藝術

【特約轉載】 奧斯卡大搞新意思 無得大叫多謝阿媽/場邊故事

 

文: 係屋企睇電影 阿棟

奧斯卡搞了88屆, 廿年前開始俾人彈收視新低, 於是年年搞新意思。
今年啲新意思真數之不盡, 未入場, 已經在OTRC.COM 搞VR , 讓大家感受在場上天下海的氣氛, 當然望天沒有甚麼好看, 假如是舊年, 下微雨, 可能可以感受一下如何 “And it’s never rain in southern California”的雨水, 無cardboard 都唔緊要, 用智能手機或平板電腦左右上下移, 一樣看到。

主持無換衫

紅地氈在香港時間照舊晨早6時開始行, 睇現況是比早幾年都短, 甚至無乜訪問幕後人員如導演監制, 雖然 <復仇勇者>的導演和列尼史葛行來行去, 但都無人理, MAD MAX的佐治米勒好點, 因為晨早到咗, 在香港時間7:30已經有他和剪片師太太的訪問
開場, 依舊是主持人講下笑, 今年講很多黑人白人話題, 有別於以前的所有主持, 個個都會扮這個那個提名電影的主角, 今年 Chris Rock一套黑白西裝直落, 絕無花巧。

oscar_thanks

多謝阿媽靠字幕

今年獲獎人當然可以上台, 但因為以前試過李安忘記多謝兩個斷背男, 和<少年PI> 的特技組;而賓亞弗力多謝加拿大大使館人員幫忙拍攝 <ARGO>又產生尷尬;琦溫當年得獎又無多謝老公, 結果一年多後就離埋婚, 於是讓準獲獎者寫下感謝名單, 獲獎時就可以準確無誤地在熒幕顯示出來(圖), 留時間讓獲獎者親口在台上講感受。算是突破。
CHRIS ROCK歷年出盡辦法減短獲獎人致謝辭, 但無乜效果; 奧斯卡甚至為慳時間, 曾試過頒奬人走落和觀眾席同得獎人「搞掂」就算, 一生人一次, 台都無得上, 該煨!

oscar_introduction

頒獎者係邊個話你知

另一個突破, 是在熒幕上看到頒獎者的簡單介紹, 這個對一般觀眾都重要, 因為很多細獎的頒獎人, 其實對大部份觀眾, 特別是非美國的觀眾都會感到很陌生。多講一下, 有點印象, 實在非常好。

竟然無人喊

今年的得獎者, 竟然無人大哭! 連爆冷的 <抖室> ROOM的女主角, 都無乜反應, 女配角又係。
男主角里安坐定粒六, 拿完獎寒喧一下, 重覆當年他和戈爾一切在台上, 宣傳inconvenient truth的言論。41歲做影帝;提名四次影帝一次男配角;不一定拍動作片都大賣;奧斯卡帶阿媽出席 (WELL, 好似真係第一次帶阿媽) ;做人做到咁,乎復何求。

提名五首唱三首 LADY GAGA依然精彩

LADY GAGA有心有力動真情演出, <Till It happen to you> 算是全晚較有氣份的表演, 可惜五首原唱歌, 唱得三首, 美中不足。早初介紹這套電影時, 出動到副總統拜登, 記得幾年前, 奧巴馬太太負責頒最佳電影, 一睇就知一定頒俾 <救參任務argo> 今次大概沒人想到最佳歌曲是 Sam smith writing on the wall勝出, 第二首占士邦奧斯卡最佳原唱歌!

十年前的Chris Rock, 沒有甚麼印象, 甚至比狼人Huge Jackman, Anne Hathaway和James Franco, Steve Martin和 Alex Baldwin唱雙簧等更無印象。主持得最好的當然是Billy Crystal, 但做得太多了, 近年最深印象還是2014年Ellen DeGeneres, 當年的群selfie, 至今仍然津津有味。

圖:網上截圖

‪#‎奧斯卡‬

分類:藝術

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s