生活

有膽識至好搵何韻詩啦!

13307451_10156972685475230_3738863010068485826_n

圖:何韻詩FB

Lancôme的活動風波,一地花生,真係C9 都忍唔住講句,乜攪到豬八戒照鏡,兩邊不是人啊?出左活動廣告,被大陸憤青留言就取消活動,真有需要咁大反應咩?你搵何韻詩做音樂會之前應該預到會有咁既效果,如果話無預計過就更傻豬豬、不知世情,提議同批個的尐人炒得。如果事前計過度過擔得起負評又點解要取消?只會比香港人話你向強國跪低,群起攻之,形象一跌好難救,前事不忘「負皮王」唯唯之師。

連出兩篇通告又係傻豬豬,第一篇聲明指何韻詩不是品牌代言人,聲明完全無頭無尾,對於不知事情始末的人,以為係何韻詩自己白撞冒認代言人,搵你著數,叫人情何以堪?第二篇聲明的「有可能出現之安全因素」, C9真係中文差,都吾明你講乜?估計係由 「For safety reason」(原文possible safety reasons)夾硬譯,你係咪想講「或會出現危險情況」或「避免有意外發生」,真係要請教貴公司的公關大員。

兩篇聲明的英文都係差,第二篇只得幾句英文已經有咁多錯誤, 比網民恥笑同鬧都無辦法,點解咁大個品牌都吾比錢搵個專業英文編輯睇下至出?呢尐錢唔慳得架!好多網民用英文鬧,品牌即時全球響朵,好快上國際版,可惜會係個公關災難的教材。

在品牌的FB專頁,負評不斷被隱藏,每個post有幾千個評語,你隱藏得幾多?品牌同事一點都不明白Social media能載舟更能覆舟,開得專頁當然有機會比人鬧爆,與其隱藏負評,不如暫時停左專頁或不接受留言,但公關災難已成,暫時應該乜都唔好做,靜靜企係度比人鬧。如果有心要挽救品牌形象,應該即時向何韻詩道歉,捐一百幾十萬比何韻詩指定的慈善機構,買返少少人心。

4 replies »

  1. 唔緊要 唔緊要, 老共養既狗已經幫呢間野揀定代言人喇. 登登燈櫈! 就係………李—-私—-煙…..嘞. 大家千祈唔好搞串佢. 我等緊睇呢檔野晌號外揾李私煙幫佢拍頭版全頁廣告. 真係諗起都覺得好很精彩.

    老實講, 玩鳩時報一日賣幾多份吖? 屌那媽龍虎門, 太公報同雄風都賣得多過佢喇, 佢個老頂早幾前先至俾中幾位中出一野, 插到屎忽都爆埋. 己經講明佢地係乜野地位啦. 有條撚牙力咩. 咁把炮既就頂咗淫民日報個位做啦. 駛咁霉? 係香港果班港奸新聞含正人員日日同佢明踩實捧扯貓尾大吹特吹扮鬧, 唔係有撚人知有撚人理佢寫乜鳩啫. 試吓唔報佢一頭半個月? 當堂就摺埋啦. 嘈嘈閉.

    新聞含正人員先至係扮晒魚蝦蟹既港奸. 又惨得過真係有咁多港豬仲信報紙喎? 蠢到咁, 唔呃你地呃邊個?

    喜歡

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s