政治

我要開飯,比幾百億黎/假才子

早上看電視節目有觀眾打電話鬧高鐵撥款,越想越不妥。觀眾說,建制派常常說工程對香港有甚麼益處,我沒享受過呀,樓價升通脹升,人工沒升過,公共服務就越來越差,去醫院急症室都要排幾個鐘……對呀,工程界那班所謂代表常常說他們等著開飯,所以要通過高鐵撥款。為什麼他們要開飯,我們就要比844億?其他香港人唔洗開飯?

醫院做到「踢晒腳」,病人排隊排成日,政府 cut budget。學生自殺頻生,政府說開個委員會研究。領展逼到小商戶執晒笠,政府說唔關佢事。亞視欠薪拖了不知幾多個月,局長說仍在了解中。醫生護士唔洗開飯?教育界唔洗開飯?小商戶唔洗開飯?亞視員工唔洗開飯?為什麼844億不是給醫院?給教育界?給小商戶?

工程界那班所謂代表還好意思周圍講他們冇飯開。我覺得他們欠香港人一個交代呀,為什麼你們要開飯,香港人就要用844億養你們呀?是不是任何界別的人說他們要開飯,政府就要出幾百億?為何工程界伸手要錢就有?當香港人是提款機?現在香港人是出緊錢,是你們老闆呀。

工程界那班所謂代表說高鐵工程涉及7000人飯碗。844億除7000,平均每1個飯碗就花了1205萬。當然,條數不能直接這樣計。我假設,工人月薪2萬,一年就是24萬,8年就是192萬,7000人就是134.4億。差700億去左邊呢何?還有,不要忘記,高鐵原訂計劃是2015年已經完工,要不是有延誤和拉布,他們晨早冇工開啦,是不是應該多謝延誤和拉布呀?

分類:政治

2 replies »

  1. 700億錢去咗邊, 一個好問題. 老千錢到手, 第一件事係乜? 當然係大魚大肉啦. 今日恆指升幾點吖? 係咪你以為班戌四今日撲入去推高個市慶祝呢? 係咁諗既話你就SO SORRY喇. 星期五晚夜期已經SET定士碌架等人踩. 今日標高就係割禾. 難得班戌四今朝衝入去, 班戌四可能家陣仲沾沾自喜緊以為自已好英明. 佐証係乜? 去睇吓通過撥款條新聞幾時出? 星期五晚夜期幾時扯上去? 檻欖個劇本擺明係剪你架啦. 係個時間啫. 做乜唔係星期五晏晝就剪, 又唔係下次開會至剪? 仲有吖, 壞消息當好消息炒. 隻膿行亞頭俾人雞咗. 咦? 做乜唔跌既? 梗係唔跌啦. 都唔好講成個週末電腦病毒週圍飛, 全日強國有關既報價, 咁啱都壞呢隻喎. 淨係出個DAY HIGH價擺足成日. 收市唔知做乜又突然行番. 唯一見到既就係晨咁早大手沽咗一大舊貨, 下晝條友就俾人雞咗.

    咁即係點? 以往出呢種套路既公司. 十居其九係爆咗煲囉. 咁唔係壞消息當好消息炒係乜?

    錢去咗邊, 好一個問題. 去各大海鮮酒家望吓? 話唔定見好多工程佬今晚傾生意包幾圍都唔定架?

    按讚數

  2. 較嚴肅的說,工程費包括:材料、勞工、設計、行政費及承建商利潤。材料主要是鋼鐵、英泥、沙、石,絕大部份外來。設計亦大部份外來。因而除了其中100億勞工及行政費外,此工程使費極大部份入了外人的袋,及成為香港承建商的利潤。不知各議員曾否分析工程費844億對香港的經濟好處是否值得。
    高鐵工程非因應付現下需要而趕造,頂多只能說是為「將來預估需求」而建設。但「將來預估需求」如何,只是靠估,可能造出來只是美國阿拉斯卡的"a road to nowhere"。
    更須預估未來使用效益,並研究回報率,纔可能有意義的辯論是否進行工程。似乎政府並未提交詳細之「經濟效益及回報研究報告」。
    以七千人飯碗為理由支持撥款只是不負責任的煽動言詞。試問:高鐵工程完成後是否須造「高高鐵工程」以再保這七千人的後續飯碗。
    為何不考慮將844億或部份另行投資:例如將香港發展成東方荷里活,建造影城,訓練本地及外來編演導等人材;投資中小學教育,減少每班學生人數,教師再培訓、大幅加薪及增升級機會等;大刀闊斧改善老人及弱勢社群福利。
    fh

    按讚數

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s