Month: 十一月 2015

唔想香港變成中國、我跪票 / 蘆葦

我唔想再無端端多幾狗個不能避雨避雨亭;
我唔想再無端端花五千幾狗萬係我要搵地圖先知係邊度既戇九噴水池;
我唔想無端端有條星光大道一聲唔該畀阿水發展商拎左;
我唔想住個度要無端端每戶夾幾十萬話做維修,然後發現個立案法團區議員承建商全部都叫謝賢;
我唔想一開水喉成池鉛水噴過來仲有個仆街政黨話已幫你然後轉過頭阻止任何人追究689。

我、唔想香港變成中國。

所以,11月22日,記得、投票。

文以食為天 / 簡兆明

食字,香港本土語文一大特色。戲名、書名、文章、廣告、新聞標題、促銷,甚至慈善活動,無孔不入,食無定時,盡情發揮廣東話特異再生能力,符合香港人足智多謀德性。然而,食多會滯,大小通吃,易令人吃不消。