:0領先。當日粉們包括崎佬滿心歡喜等待奇蹟時，比利時加強反攻令日本門前險像橫生。近八十分鐘，比利時連追兩球，臨完場比利時再攻入致勝一球反勝3:2。

以波論波，球賽可觀性極高，雙方有攻有守卻不粗野，入球清脆利落，最難能可貴既係，日本隊輸波後離開更衣室前，仍不忘留字條感謝工作人員，是矯情還是優良習慣，什麼人看到什麼事，崎佬不作無謂評價。

1993年有線收費電視開台，同年開展的J-league「明治安田生命J1聯賽」是體育台重頭戲之一。J-league球隊當年高薪引入一眾外援巨星，包括巴西主力蒒高，李安納度，歐洲第一翼鋒列巴斯基，1986年世界杯神射手英格蘭連尼加、1990年世界杯神射手意大利史基拉斯⋯⋯，日本足運從此如坐直升機，很快趕上與亞洲足球老大南韓不相伯仲，及後日韓更聯手主辦2002世界杯。

是否斥巨資引入巨星就能推動足球提高水平？看看美國紐約宇宙隊，當年簽下世界兩大球王巴西比利和西德碧根鮑華，經歷數十載最終敵不過倒閉命運，而美國的足運仍是遠遠落後。

反常的 Penalty Kick

本屆最後一場16強賽，哥倫比亞對英格蘭，上半場兩隊又係互交白卷，下半場英格蘭憑12碼先開記錄，豈料在完場前補時階段，哥倫比亞角球開出，耶利文拿鶴立雞群頭鎚頂入追平，兩隊加時再無進帳，最後12碼決勝英格蘭驚險晉級八強。哥倫比亞全場表現一貫的拼搏，踢法略嫌粗野，球證共發出了8張黃牌，當中6張是給哥隊球員。

上文提到12碼決勝新舊制，但今年怪事特別多，8場16強賽事有3場要12碼決勝負；與傳統數據相反，三隊先射既全部落敗。

崎佬睇世界杯多年，有個迷信，千祈咪成日將心愛球隊掛在嘴邊，否則會，

燈燈燈凳 燈燈燈戥 燈燈燈凳戥燈⋯⋯

貝多芬第五交響曲，命運！

假如踢得最好既球隊才能夠捧世界杯，過去20屆冠軍可以DQ一大半。

人生無常，命運坎坷，崎佬破例預測一下本屆四強，

烏拉圭 對 比利時

俄羅斯 對 瑞典

是曲是直留待時間證明，為免洗版及烏鴉口應驗，崎佬文章暫停12天。

Photo Credit : 文星