生活

扑野、臭格、支那,粗俗是現今語言還是欠缺修養?

x1_imnem_1200x0

圖:立場新聞

眼見年輕一代關心社會,步入政壇心實喜之,但幾位年輕人近來的語言行為,讓我不是味兒。「支那」當然是侮辱,就算捧出古代原意,言語隨歲月變化,如今已帶歧視味道,兩位新議員應該是平常用慣,真心岐視內地政權,但一句「支那」,罵的是中國人, 原本不支持也不討厭你的人都會反感,絕對趕客。

當你決定要加入政治圈、玩立法局的一場遊戲,便要懂得玩,宣誓只是一個程序,道具誓詞若稍有分寸, 監誓員縱使不公正也無從入手。不知道你們事前有無做功課,被判宣誓無效而不能參加內務會議應該是事前未有預料的結果吧,我能理解這是一般年輕人的習慣,最重要是表達自己的想法而不怕承擔後果,但之後又以口音為籍口,結果進退失據,若你們大膽承認,可能還有多少掌聲,起碼你承擔了風險。

言語會隨歲月變化,因為人的生活在變。在香港,過去一直吹捧學習英文,近年吹普教中,很多學校被迫棄用接近古音的廣東話而用普通話教中文,令學習中文更困難,DSE被學生視為死亡之卷。一系列周星馳電影空前成功,也令不少粗俗的語言入屋,慢慢改變了新一代的語言文化,網上媒體及即時通訊軟件出現、再加上近年的廣告常玩「食字」,日常中文也隨之變成更直接、簡單和娛樂化,但言語始終代表了一個人的修養,除非游蕙禎和黃之鋒不懂得用其他詞語取代「扑野」、「臭格」。

我可以接受粗俗,但也希望議員們要尊重場合,在議事堂抗爭、掟道具,長毛、大舊、慢必做得多,但你幾時見佢地係議事堂、鏡頭前講粗口?

3 replies »

  1. 言語始終代表了一個人的修養? 真係咁? 咁著西裝打呔口頌優雅語言既就一定唔係騙徒喇. 唔怪之得咁多人俾人呃啦. 鏡頭前講粗口?我就係聽過. 仲要唔係當助語詞咁用吖, 咪就係你攞黎做例果個舊晌大班D100個節目當住幾萬觀眾直播屌大班老母囉. 又如何? 咁即係點呀? 諗掂未? 仲撐佢定係要改做插佢? 你一定係好少上網台定喇, 仲係習慣TVB送飯定喇. 一唔係你大概活晌一個高貴既平行世界. 粗口從來都係言語既一個組成部份. 連篤信佛教咁平和既國家, 例如尼泊爾, 不丹一樣有粗口, CHIK NE. 更莫講話俗語. 乜野係俗語, 市井販夫之言. 我又唔係貴族, 我唔知你係唔係, 定係你覺得自己係, 我完全唔覺有問題噃. 要文雅, 可以考慮講詩經吖, 關關雎鳩,在河之洲, 窈窕淑女, 君子好逑….不過咁喎, 關雎正正就係當時人既溝女扑野文.

    個世界轉咗好耐嘞.

    你唔睇真係乜人講乜話? 果兩隻馬騮講支那, 就係要趕客撩到你班中華膠爆血管. 言語強化佢地港獨立場. 巴治奧未選都已經講明係代打議員架喇, 佢代果個叫做梁天琦呀.

    講多無謂, 一係咪DQ佢重選囉. 我又真係想睇吓跟住會發生乜事喎. 兩隻馬騮夾埋六, 七萬香港人票之嘛. 叫老共印番十萬八萬支那人票冚過佢送番亡國兄或者痴根入去囉. 反正垃圾會今屆連個主席位都係呃番黎既. 叫果個呃番黎既0票主席DQ佢兩隻馬騮囉. 已經冇野可以令我覺得驚奇架喇.

    喜歡

  2. https://thehousenewsbloggers.net/2016/07/30/%E8%87%B4%E7%8E%8B%E7%B6%AD%E5%9F%BA%E7%9A%84%E5%85%AC%E9%96%8B%E4%BF%A1/

    再一次唔係馬後砲. 又中. 梁棍現好明顯係冇睇呢處既人講乜. 話得WIKI既, 即係所有做生意既就唔該醒水啦, 今次真係俾人亞之亞咗摩洛哥~~~護照喇. 床下底仲有幾多本? 好一次過矖冷攞晒出黎, 咪一本本爆, 唧牙膏死得仲惨.

    講咗咪同689玩打後手啦. 仲係咁班友仔做野又係慢半拍. 聽日當事人仲有隻死肥豬吖. 仲唔通宵抄佢家挖埋果隻野有幾多本護照, 最好等佢食完生菜之後即爆, DQ殺到佢應一應, 監都有得坐啦. 淨係上膠燈恥笑有條毛用咩! 咁至叫得做反咬一口, 吓吓都要教先至識跟手做野既, 真係小學雞. 吖, 唔係, 係大學至啱.

    喜歡

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s