生活

2018 World Cup(IV) – 莫斯科沒有眼淚/ 流行萬里

一遍遍笑罵聲中,2018世界杯決賽週分組賽終於結束,缺少了荷蘭,意大利的決賽週果然好特別,哦sorry,缺席的還有好多國家,又聽聞有足球強國以各樣形式參與了世界杯。

昨晚賽前H組日本隊已穩出線,波蘭就肯定包尾出局,兩隊踢得都不積極,崎佬睇一陣就悶到轉台去睇哥倫比亞對塞內加爾,哥仔由於頭場輸俾日本,昨晚必須要贏才能穩出線,相反塞內加爾守和就掂。最終哥仔贏波1:0首名出線,日本負波蘭0:1次名出線。

隨後既G組英格蘭唔知係咪睇住來打,輸比利時0:1次名出線,英格蘭16強將遇哥倫比亞,有啲險,但點睇都險唔過首名出線既比利時,假如16強比利時戰勝日本,8強會遇上巴西或墨西哥。

歷來分組賽每多意外賽果,是否機關算盡就攞到So無人知。撇開眾多陰謀論,近廿年各國足球聯賽發展蓬勃,足球小將,大將名將們大兜亂四處搵食,足球界真正地展現出全球一體化成果。各國實力差距拉窄,球員間熟悉對手打法,餘下既淘汰賽必然有更多冷門出現,喜歡小賭怡情既波迷真係要小心。當然,有人話大賭可以闔家富貴,網上有人傳呢張相,睇完真係笑到hihi,飲得更high!

網絡圖片出處不明,如有侵權懇請見諒

崎佬最怕公開預測任何事,燈死乜都唔好啦,但7月15號晚真係好想聽到一首歌,呢首歌好多年前晚晚電視台節目完結後都聽到既。

詩曰

世盃時節腦昏昏

輸波國民欲斷魂

借問冠軍何處有

崎佬遙指黃大仙

唔拜黃大仙,可以試試下一站天后,莫斯科 沒有眼淚。

分類:生活

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s