生活

行到邊,總有伙伴在身邊 /流行萬里

感冒未清加頑痛纏身的小流,"癡癡呆呆,走上領cert台",那一刻最想把沿途support過我的所有人,一人抦佢十拳八拳,唔係因為佢地,我早就剪帶離場!

假如再慢幾粒鐘,真係可以同呢隊朋友包尾見報!
http://m.scmp.com/news/hong-kong/education-community/article/1881740/last-team-crosses-line-oxfam-48-hour-trailwalker

講到毅行精神,小流呢啲係小兒科,再千言萬語,再寫幾多篇文章,都遠遠不及下圖有力!

 
S47, 本年度毅行者醫護組冠軍,全場第七名,以破醫護組記錄時間 14.00.15 完賽,其中隊員Taurus,是十一年的資深超級毅行者,Taurus衝線時跌倒,隨即陷入休克。


左起 : Jacky Leung, Taurus Chung, Max Lky, Syfat Takchun

Photo credit : Yan Yan

 
休克20分鐘後醒來的Taurus, 事後回憶,總結了一句 :
「朋友都千叮萬囑我,唔得就唔好死頂,今次實屬好彩。」

 
Taurus今年因腳患很少練山路,練了幾課平路,參加了一場30公里的越野山賽,再練一次雙凹長課(從北潭凹經麥徑走到大帽凹,約53公里,上落3千多米)。週五起步陰天,不熱但濕度高,上西灣山時Taurus開始用行山杖並由隊友幫拖,一路到終點都不在狀態,隊友們明顯在燃燒他的潛能,差點殆盡。

 
隊長Jacky賽後感言 : 「原來呢個世界有一種隊友肯同你組隊玩毅行者,為大家目標而搏到命都差d無埋,你為玩毅行又可以去到幾盡? 對不起隊友們,鍾仔請好好休息。」

 
Taurus賽後分享了他們比賽過程,反映了現代毅行者Support team的重要性,S47沿路有Support crews補給,有些路段有陪跑,更會有俗稱「空中加油」服務, 支援人員邊走邊補水及遞上必須補給,如此Support是務求做到參加者盡量少停步,爭取最理想完成時間。

 
高手過招,從來是爭分奪秒,當日8:30超級毅行者和24小時隊起步後,兩支海外參賽隊伍,「S04善跑」和「S05 Awoo Team Nepal」領放而出,在一公里位置,兩隊幾乎是貼到實的。



1 km after start, Team S05 leading S04 by few seconds.

Photo credit : Charman To

 
不久後,另一超級毅行隊S43 熱血硬派隊員Billy Ho,卻目睹了一件怪事。

 
「我幾驚訝。。。行緊出北潭坳,居然畀S04/S05界,以為自己眼花 (原來佢兩隊一齊行,一齊錯)(呢D機會真係一生人一次)」

 
原來S04,S05隊員,不熟悉香港毅行路線,前段也無support crews陪跑,領頭的他們誤入歧途,結果兩隊人多跑了8,9K山路回到起點。

 
在場義務拍攝的Charman似乎找到了真相。

 

「單野有古講,s04,s05唔係行錯咁簡單! 佢地應該係西壩前兜左一個圈係上窰出番起點。

㸃解? s05係麥徑起㸃處(北潭路口)同我講,佢地跟住樂施會「領袖行」張螢光紙行(因為當時條電燈柱亦有呢張指示牌,佢指俾我睇)。同場仲有三個工作人員兩個警察兩個阿叔同我見証的。之後工作人員報上台,然後去撕左張告示⋯」
「我之前係一K位影相,s04、05同第三隊s06(曾小強)相差左已經41秒(睇相時間),所以去到西壩元五墳佢地走錯真係冇人提到佢地的。」

 
Charman 影到照片,顯示S05隊員如飛將軍般落山,嘗試追回失去了的五十多分鐘。


Awoo team members catching up the delay, flying down like eagles!
Photo credit : Charman To

 
作為頂尖運動員,不管發生了什麼突變,比賽結束前還是要盡力而為,Billy所見情況。

 

「 出北潭坳畀佢地過果時已見尼仔D果個爆爆地,又推又噴小腿; 另歐洲隊二拖一chur 住去」

 
比賽結果大家都好清楚,冠軍是全本地薑華人隊伍S53 2XU UFO, 亞軍是本地華洋組合S06 Champion System。而季軍就是拼死追趕的歐洲高手S04善跑,他們的完成時間剛剛落後冠軍S53約一小時。而S05 Awoo最後鎩羽而歸,更可惜是其中一隊員受傷未能Full Team完成。
是次毅行,多支海外強手前來參戰,除了S04善跑,全部都未能跑進頭十名,引証了「天時地利人和」之重要。

一仗功成萬骨枯,看著這張名單,小流有好多好多故事要寫。故事未必都能寫成完整文章在主場博客群發表,但盡量會在流行萬里個人專頁 http://on.fb.me/1Pc0yyj 與大家分享,請大家幫手去like小流既Facebook page啦。

小流今次不用考慮配乜嘢歌作結,感謝Maggie Sig 的精彩YouTube剪影,為S47鼓掌!

 
利申 : 小流以事論事,並無偏幫任何一方,與任何越野賽主辦單位或贊助商無利益關係。
Hope to see you all again in 2016.

分類:生活, 跑步

29 replies »

  1. 俾人拖住過終點,跟住休克……就係你欣賞既『毅行精神』?
    我就睇唔啦…我睇到既係…暈果位唔掂都要死 chur ……隊友都唔理佢就黎死,為的是要個紀錄靚!

    重話係醫護組…簡直令我作為一個醫護人員 shame on your team !

    罔顧自己和隊友安全,完全係對生命不負責任的態度。
    【佢面書有人留言 RIP添!】

    喜歡

    • XO,也許毅行者或一般的山野賽事也不太適合你,對你來說都帶有高風險。
      我會建議你去留意/參加室內健身運動,因為會比較安全,而且吾會刺激到你閣下寶貴的神經缐。

      喜歡

    • Hi XO, 新年快樂,還記得我們嗎?你還好嗎?仍記得我們S47衝線的一幕嗎?

      我誠意邀請你一齊來分享我們毅行者的故事

      日期:2016年1月29日(五)
      時間:19 : 00 電影放映,映後設有精英跑手分享會
      嘉賓:Team S47及2015年毅行者冠軍隊伍UFO之隊員
      語言:電影以廣東話播放(設有中英文字幕);分享會以廣東話進行
      地點:九龍青山道800號饒宗頤文化館 I 座(演藝廳)
      票價: HK$60 (所有收益扣除場地開支後,將全數捐贈樂施會)
      名額:100名(額滿即止)
      訂票:請將全名、票數、聯絡電話及電郵地址email至香港全能運動學會hkmsaenquiry@gmail.com
      主旨請標明 : S47首映。
      備註:每一電郵只可訂購最多兩張門票,報名確認後將通知付款安排。
      主辦單位:香港全能運動學會    Zentral Production

      Liked by 1 person

  2. 個人同意你的看法,某程度上樂施毅行者呢個活動已相當變質,追求PB第一,為創理想時間無所不用其極。
    記得筆友園丁,當初寫了’跑膠’兩字去形容香港跑友,慘被圍攻,我等主張以享受過程,不追求完成時間既跑步方式,更被人視為不夠認真,不願刻苦,什至不尊重比賽。
    多謝留言批評。

    喜歡

    • 啊流行哥

      去到我地呢D年幾
      吾緊要啦
      Enjoy 又好,PB又好
      返吾到較轉頭架啦
      你有你受享受過程,人地有人地PB
      係咪

      吾好俾人話,意見不同
      就嬲豬

      努力

      喜歡

    • 其實樂施毅行者活動經多年來的發展,已經是一個包容多元目標的籌款活動,參加者都有各自目標,有人希望籍着參與這不凡的100公里活動挑戰自己,突破自己體能,當中找到的是個人自信。 四人一隊互相扶持,共同進退,得到的是友誼。 有人以郊遊欣賞沿途風光為目的。有人希望從活動中以完成速度為目標,段練自己,替自己在人生中留下精彩一筆,大會設立速度獎以鼓勵這類參與者,亦為這籌款活動加添不少活力及可觀性。。。總之各式其式,不同人有不同方式享受過程。當中滋味,只有參加者能從中領略體會,講你都唔明! 所以冇落場的,對事物不了解的,請不要隨意發表沒有根據嘅評論,更不應在公開網絡媒體不負責任地亂嗡廿四,發放負面言論,搞寸個party.

      喜歡

      • Alex

        冇人搞寸
        言論自由,吹水

        不過,冇深入了解
        而單純最尾50米幾張相,面書幾個留言去估計
        100km ,14小時,的情況

        吾太公平
        讀書考試都要準備多D
        先入試場

        喜歡

  3. 其實毅行係一個慈善活動唔係一個赛事点解咁多參加者要做時間要大家比較引致多人受傷差点陪
    上性命真不可思議。

    喜歡

    • Danny

      主辦單位話係籌款活動,
      但終點top ten list 入面都冇
      每隊的已籌款額呀
      真係"shame"

      咁多人short cut,走速度完素
      渣馬到試過有人出事
      香港地,認真你便。。鳥

      如果香港體育運動員
      吾努力認真,屋企付近D足球場
      單車場,藍球場
      咪洗只意有

      PB係運動的style.

      喜歡

    • 對!不過呢點你可以直接問樂施會同佢地既毅行大使,亦好讚成你直接問完話返我知(我都好想知),感激不盡。

      喜歡

  4. 明白一眾跑人俾人係呢度咁講,個心係會唔舒服。

    我唔在場…我只係睇相、睇人留言覺得當時情況並不如你們想得輕鬆。
    你們可以話我膚淺,我唔介意,因為,我唔係你地運動人。

    Jacky facebook 亦所形容『搵命博』,講真,當時人可能亦意會情況有點不妙。呢啲野,冷暖自知,我亦唔會同你地拗。

    係咪做乜野都搵命搏就係英雄呢?
    你地可能覺得係,我就唔認為係。
    咁我都可以相反意見啩?!

    既然唔歡迎…唔緊要架,我走囉。

    祝各位身體健康!

    喜歡

    • XO 下話

      真係想送件褸俾你
      哪。。哪
      咪嬲豬
      留底吹下
      等流行哥個全篇先啦
      仲有個documentary

      咪自己諗太多先。。吓
      子解多D
      咁咪知龍與鳳

      咪复你個post,就以為人地圍你
      咁易嬲豬架

      喜歡

    • 你班花生友,吹水就叻。
      我認同XO, 香港地,返工放工,行下商場吹下冷氣、唱下K,蒲下吧咪幾好囉,完全乎合獅子山精神 。搞乜鬼跑100公里要攞威?跑唔死你都俾扶手電梯夾死你呀。

      我都唔係運動人,朝九晚六周未湊仔,當然唔係香港A級運動員,所以無錢我唔會做運動架!(不過都唔見得香港運動員受過咩尊重)不過我唔驚三高糖尿架,我有打下羽毛波架!好咪好健康先?跑死左簡直係Shame on you。肥死、食死、爆血管先乎合我地核心價值。

      乜都搵命博,痴架!?有錢分架?都唔合乎香港人既核心價值既!
      人生既意義係咩呀?食瞓痾呀,你班友都痴痴地既。

      Liked by 1 person

      • 哈哈,突破盲腸,
        喂老細玩唔玩得先?
        真想問你叫"施肥"定"癡肥"
        利申 : 我唔識’肥’兄或’肥’妹

        喜歡

  5. 唉…
    大家目的為籌款啫…
    點解變咗咁…
    目標唔係籌款幫人咩?
    為做善事,搞到咁,當初原意為咩?!
    為比賽不如跑馬拉松,三鐵…

    如為籌款搞到衫長褲短…
    又對唔住得住父母,親人… 朋友,…

    喜歡

    • Gun 兄

      如果吾係比赛,就吾會有咁多外隊黎
      要問返十幾年前,點解D參加者要咁快。

      我想信參加者是自己報名的,正如taurus 回复。路係自己揀。

      喜歡

    • Chirs兄,你又知呢個蛋散淨係玩毅行?你又知道佢無跑過馬拉松?
      不過你都岩,為慈善,點解要搞d咁既野,星期六落街買下旗都得啦,或者上網襟個制都得啦,樂施會真不該!

      喜歡

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s