小流自小愛山，傲骨嶙嶙的山最是大愛，最是無私。古至帝侯將相，今至攀山高手們，置身崇山峻嶺之中，也不過如流水飛沙，一場突變風雪，一道急湧洪流，足以令凡人瞬間「塵歸塵土歸土，金銀歸當舖」！
所謂夏蟲不語冰，凡人小流盡量唔對唔熟悉既事指指點點，世事本來就很少「非黑即白」，你錯也不等於我對，幾多理據幾多分析都係假，緊記命仔係自己既亦只得一條，挑戰又好挑機又好，認清自己既能力，了解客觀因素，一旦出事唔好連累他人。否則，正如歌仔都有得唱，都是你的錯！
香港老牌行山團「健行之友」帶頭大阿哥，山友尊稱老闆既李維安，古道熱腸，幾十年來帶過數不清山友穿梭香港各大小山徑；老闆新近榮休享清福，從面書看見他幾乎天天出隊，平日獨自去偷歡，節假日群星拱照，真個不亦樂乎。
早兩日小流驚見老闆踢拖行山相，嘩吓，家下互聯畸世代，露趾相小事一樁但亦難保不會被擺上討論區，再被一批有眼不識泰山既某人，繆人或茂利人批判，一人一句，到時真係口水浸死蛟龍。諸事八掛既小流，當然急急請老闆出來講兩句啦。
老闆直人快語，怕小流轉載得罪人，但小流一向得罪人多，乜都唔怕，深信「天下事抬不過一個理字」，明理人始終係大多數。
附上老闆原連結，識睇梗係睇留言。
最後又係廣告時刻，愛大自然，愛行山，面書上有不少群組。
標題呢個，「越野越峰巔」
https://www.facebook.com/groups/242084356123415/ 係小流當初無意間發起既，歡迎各方山友加入。
分類：跑步
