生活

最後的家書:無人想寫,無人想收/O_R_

DSC_0533

致親愛的父母親:

對唔住,我又一次發脾氣。

但係,我好攰,我真係好攰。我相信你哋睇到依封信個陣,你哋唔會相信,亦唔會明白點解我會揀依條路。你哋會質問我,我唔憂食,唔憂住,有咩天大嘅事要咁樣做。我明白你哋幫我做曬所有嘅事,會認為我縱壞咗。我知你哋會話我自私自利,一啲都唔考慮屋企人感受。

對唔住,我今次真係要自私一次,因為我真係好攰,我亦都諗唔到仲有咩其他方法可以改變得到。我整係知道依一個方法,我先可以做返我自己,我先可以為我自己做一次選擇。因為只要你哋係我老逗老母,我就無辦法可以做我。但現實係,依一世,你哋會繼續係我啊爸啊媽。

我好欣賞《丹麥女孩》,因為佢好勇敢。我知,你哋認為依啲係痴線人,所以我唔應該睇咁多,更加唔應該覺得係一件值得讚賞嘅事,否則我都好快會變痴線,所以你哋好憎依啲人。唔係啊,爸,媽!唔係咁架!我唔係要變性,而係《丹麥女孩》話我知:有時,要活出自己,就要用條命去換!

我知你哋愛我,所以先幫我。我明白你哋緊張我,所以你哋先會鬧我。我了解你哋想我有最好嘅,所以先會為我準備好所有野。

但現實唔應該係咁。我嘅生命,我應該係有份一齊參與。我嘅人生,唔應該會同你哋腦海中嘅畫面一模一樣。

我知我咁做係好不孝,我真係好對唔住!我知你哋會好唔開心,但請你哋相信我依一次,我做咗依個決定個一刻,我覺得好舒服,好平靜。因為我知道,好快,我就可以活出我自己。好快,我就會解放。那怕只係空氣中個幾秒鐘時間。我,將會係我。我無悔了。

最後,千萬唔好為咗我唔開心得太耐。你哋應該要開心,要笑。你哋一直都想我唔使再依靠你哋,我做到咗了。我終於唔再需要你哋幫我,以後都唔需要煩到你哋。終於,我自己一個人為咗自己做咗一個決定了。所以,你哋唔好喊,要為我高興。

我好多謝你哋由我未出世到依家,一直盡心盡力照顧我。對唔住,我不孝,我今生無辦法報答你哋。但我答應你哋,有機會嘅話,我下一世會比今世更加努力孝敬你哋!

祝身體健康

愛你們的不孝兒

=====

筆者facebook專頁:https://goo.gl/P51261

=====

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s