財經

崎佬搜記 – 浪奔浪流,洶湧之最 / 流行萬里

環球投資市場全球一體化環環緊扣,熱錢湧動牛氣沖天時當然齊歡唱同慶賀;反之,「一方爆煲,八方糟糕」,跌起上來「沒有誰比誰PK」,有邊次大跌市唔係咁情況?

上月底,中國全國社保基金會理事長,前財政部長樓繼偉公開發表了演說,向來敢言的他認為 :「名目繁多的中國特色衍生品層出不窮,使中國出現系統性金融風暴的概率比美國在2008年全球金融危機之前存在的金融風險更大。」

https://www.rfa.org/mandarin/yataibaodao/jingmao/nu-01312018104845.html

出入強國幾十年,崎佬久不久會與其他一班北漂滬漂粵漂四圍漂既港燦摸杯底聚會,大家不約而同認為中國最大既金融危機應該唔係證券市場,係呢個!

9CA1025C-7307-429D-A5AB-CA49E9735095

呢種房大陸叫毛坯房,即係業主買樓時唔要附帶裝修家電等等,原意係讓業主可以按個人口味和需求,收樓後鐘意點整就點整。

概念好呀,有乜問題?

問題係,綜合各東漂漂西漂漂所見,呢種毛坯房在好多已收樓十年八載既屋苑數量繁多,無處不在,而呢啲屋苑既叫價卻甚少會下跌,而出現呢類毛坯二手房附近一帶既新樓盤,售價同樣可以屢創新高!

另一更怪現象,舉某城市漂A既例子,A八年來搬過三次屋,一直租住同一屋苑,住過既四個單位面積,層數,座向,裝修環境相約,而租金有上有落,八年來最高最低既差別不超過15%,但相比八年前樓價已升了大約2.5倍。

崎佬向來無耐性亦唔喜歡做分析師,聰明絕頂既看官們請自行解讀以上現象。

大家也可參考有線中國組呢條片,

 

喂,崎佬,大陸爆煲關我地叉事,而且好多人成日望大陸爆煲架啦!香港情況呢?

同樣以過去八年為例,香港物業既租金升幅未必及得上物業價升幅,但基本上是同步的,而空置率更遠遠無大陸咁嚴重,但香港股市樓市檯面檯底資金有幾多從某處而來大家心照,金融市場一環扣一環,衰就一定一齊衰!

至於到底會唔會真係衰,幾時衰點衰,留待大師們分析。

一如上兩篇文章,巨浪  http://bit.ly/2DEYCw6 ,巨浪淘沙  http://bit.ly/2F9F6HR ,崎佬唔係想無料扮四條,只係想提醒大家投資要睇自己個人財務能力,萬勿盲目跟風。

最後講個無聊既秘密,其實呢篇文係昨日中午見到上午市唔多掂,立了極大決心收市前要完稿上文,奈何人算不如天算,下午忙到趴地,收工又要去Happy Hour, 機緣巧合避過一劫無變成烏鴉口。

聽聞大陸開始控制唱衰樓市既言論,拿,我無唱衰,咁多業主持貨丢空十年八載都無問題,又可以好正面咁睇既,又係個句,有閒錢咪買囉。

浪奔浪流,識聽梗係聽許文強,哦Sorry,係發哥版 :

分類:財經

Tagged as:

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s