其它(請作者分類)

馮敬恩 梁錦松 唐英年 爆料分開好多種/Edkin

馮敬恩違反保密協議爆內幕,其實爆咗乜嘢出嚟?

比起屈姓婦人所提過的斯諾登, 馮敬恩所揭露的也不算是什麼改變世界的大新聞; 就係簡單話比所有人知,「嘩,呢幾條友咁X樣既理由都講得出口嗰喎!」 然後十二校委就老羞成怒,再加埋其他九唔搭八既舐共賤人好似范徐麗泰,群起圍插馮敬恩違反誠信乜乜乜,而絕口不提自己既仆街嘢。 梁同學昨日回應盧寵茂既指控,就再一次表明自己只係為咗港大既利益, 比起為左洩密以買車既梁錦松,自己的洩密不是問題。

馮同學,爆料分開好多種。 現代中國人一直喜歡「共惡」,圍埋係一堆屎上面揾食,屎臭不重要,冚住咗就唔存在, 圍之共食,無人夠膽揭開。偶然出現一個好似唐英年咁既「反骨仔」,為左打擊對手,揭露對方食屎既事實, 就係出賣群體大逆不道。相比起嚟,梁錦松只係用個消息黎買一架車咁大把;以現今更加低落的水平來看,當年的梁錦松簡直係老實得可愛。梁錦松呢種叫做偷食唔抹嘴(仲要自首),莫講話現代中國人, 就係大部分香港人都唔會怪佢,甚至乎可憐佢添。梁同學, 你用梁錦松做例子,就係比喻不倫不類喇。

話比喻不倫,係因為馮敬恩今次爆校委會大鑊,保障咗港大校友既知情權,維護咗港大的聲譽,但係就賠上咗個人既信譽。自己受損而成就大眾,呢啲叫義勇。同嗰啲以自利為目的既爆料,根本係兩件事。

以前中學有讀孟子《魚與熊掌》篇,有云「 生,亦我所欲也,義,亦我所欲也;二者不可得兼,捨生而取義者也。」,教導學生古中國人所應有「捨生取義」既風骨同勇氣。要教,因為利己損人容易,即使飛禽走獸都會;損己利人,卻係僅限於有道德和價值觀的「人」才做得到。可惜教了二千幾年,人反而係越來越仆街。 且看港大十二校委,個個CV水蛇春咁長,卻人人為利而棄義。謂之社會賢達?實係衣冠禽獸。

各位,做大人,就一定要為今次既馮敬恩護航。我地仍然相信香港大部分的法官(不是律政司) 會主持公道, 我地仍然相信香港醫療人員不會見錢先救, 我地仍然相信會計界秉正不阿,完全因為我地相信佢地係最嚴苛既情況下會堅守真理。支持馮敬恩,就係代表我地仍然相信香港大學生, 仍然相信我地香港以真理為先既精神。

爆料係有好多種。為公義的爆料,請大家支持到底, 也請大家對惡勢力和腐朽的人渣,奉陪到底。

1 reply »

  1. 其實亞臭西果隻講法某程度都爆咗料架喎? 佢自己晌邊度做, 間接就透露咗出糧俾佢既老細係乜水. 正如四眼登, 家陣好清楚係北極熊養出黎做你美帝世界既喇. 簡單邏輯ABC, 牛頭角順嫂都識. 咁爆料有幾稀奇既事? 重點係佢想帶出一個訊息, 我有錢有面大撚晒, 爆乜柒都得, 倒轉黎講仲得, 駁嘴就告柒你又得. 你死窮撚一件呀? 冇錢冇面, 講咗乜撚野公道說話又點? 我搵打手質你一鑊再告到你仆街, 咁咪白都變黑囉.

    隔離果個國家乜野部門管新聞架? 中乜野部話? 係囉, 個宣字點解? 宣傳個宣吖嘛, 果處報紙電視網站邊有新聞架? 宣傳就有, 佢地既邏輯

    宣傳=新聞

    邊個做緊野? 我知條鐵咩?

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s