生活

用Pokémon GO宣傳地產樓盤?/林兆彬

古有孟母三遷,今有為捕捉寵物小精靈而搬屋?

這個想法並非無稽之談,因為筆者最近發現了一個日本地產樓盤網站,竟然以手機遊戲Pokémon GO作宣傳賣點,難道區內能夠捕捉到甚麼寵物小精靈、距離Pokéstop/道場有多遠,將會成為搬屋的其中一個考慮因素?

這個名為「住まいのまとめ」(居所摘要)的綜合地產資訊網站,在7月27日發表了一個專題特輯,以六篇文章來介紹東京都區內有哪些地方能夠捕捉到稀有的寵物小精靈,以及附近的地產樓盤項目。

例如,如果想捕捉比卡超的話,可以到新宿御苑區,網站亦介紹了附近五個供租住的樓盤單位,清楚列明租金價格、單位大小、交通配套等資訊。最有趣的是其中一句文字描述:「住在新宿御苑區,每日就可以從家中開始捕捉到比卡超!」(新宿御苑周辺に住んで、毎日家からピカチュウをゲットしちゃいましょう!)

網站還介紹了如果想捕捉奇異種子,就可以到錦糸町的錦糸公園;想捕捉大舌頭的話,就可以到亀戸區的中央公園;想捕捉迷你龍的話,就可以到世田谷公園;想捕捉飛天螳螂的話,就可以到駒沢公園。當然,不少得附近的地產樓盤資訊。

其實,明眼人都知道,地產樓盤資訊才是網站的重點,Pokémon GO只是一種製造話題的行銷策略。不過,也不得不佩服這個網站的創意,或許有一天,區內能夠捕捉到甚麼寵物小精靈、距離Pokéstop/道場有多遠,將會成為搬屋的其中一個考慮因素。

例如,家長可能為了避免子女沉迷捕捉小精靈,而搬到附近沒有Pokéstop/道場、沒有稀有小精靈的地區居住。

因此,這個手機遊戲已經不單止是手機遊戲那麼簡單,還正在悄悄地改變我們的世界。

分類:生活, 科技

Tagged as: , ,

4 replies »

  1. 我又真係想睇吓靠擁, 靠哄再谷廣告可以賣多幾多樓喎. 原本租貴既有人借勢搬都唔出奇. 你自己出既圖咪張張都提及賃貸囉, 唔通講到買咗樓仲要租個雪櫃頂當咩? 買樓喎? 家陣買菜吖? 那怕係真既叫人買又如何? 正正常常一間屋, 正正常常市價, 冇租賣唔出既道理. 間樓原本係凶宅既咪依然係凶宅, 漏水既咪依然係漏水. 白蟻既咪依然係白蟻. 嘈音既咪依然係嘈音. 出得呢類招證明咗乜? 現任業主爆煲求售. 做乜無端端爆煲? 非當地人超"筍"價搶返黎既咪爆煲囉. 乜好多人先前搶日本樓咩? 搶咗幾年喇, 係時候爆喇. 要買日本樓都等佢仆咗街先喇. 反正呢次爆對日本人自已影響好細, 一定出力殺. 我估殺一半注至甩得手都唔出奇.

    按讚數

  2. 今日啱啱晌某論壇見到有人諗住集體搬去南太平洋某小島. 貪佢風大浪大冬天落雪仲有亜根廷炮艇搵你麻煩. 好明顯又係住~屋~問~題~囉! 你信就係架喇.

    不過, 係咪一定買樓買地至得呢…..

    我估唔係唯一答案, 有地有島住梗係正到庳喇! 冇呢? 冇計哪? ~唔~係!

    例如……….住船啦.

    以一隻馬仕基TRIPLE E級為例. 400米長, 60米濶. 新船US$185 MIL 一隻. 可以放18340隻20呎櫃. 因為貨櫃船正正乜間搹都冇, 最易改裝. 當一家住1000呎, 即係100平方米. 用200米船身去造居住區. 20060=12000, 12000/100=120間. 起5層就600個單位. 10層就1200單位. $1857.8=$1443, $1443/1200=HKD1.2025MIL一戶. 當一戶4口就已經係4800人. 其餘空間用作公共設備, 例如通道, 水缸, 製淡水機, 油缸, 發電機, 冷藏庫, 諸如此類. 分分鐘仲可以有學校, 小工廠, 寫字樓各式各樣. 其實即係將單楝大廈打橫放落隻船度, 如果多過一隻, 仲可以有唔同功能既船. 例如專門造細船既工廠, 專門養魚既, 專門運貨既, 專門造高價產品既小工廠, 甚至專門水耕種菜昵? 成隻做學校如何? 請發揮想像力. 船造得夠多既, 有友好國家借碼頭固然好到不得了, 冇既仲可以用起鑽油台既方法去海中心起個大型碼頭, 乘客貨物交換中心.

    天荒夜譚?

    有冇聽過遊輪, 海上學府, 甚至極端例子: 航空母艦呢? 毎種通通都係裝住幾千人全球通處走. 再者, 長期住船亦唔係新鮮事. 香港就己經大把. 蜑家人就係啦. 早得三十年前. 一家十幾口住晌隻20呎艇仔唔係乜野奇事. 家陣一戶4口住1000呎. 我估唔算虐待掛? 而且住船相當歷史悠久. 據聞蜑家人原本就係逃避元朝統治, 不上岸落戶既人. 相當符合傳統.

    住得舒服嘛? 唔見得, 自由嘛? 呢吓相當吸引.

    按讚數

  3. 一出即刻有熟人打俾我問: 買船點同買樓吖?

    答: 我唔該你睇吓你間樓張契. 去到2046咋. 即係到時你肯補地價佢都可以唔收. 話拆就拆, 一蚊都唔駛賠俾你. 算你今年買, 供卅年, 然後話你知要即刻拆. 你會點反應? 一隻新船如果唔係日日打晒風食十級八級浪, 用卅年唔出奇.

    另外更正番 唔知做乜出唔到個乘號, 條數係
    200M X 60M = 12000M 12000M / 100 = 120間.
    USD185mil X 7.8 = HKD$1443mil. $1443mil / 1200 = HKD1.2025mil一戶.

    你地住緊間樓呢? 要幾錢買?

    按讚數

  4. 真係故仔都冇咁離奇. 原來上面個POST提到果個熟人. 佢老竇同亞爺都係死忠民賤聯榕根粉. 聽到佢講我計條數之後, 啪一聲拍咗一吓大肶. 然後唉咗一聲好長既. 同場幾個有個錢發咗既世叔伯就靜鳩咗半分鐘. 原來成班老坑都係早兩年晌應政府, 賣咗隻船俾大陸仔, 交番個牌俾政府. 收番卅個果堆人. 仲未完吖, 有個平日鐵公雞到爆既老野尋日仲叫佢拖咗隻遊艇去船廠大修. 船廠鬼會同你客氣咩, 成百幾呎長咁大隻羊牯送埋黎, 開價殺你一鑊, 我心諗, 俾半隻佣我都差唔多成皮野喇.

    家陣我咖啡都冇飲過你一杯. 你就咪問我點解恥笑你, 笑你就梗既喇, 起碼我一個名都冇開你地. 又冇去海事督你改裝, 算係厚道架喇. 哈! 下次抄我橋記得帶起碼都要帶魚翅鮑魚至好黎問我吖.

    按讚數

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s