生活

雷利衛徑長征 2016 / 流行萬里

雷利衛徑長征在本地長途越野賽中算是老牌了,單是主題「衛徑‧青年‧世界」 ,再加上 「雷利衛徑長征」所籌得之善款,均會全數撥捐雷利計劃(香港)作為發展青少年活動之經費。 小流豈能不一寫再寫!

雷利衛徑長征從2000年開始首辦,而賽事最大特色,就係玩到要過海。

賽事路線基本上以貫穿香港南北的衛奕信徑爲骨幹,大會為了方便起步前的登記工作,選擇了以陽明山莊內的燒烤場作起點,繞大潭水塘走而不上孖崗山,中途又以沙田坳作為日征和夜征的分界線,而今年終點從南涌搬到沙頭角國際學校,故此78公里的衛徑全征變成了80公里,來回的跨越終極旋風也名正言順地成為了一場100英里越野賽。

簡單啲講,雷利衛徑挑戰有四個路程,來回衛徑共160公里的跨越終極又稱旋風160;80公里的終極全征;30公里的越野日征和 50公里的探險夜征。

大會指定過海路段要坐地鐵,而小流覺得呢個正係賽事最獨特之處!每年在雷利賽事舉行日,從早上到中午時段,太古一帶出沒既朋友會發現有大批跑友零零散散地在街上狂竄,有啲趕著在附近餐廳開飯醫肚,有啲周處搵廁所,有啲唔熟路既就會周圍頭岳岳迷失英皇道。對於分秒必爭既爭標一族,大多數已約有山友定點支援,精英們會不停步地接過支援物資係咁衝向地鐵站,他們早已計畫好走邊個入口行邊條樓梯最快最短。而車廂內也有年度奇觀,三三倆倆已走跑了10公里的臭人,拉筋的拉筋,按摩的按摩,乘客們倒是非常包容,除了偶然投以異樣眼光,多年來未聞有重大投訴(或者大會先知?)。記得多年前參賽,有位中年乘客好奇地問小流玩邊科,小流當然毫不猶疑充當一下宣傳大使,對方仲即時攞兩舊水出來捐款,感動哦!

此情此境,查實在外國好多City Adventure game常見,但出現在冷漠繁忙的香港,感覺好熱血!

好喇,廢話不多講,又到偷相時刻,感謝各位山友火星人地球人無私奉獻。


雷利旋風160 冠軍 T013 “i-Runners" 時間 : 32.57。 恭喜 達達和單盈"

Photo credit : Lydia Leung

小流同時為亞軍T06 「喪Ken癡雄」鼓掌,他們以33:55完賽,今年亦只得冠亞軍這兩隊四人,齊齊整整full team完成旋風160。至於今年僅有的完賽第五人,是JoJo Yuen。 五位在反常炎熱三十多度高溫的十月中完成160公里,累積上落接近7,000米,真係活著已是勝利!


80公里全征亞軍 : Cosmoboys – KK Chan,勞偵玲

Photo credit : Daniel Chung

80公里全征冠軍 : W577 Cookie Devil, 完成時間 12:01 恭喜 Nicole Lau,Leo Chung,兩個教室中堅份子,Nicole係上年雷利全征女子組冠軍也是毅行者女子組冠軍成員。(唔好意思,找不到冠軍照片)
亞軍正是毅行教室創辦人兼教頭,Cosmoboys 的 KK Chan,今年伙拍勞偵玲,完成時間 12:21。今年8月,教主和精靈連同另外兩位Cosmoboys,曾組隊在澳洲悉尼毅行者獲得亞軍。教主五十幾之齡再加男女組合都奪全場第二,年輕人真係要努力加油喇。


30公里日征冠軍 : 雪鷹 – 鷹鷹,梁影雪 完成時間 3:44

以下節錄自梁影雪Facebook既賽後感 :

「終於可以完成了雷利30K。
兩年前在這個賽事上,剛開始不久,就嚴重地坳了柴,最後冇法完成賽事!
今年顆拍鷹鷹參賽,之前大家曾拍走過昂坪棧道及揹水一戰,雖然今次訓練夾作不多,但大家亦已經有了默契。
昨天起初有一點意外,我們在灣仔上車後遇上大塞車,坐左個幾鐘頭的士先可以去到比賽場地,我地遲左大約15mins先開跑,幸好大會酌情給受影響既參賽者可以以chip time計時。😰
⋯⋯⋯⋯
另外亦要多謝全仔在大藍湖既support, 我明明走得好雞手鴨腳咁,但邊走佢邊讚我走得好好,雖然明知係大話,但卻令我走得有信心左,落腳亦肯定左,我從來未試過可以咁快完成到呢一段路。
大會現時顯示成績為3hrs55,Overall no.1,但如果可以如大會所說,會酌情給我們計回實際起步時間的話,我們就是3hrs42,這個時間就可以打破大會個30K mixed team舊紀錄3hrs47了。
但確實與否,要其待大會稍後時間既公怖。

由塞車一刻開始,我們都從來沒有放棄過,希望我地既努力可以得以承認!🙏🙏🙏」

小流看racematix既時間,雪鷹晶片時間係3:44,雷利大會公道公正又有人情味,值得讚!


50公里夜征冠軍 : 追峰 – 羅楚健,林成業,完成時間 6:56

楚大俠和火車教頭就唔使多介紹啦,14號晚剛贏完Barclays Moontrekker二人組,15號晚又贏,UFO可唔可以唔好勁到咁離地呀? 最有趣既係楚健話自己終於正式加入成為追峰隊員,唔通真係「越野越巔峰」(小流早前開設的越野群組,歡迎各方山友加入https://www.facebook.com/groups/242084356123415/)。另外因為雷利跨越終極路程從156加左碼到160,兩兄弟之前「旋風156」24:50既記錄時間將會永久封存了。

既然雷利以年輕人作為主題,小流在此寄語年輕人,以及曾經年輕的年輕人,

人生豈有一帆風順,只要不放棄,

Everyone is number one!

勝利屬於每個人!

分類:生活, 跑步

Tagged as:

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s