生活

警察可以講「先撩者賤」嗎?

Rosina_20151028

看到警察員佐級協會主席陳祖光說「 先撩者賤」 一句,嚇到C9我眼都突,呢句好熟啊 !吾通陳Sir好鐘意呢條片「美女深夜扮鬼嚇人的後果」?

呢句說話講得最多的係血氣方剛、暴躁、衝動同鍾意以暴易暴的人。

小學雞:佢踢左個波入我個場,咪打佢囉, 先撩者賤!

金毛強: 死靚仔,望咩呀?先撩者賤、打死無怨!

土豪強: 啊嬌婆,比幾萬蚊你吾要,倒泥頭去你度又點? 比好處你吾要,先撩者賤!

媽媽早年做士多,成日鬧好仔吾當差,因為差佬係有牌爛仔,同黑社會一樣蝦蝦霸霸,隨意打人收片, 差佬靠得住,豬乸會上樹。警察貪污嚴重,港督麥理浩爵士成立廉政公署後, 特別針對公務員,警察更銳意改善形象,在「70年代禮貌警察宣傳片」裏:

「PC啊陳,只睇表面的情形拉人,呢種衝動的習慣,使佢武斷整件事情,應該了解事情的原因⋯⋯ 如果有乜差錯,警方同市民之間的關係會受到打擊,而且你可能會自陷險境,而佢本人完全失去市民對佢的尊重,真係攞架來丟。」

宣傳片的對象係警察,提醒以往警察的處理手法應該要改變。在警隊抱負、目標及價值觀網頁中

價值觀

  • 以公正、無私和體諒的態度去處事和對人
  • 承擔責任及接受問責

面對兩個黑幫打鬥,警察會否也問一句邊個「先撩者賤」才處理? 這一句最損害法治精神, 令人心寒。警察是受過專業訓練的紀律部隊,必須冷靜、公正處理衝突,如你預設了有人是故意生事,你已不能作出公正的判斷,負面情緒或盛怒下所作的行為也多會犯錯,七名警察暗角事件便是一例。警隊只是執法者,只有法官才可以將人定罪,所有未定罪的人都應得到公平對待。

在陳Sir的發言中,有幾點我特別贊同:

-如果人人守法,連集會遊行也守法進行,警察也會自招麻煩嗎?

-作為一個良好僱主的香港政府,要以史為鑑,幫助解決公務員的居住問題。

-原來堅守公平公正原則的警察,也會受到不公平對待⋯⋯總之就是三不,不對,不可,不談,就是不正視問題。

- 我相信,局方、警隊管理層和我們,不先否定對方,共同研究,互相諒解,而不是怕難退避,同心一致地迎難而上。

將警察換成香港人,以上都適用,當警隊也在說難爭取公平、合理對待,教我們一介平民情何以堪?香港人過去也是以政治冷感見稱,在回歸以後,小市民的生活被受衝擊,才會迫使很多人走上街頭抗爭,陳Sir會否對比一下回歸前後的遊行集會次數、人數及規模,再想想為何變成這樣?

香港人其實係好成熟而且直接的,做得好會讚,做得差會鬧,就似上月有警察在抄牌時遭到辱罵的片段在網上被瘋傳,大家只會公正鬧爆對夫婦而讚警員夠冷靜。

2 replies »

  1. 講, 點解唔講得吖? 毫無廉恥既家丁有乜唔講得吖? 奴才既行為都係學主人之嘛, 佢主人都係先撩者賤現兜兜衰俾人睇之嘛.

    美帝出船遊船河之嘛, 距離你海岸線仲有成幾百哩, 班中華鳩同蝗蟲屌好似俾人殺咗老母咁, 誰不知, 大約個半月前, 中共派咗隻戰艦入咗美帝海岸線12海浬範圍以內, 仲連砲衣都除埋鬼鬼鼠鼠柒吓柒吓游黎游去. 全程俾人用雷達照到反晒光咁仲懵閉閉, 然後俾隻砲都冇枝既爛鬼COAST GUARD船仔請番出外海. 12海浬, 話多唔多, 話少唔少, 好眼既咁既距離己經望到陸地. 仲要晌無線電撑話係自己晌公海做乜都得, 開炮都仲得. 關你美帝撚事咁話. 當然係俾人錄埋音啦.

    唔知有件咁既事哩? 梗係啦, 香港同大陸既垃圾新聞識報國際事件架咩? 尤其係咁既柒事. 黑仔家陣同你玩禮尚往來之嘛.

    先撩者賤? 堅架,

    條家丁真係抄到足柒果個部份黎學, 倒模錯埋同一個樣, 咪就正正係先撩者賤囉.

    按讚數

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s