生活

義務演出定幫人賺錢?

 

IMG_4269漸進初夏,可能天氣熱人人燥底,關公災難頻頻。最新一件係無記電視搵人係明愛慈善show表演,車馬費都欠奉。話題圍繞幾點:

1) 無記電視自己收錢,但表演者要義演?

無記每年都有大型慈善show,預算動輒百萬元以上,大部份由總理們支付,觀眾善款歸慈善團體。既然係慈善show,理直氣壯可以叫藝人、表演者義演。總理們比錢係出鏡費,藝人上節目可以增加收視,始終幫到慈善團體,如果無記收少尐,總理們的錢直接捐慈善團體,大家都會寬心尐。

近十年,當慈善團體呼籲大機構、公司履行社會企業責任(corporate social responsibility)叫得最響亮時,似乎電視台的參與係零,除了多年前特大天災如南亞海嘯、汶川地震籌款節目外,我未聽過有電視台無償幫慈善團體籌款,人脈好的團體最多搵個大班或贊助商比錢買時段。

籌款必須要有知名度,電視廣告當然最有效,但壟斷式的大台令廣告、籌款節目費驚人,慈善團體要賣廣告籌款,首先便要貢獻比大台。值得嗎?不值,但無得揀。外國電視台眾多,慈善團體的廣告費也會有優惠,香港的團體只能羨慕。

2)  無budget已成常態,是藉口還是自己賺到盡?

現今社會,做乜都話無預算,如果你係慈善團體NGO我明,因為錢難籌,慳得就慳,但貴為每年賺十多億的商業機構,節目收製作費「可能」比商業節目少,但一定唔會白做 。山長水遠入去堆填區,仲要綵排,車馬費都無,除了自己賺到盡也欠缺對義演單位的尊重,唔應該係「你唔做大把人爭住做、我係益你曝光啦」的心態去邀請表演者。

以往表演者要曝光增加知名度,人人恨上電視,但在人人都可以拍片上YouTube的時代,隨時爆紅到傳統媒體要爭相訪問,電視台的主導地位已經不同。

3) Cap圖示眾是否不道德?

一些朋友對此非常反感,認為私人對話不宜公開。但在社交媒體、娛樂自主的年代,年輕人習慣網上無所不談,只要不是無的放矢網絡欺凌,出圖者明白可能會為此付出代價,例如對方永不錄用等等,我都不忍苛責。

公開一些人的惡行,後果有時很難想像,「爛扣」案子網上簽署已經超過八萬人,在香港及國際上都引起極大迴響,但「爛扣」未有正式回應,似乎未有正面效果,面對不公平待遇繼續委曲求全可能已經不合時宜了。願意妥協的人工作會順利一點,不願意妥協、守舊法則的人卻可以帶來改變。

4) 表演者、自由工作者有無話語權?

政府不賣無票人的帳,香港工人缺乏集體談判權,議價力弱,市場主導總成為價低者得的漂亮籍口,令自由工作者尤其演藝人員長期受欺壓,專業人士得不到應有的尊重及回報。但要有人肯出來攪工會,爭取應有權益,只怕難乎其難。可能,到香港有集體談判權之後,各行業才會有多些空間成立工會,保障工人,尤其自由工作者的權利。

「爛扣」案子網上簽署

The Strings Amarta Facebook

13427865_419053824885331_5796436636300099616_n

2 replies »

  1. 低樁嘛, 老鼠成話齋:蠢人做蠢事. 同樣係呢幾日, 有冇靚抽呢? 有! 索羅斯果吓, 就算國際靚抽. 夾啱事頭婆果邊唔知脫唔脫. 肥仔金玩魚, 賓仔嗌開拖, 北極熊同痴那炮艇晌釣魚台迷路. MIXROSOFT 同ADOBX雙雙中病毒. 莫講話撈底買貨, 連開機都出問題吖. 幾似打到黎咁吖. 就插你500點, 班老散連懷疑吓都唔敢. 直接跪低喊. 今日所有以上新聞收聲, 冇事發生一樣, 昵啲咪高手囉.

    條老野好等錢駛咩? 唔可能. 早前佢仲大舊錢攞去做善事. 做善事? 係, 佢本來就係國際左膠, 信共產國際果套. 事實上我懷疑佢根本乜春都冇沽過. 接個齋吹柯打咁就有錢收. 有本事咪查佢沽空囉? 根本冇沽過既話, 查條毛.

    咁………..邊個等錢駛落柯打吖?

    左膠同左膠傾偈既野, 我知條毛咩. 我淨係知有個偽左膠國, 今個月有兩筆國債到期, 夾埋700億港紙咁上下咯.

    成件事幾完美? 人做善事佢做善事, CCTVB? 第九班跛腳馬, 劏咗佢食餐好既冇咁眼冤啦.

    按讚數

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s