跑步

港鐵競步賽 劉虹多次違規 照樣冠軍/高達奔

12002855_10153664042823556_7686631421625092524_n

12029043_10153667964388556_486585052_n

上星期日有港鐵贊助,田總搞的競步賽,中國嘅劉虹奪得十公里競步冠軍。不過,當日已經有民間攝影師發現,劉虹其實多次犯規,因為競步唔可以雙腳離地,但以上四張相已經說明,劉虹早就應該被DQ,只是當日的評判睇唔到,可能田總邀請的所謂國際裁判,黎香港遊埠為主,呢啲濕雞比賽就求其Hea過,又或者競步實在太難判斷,走漏眼絕對係人之常情,結果出現盲人球證執法嘅賽果,越位睇唔到、禁區手球睇唔到、波未入白界就當入咗。

最唔抵係香港嘅程小雅,攞咗個梗頸四。

雖然喺體育嘅世界,評判係最唔可以質疑,但應該被DQ的卻攞咗冠軍,始終唔係幾正路,亦說明呢項競賽的裁判方式,實在有好大嘅改善空間,有心人去港鐵和田總的Facebook杖義執言,留了以下的言論,問究竟裁判有無睇到違規:

MTR 用運動來為醫院管理局健康資訊天地籌款,無可厚非。
但每項運動都有他本身的規則,如短跑起步偷步一定 dq, 三級跳遠腳踏界也是 dq, 每種運動都有其簡單易明的規則。
競步也是,但恐防有人違規,所以大部份競步比賽都在運動場內進行,而大會也派出大量的 marshal 來監察運動員有無違規動作 (簡單說就是小跑,雙腳離地)。 – MTR 和 HKAAA ,香港最專業的田徑總會 聯合舉辦了此項賽事 11 年,也吸引了各地的競步好手參加,當然不希望原來比賽的冠軍是靠作弊得來的!
上面 3 張照片都是我拍的,相機檔案內還有多張 74 號張虹 雙腳離地的照片!
我拍到的有多張,拍不到的可能更多!
所以想問 HKAAA , 整條賽道都是 marshal, 真的沒有人看到?
還是看到但不想倒大會興、不出 red card (警告) ! ?
前者代表不專業,對其他參賽者不公平;後者、我就不好說了!

田總與似係代表田總的人,就先後回應:

除香港的國際競走裁判外,大會亦邀請兩位分別來自日本及韓國的地區競走裁判於此賽事執法,除賽事距離外,一切安排均依照國際田徑聯會最新之競賽規則進行。有關比賽規則,請參閱國際田徑聯會競賽規則第230條。

根據國際田聯的賽事判罰規則,是以眼所見為守則,不能以攝影或任何其它器材作輔助。

但點都唔答,當日嘅評判究竟有向劉虹出示警告?警告咗幾多次?係咪真係咁敏感,連有無警告過,都唔答得呢?

劉虹喺世界二十公里競步記錄保持者,田總同裁判,喺咪因為劉虹喺特邀嘅「客人」,完全唔敢警告DQ?呢個問題,留返大家去猜測啦。我只係戥香港嘅程小雅好唔抵!

足球都開始改革,但競步仍然停留只靠裁判肉眼觀察,實在完全落後於時勢和脫節。呢項咁人治的運動,肉眼遠距離根本就好難睇到有無違規,只靠現場肉眼判斷,而唔引入科技輔助,往往只益咗夠膽違規,側側膊搏你睇唔到嘅選手,而懲罰真正守規則的參加者。

呢種運動,實在無謂認真去玩。

分類:跑步

33 replies »

  1. 競歩本來就係違反人類動作既本能, 想快, 人類本能係跑, 唔係行, 跳遠跳高賽跑規則規限最前最尾果三歩正正就係強~弱~強腳互相交替運動, 規則並不違反人類動作既本能釋放. 但係競歩就啱啱相反, 係仰制. 所以根本就係錯到亂七八糟既規則. 所以根本唔會有任何體能頂尖既運動員會參與. 我又算呢樣白痴運動真係好有搞既價值, 今時今日想搞好呢樣白痴運動, 現成就有裝有ARDUINO小型電腦既運動鞋. 根本就唔駛擺堆濕柴晌路邊曬. 但係果個濕鳩總會有冇與時並進吖? 答案係冇, 咁……你仲唔明?

    • 樓上果位, 1. 賽事評審有問題, 唔代表運動有問題, 尊重下用詞。

      睇返競步既香港紀錄, (唔講世界級喇), 半馬, 10k 既時間, 快過大多數人跑, 我既跑步教練都有參與競步, 我間唔中有陪佢練, 佢1K 競步既速度, 我要開 Tempo pace 去陪, 呢d 選手體能絕對係頂尖。

      • 牛頭角順嫂係大多數人既其中一個, 我行得快過佢, 係咪代表我都可以自稱頂尖運動員吖? 真係咁講我會面紅架.

    • 人眼只可看見超過 1/24秒的動作。所以電影放每秒24張定格照片,我們看到很順暢的動作。小於 1/24 秒的,人是睇唔到。所以離地小於 1/24 秒,評判不可能看到的,也是合規例!

    • 我個網名叫做裁判人, 所以我話你唔識, 你就係唔識. 我話你係外行, 你就係外行. 冇資格評論任何野. 乜野邏輯, 乜野物理, 乜野有圖有真相. 通通唔算, 我講既至算.

  2. 第230條 競 走
    競走的定義
    1. 競走是運動員用雙腳與地面保持接觸,連續向前邁進的過程中,沒有(人眼)可見的騰空。前腿從觸地瞬間至垂直部份必須伸直(即膝關節不得彎曲)。

    相片根本不能作準, 先查查規則啦

    • 就係咁囉, 規則真係有架. “雙腳與地面保持接觸"但係可以"騰空", 不過要符合既係乜野物理現象黎架? 規則??

  3. “足球都開始改革,但競步仍然停留只靠裁判肉眼觀察", 咁依家條例係咁渦, 係咪因為影到相就好叻?
    要改例, 唔係同HKAAA講, 可以同IAAF講

  4. 以肉眼可見的雙腳同時離地先計呀。

    唔係以快門chop o個下計, 7左咪認囉……

    用返作者最後一句去講,

    呢篇,實在無謂認真去睇。

    p.s. 麻煩<<主場博客>>盡快鏟走呢篇文, 免得錯誤信息在網絡世界亂咁傳啦。

    • 先唔講見到敢唔敢出聲, 係吖, 正正就係肉眼, 盲公陳定四眼強吖? 我真係同意你果句, 規則咁柒既真係要認架. 剷咗都好既, 否則果班唔知邊個授權既總會會冇面架. 陣間搞到隔離檔口個老細又俾人嚇到去行山點算吖

  5. 人地外面國際比賽,世界級選手都好多相有離地啦,咁係咪場場場個個DQ曬?勸板主你睇翻賽例先啦
    定你逢田總就反,博d咩,居心何在吖?

    • 居心? 要乜野居心吖? 夾硬要講, 就係笑膠囉, 田總? 乜水吖? 唔膠就冇人笑膠啦, 明笑佢有本事捉我去打靶咩?

  6. 樓上緒位,如果"以肉眼可見的雙腳同時離地先計",那競步教練可否教競步者每一步都雙腳輕離地,去贏盡那些 “follow the rules" 的笨笨運動員 !!
    如被影到,還可以大大聲叫人去看 “第230條 競走的定義"
    這樣的運動,我還是同意作者最後一句 “呢種運動,實在無謂認真去玩。"

    • 相信你有一個錯誤的概念。規則是不能有肉眼可見的騰空是對所有參賽者都適用,那是不存在對什麼人有特別優勢。當運動員能夠做到某一個速度時就有機會騰空。運動員並不是要利用騰空來得到好處,反之更加要專注控制騰空成為肉眼可見,否則會弄巧成拙。
      競走教練當然應該知道競走規則否則就不是稱職的教練,但,相信教練不會刻意叫運動員好好利用騰空的優勢。當運動員騰空時教練就會叫運動員注意調整騰空的狀況。

  7. 一年一度有國際運動員參與的港鐵競步賽不僅吸引競走愛好者的眼球,還有一群圈外人到現場打氣及拍攝.完美的雙支撐動作應該是龍友最希望凍結了的影像吧.
    是以,有人拍攝到劉虹騰空的照片.說是裁判因為她是世界紀錄保留者而不敢下判罸.
    我只有兩個回應:
    1. 除香港的主裁判是國際裁判(IRWJ)之外,是日大會還邀請了兩位國際裁判到賽場執法.那是說共有三位國際裁判在場.世界級運動員在國際裁判眼表皮之下作賽如果動作不合乎競走的二條不二法仍然是會被判罸的.(其實,神級競走運動員被判罸是正常不過的事)
    在剛過去北京舉行的國際田徑錦標賽之廿公里激烈比賽劉虹以1小時27分45秒完成.當中接了兩個警告(caution),但沒有紅卡(red card),而是日港鐵十公里以46分58秒完成.即是比錦標賽慢了三分鐘,照理應該更容易控制技術避免騰空.當然這只是一個推算,否則不用裁判了.

    競走規則是在”肉眼”(to the human eye)的前設之下進行.那是說裁判不能使用任何物品,儀器(眼鏡除外)的幫助去觀察運動員的動作.用望遠鏡可以看得更清楚,但是,對不起那是不合乎”肉眼”的原則.
    但,照片確實是展示了騰空的情況,那有假嗎?
    據文獻研究一般人的”肉眼”可見大於40毫秒(0.040秒)的騰空.而一般世界級運動員是有大約20毫秒(0.020秒)的騰空.照片在快門1/500(0.002秒),1/125(0.008秒)的時間凍結了.所以拍攝到不犯規的騰空絕對是不足為奇的.亦不能判斷凍結那一刻是大於40毫秒還是小於40毫秒之騰空.(本人也曾於國際競走錦標賽拍攝到運動員的騰空,但在現場肉眼是察覺不到的,)

  8. Having read the comments put forward by the author and the readers, I believe this had been more a fund raising & fun walk than a competition events for the public. I suggest the organizing committee would rather report the best time of each participant instead of announcing only name of the first, second and third fastest participants. To minimize any disputes of results, any alleged of the event rules should be dealt with on the spot with warning notice. Event judges are meant to ensure the playing field is fair to all participants. After all, the objective of the event initiated by MTR is meant to raise fund for Health Authority and let all people participating to have fun while exercise.

  9. 關於有心人致田總的文章有兩點是要澄清的.
    第一,國際田聯的認可賽事是男,女子廿公里道路賽及男子五十公里道路賽,道路賽是主流,場地賽是非標準賽事,但為何各地仍然有場地賽呢?以香港為例,是作為推廣項目及提供更多比賽距離的參賽機會.再者,香港欠缺合適舉辦比賽的道路.
    第二,競走比賽執法者是有競走裁判臂章識別的競走裁判,在道路賽會有五至九名裁判執法.在港鐵比賽共有九位競走裁判.而穿”marshal”背心的工作人員是維持賽道秩序.所以,可能筆者覺得marshal在比賽時東張西望沒有好好地監察運動員沒有認真執行任務是失職.筆者對職能產生了錯覺所以誤會了大會人員不專業吧.

    • 好鍾意你果個形容詞, “非標準賽事", 道盡一切. 不過…推廣用表演唔係更加比正式更正式既示範至起到推廣作用既咩?

  10. 你可以不用認真去玩,但係如果裁判無錯,個遊戲規則係咁,咁係咪都要因為“佢唔同嘅規則”鬧人呢?呢個對主辦有欠公平喎

  11. 比賽唔駛講求精準, 仲比乜野賽吖? 不如唔駛計時直接俾個豬肉奨咪算囉? 運動應該算係. 比賽? 咁人治既野叫做比賽? 樓上有人講得好吖, 出術你捉我唔到, 咪贏晒你班跟規矩既儍仔囉, 講明唔準雙腳同時離地, 何來騰空時間吖? 成件事唔係比行得快, 係鬥出術. 競歩大國係邊個國家大家心知肚明啦? 所以咪咁多打手撲出黎囉. 正正就係乜野AAA扮晒魚蝦蟹, 所謂總會權威, 規則一督就穿啦. 總會? 出術總會吖? 家陣唔係話你冇規則吖, 係話本所謂規則不符合物理現象吖, 得同唔得係人治, 鍾意就睇到有, 唔鍾意就睇到冇吖, 挑!

      • 肉眼可見北韓肥仔金尋日用粒石仔掟咗美帝個人造衛星落黎吖. 不過我隻眼冇錄映同拍攝功能之嘛. 信啦, 點到你唔信吖? 肉眼可見喎.

    • 係囉, 儍到咁, 明明寫到明講到明肉眼可見架嘛, 真係冇理由唔信既. 唔緊要, 咁柒既比賽規則都信到十足既儍仔都唔算精神有問題, 冇事既, 你同我都唔駛食藥. 你笑我笑得仲開心, 大家一齊笑. 1992年有個奧運傍述Bob Costas 講得幾好架, 佢話呢樣比賽可以形容為 a competition for who can whisper the loudest.

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s