近一年內，幾間NGO高層相繼離職、轉換工作或陪伴家人暫時退下來， 又開始音樂椅的遊戲，一些機構的高層位置空缺了一段時間，中層頂住。快速看一看，很多國際非牟利(INGO)機構的香港辦事處都有籌款及傳訊部空缺。
看招聘網站，屬於慈善、非牟利機構的職位更多。經濟好時，非牟利機構難請人，無雙糧無bonus、吸引力不夠商業機構；工作壓力大而晉升機會少，有經驗的員工要再上層樓只有轉工。經濟差時，非牟利機構反而較容易吸引到外人入行。
大部分非牟利機構因為資源緊拙，很多崗位都是一人負責，最理想是可以請到有經驗的職員，埋位便開工，其實也間接阻礙了新人入行。就以籌款來說，國際非牟利機構常用的街頭每月捐款者招募、電視廣告、網上宣傳或活動籌款等，有市場銷售經驗的朋友也可以一試，而且籌款也要跟著潮流走，固守舊有模式或可生存，但要有突破殊不容易，必需要有新意念及不斷嘗試。試想想如冰桶籌款的主意一開始便落到一些保守的機構裡，要顧慮形象或怕被人鬧會浪費食水，ALS便無可能為患者籌到巨款了。
可喜的是，相對以往很多朋友想入行的原因，普遍是因為目前的工作不如意，以為在NGO工作是天堂，幫人以外一定無人事問題、吾會比人捽數、工作無壓力，結果當然會失望。近年的求職者卻清楚知道自己為何想加入NGO，大多希望在不同範疇裡可以爭取公義或為弱勢社群發聲，目標清晰，絕對是好事。
有一些網站為慈善、非牟利機構提供行內空缺資料。
Reblogged this on Rosina's blog.
讚讚
有冇諗過為乜突然咁多人走先? 究其原因, 係強國今年開始嚴打NGO. 首先, 強國NGO有兩種, 第一種係堅做既, 好多數係外來, 例如樂施會. 另一種就係共產黨自己人搞既. 呢類就以社會工作為名. 壓制社會事件受害者使其不能上訪. 嚴打打邊種就唔駛我多講啦. 香港做NGO工, 多多少少渉及強國有幾出奇? 那怕你大如樂施會都被吊銷牌照, 呢個有必要提醒一下, 因為分分鐘晌強國領野被抄家係會坐幾碌架. 咁既環境, 仲伸個頭埋去就都好堅決吓咁至好做. 盲炳咁既新畢業儍豬就唔該諗真先好.
讚讚