政改

致王維基的公開信/胡世君

親愛的王維基先生,

 

本人向來欣賞你的美式進取、港式務實,以及推擴本土文化的心志。知道你參選,作為港島區選民的我,除想過投票給你,更認真地考慮過加入你的競選義工團,助你當選,為議會帶來新氣象。

 

然而,當小弟拜讀過你的「百頁特首參選政綱」後(誤),發現你竟支持「袋住先」﹗X街﹗有冇搞X錯……對不起,我平時很少說粗口,先陪個不是。但請你明白「袋住先」三個字,實在難聽過粗口,百倍﹗曾經我們在金鐘渡過79日、吃過催淚彈、熬過警棍、佔領了全宇宙最強軍隊旁邊的馬路,為的只有三個字﹕「真普選」。但Ricky你竟叫我們「袋住先」?試問怎對得起曾經支持佔中的37.8%香港人(中大傳播與民意調查中心,2014)?

 

OK Fine! 若你說這是發展過程,不能一步登天,但請問香港人要袋多久?一屆?兩屆?頂盡三屆好不好?15年之後,羅冠聰40未滿,小弟我約50,而Ricky你約70。香港男性平均壽命為81.24歲(日本厚生勞動省,2016),即羅冠聰仍有越40年命,我有30,Ricky你有10年(李超人88歲仍精神奕奕)。喂阿哥,15年後到底香港人是享受真民主的成果,抑或忍受假普選的荒謬,甚至承受另一個689的摧殘,就.看.今.天。

 

你不支持港獨,但村民唔係咁諗,有17%香港人支持香港獨立(中大傳播與民意調查中心,2016)。若在立法會選擇中某名單得票17%,分分鐘可以送兩位候選人入會。這數字相信在97主權移交時,甚至數年前都難以想像。但今時今日,大勢所趨,香港人被逼上梁山。對於「假普選」,香港人絕不能接受﹗想阻止港獨,方法只有一個,就是貨真價實的民主選舉。香港人要的,是真正代表香港利益的特首,而非時刻向中央獻媚的傀儡政權,你懂的。

 

我相信你的實幹和熱誠,但若你要說服我們支持「袋住先」,最起碼在你的政綱中應明言「真普選時間表」,並承諾在當選後(甚至落選)你會為為香港抗爭到底。否則,我這微微微小的一票,絕不會投給你﹗

 

謝謝閱讀。

 

香港人

胡世君敬上

FB Page  https://www.facebook.com/WriterKenneth

 

(本文非競選廣告)

(圖﹕王維基競選網站)

分類:政改, 政治

4 replies »

  1. 你同個正怯講呢啲? 算把啦.

    由得佢同孽瘤攬炒. 如果攬炒完係贏既. 又冇俾警犬攪, 咪知乜事囉. 到佢發作開始唔講人話既時候, 咪問吓佢用緊乜野護照囉. 直選議員係要放棄外國護照既, 見佢咁有决心, 應該鼓勵佢POST份放棄護照書面申請出黎以正視聽至啱嘛.

    喜歡

    • 其實有冇外國護照對呢D大有錢佬影響不大,一來就算佢放棄左都可以申請灰復身份。
      二來佢可以再申請其他國家,例如移民澳洲只需要500萬澳元,平到笑(當然係話佢覺得,不是我呢D窮L)。

      喜歡

      • 根本唔係再申請同有乜護照既問題. 吓吓都要我畫公仔畫出腸. 而係家陣佢簽咗份濕鳩野, 去到9月佢就已經只能用抽氣扇護照.一個唔好彩隊冧埋孽瘤. 之後4年都只能用抽氣扇護照. 話之佢仲床下底仲有17本護照吖, 越多越中越易俾人攪, 以689同孽瘤同佢咁好朋友, 實關照佢既. 邊個最清楚香港人有乜野護照? 用乜護照出入吖? 入境處吖嘛. 唔駛多, 關鍵時刻雞佢出垃圾會再告一鑊, 仲可以大大聲話維持法治添. 唯一方法佢保住護照又入到垃圾會, 就係唔講人話, 人地叫佢講乜就講乜囉. 咁同亡國兄, 西環契仔有乜分別吖? 乜野選舉宣言幫市民發聲? 講吓既啫, 真係會做咩.

        自製痛腳一隻俾人揸. 仲要慌死人地唔去揸佢. 已經係一種宣示態度. “你同我行過黎, 溝我啦".

        喜歡

  2. 以選舉策略來看,他的政綱與"建制派"越接近越好,洗掉過去的形象與立場,同時還要大賣廣告,讓大眾知悉。

    喜歡

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s