政改

「8比28」的陰謀論 / 費特

政改

經過了20個月的大龍鳳,政改方案最終在大半建制派議員離場下,以8票贊成、28票反對被否決。相信大家都會認為這個結局,事前根本連最偉大的編劇都寫不出來;但如果用陰謀論的角度去想,誰人能夠保證,「8比28」真的是一個蝦碌劇本,而非人為編寫?

要寫這個陰謀論劇本,首要條件是北京由頭到尾,就根本不想政改通過,這也合乎共產黨的思維。雖然普選是假的,但畢竟都包括了市民一人一票投票的一環,這方面是北京難以控制的。舉個例子,如北京首選的候選人是A,但為了製造一個「有得揀」的假象,夾硬多推一個只屬次選的候選人B出來,而好衰唔衰,最後一人一票市民真的選了候選人B,豈不是捉虫?那倒不如維持現有的方式,包保萬無一失。

本來建制派根本不夠票通過法案,要五名泛民轉呔才能成事,那為何要多此一舉製造一個蝦碌的假象?答案就是,因為北京害怕有泛民議員在最後關頭「禁錯制」主動投誠;畢竟五票話多唔多,話少唔少,不如乾脆叫一班義士投票時蝦碌離場,那就坐定粒六等政改不獲通過。不要忘記,今次「建制派溝通不足」是溝通不足得相當巧合,剛好還剩下僅僅夠法定人數的37人留在會議廳表決。

的確,這個蝦碌劇本事前根本冇幾個編劇寫得出來,但共產黨一向盛產編劇,要寫得出這個劇本有幾難?當然,以上分析只是一個陰謀論,信不信由你。話明陰謀論,信的,笑下就得;不信的,都係笑下就得。

作者facebook

分類:政改

6 replies »

  1. 劇情咁曲折? 共惨黨編劇唔俾講蝦碌呢種劇情架. 合拍片都吓吓要偉光正先至拍啦. 家陣套劇又一次柒出國際, 洋鬼子咪問到戅鳩部班友仔口啞啞囉. 過唔過根本唔重要, 本來就係賭緊公就我贏字就你輸. 重點係共惨黨要贏牙較先至會晌門口擺咁多柒碌同埋深圳教習團晌度之嘛. 隻隻柒碌都起碼三幾舊一日架喎. 家陣牙較又輸咗, 糧又出咗, 仲有賭走地盤果班呢, 深圳A大約3000點左右, 下晝跌咗122點, 仲唔係外圍佬沽貨找數?

  2. 仲有一樣差啲唔記得講, 年尾選舉, 一定哭聲震天, 死咗親戚咁. 唔止泛民老鬼要哭腔求票, 保皇派都要去西環哭腔跪票. 真係諗起都好笑.

  3. 風水佬呃你十年八年, 睇吓? 今朝隻掃把星幾醒吖, 喊到六月飛霜, 梁天來, 金葉菊咁. 因為佢已經進入咗DAMAGE CONTROL MODE. 其餘班白痴仲晌度互相推莊. 不過, 佢都應該係白做, 因為西環負責聽佢喊果個家陣應該跪住玻璃寫緊悔過書, 自己都一身蟻得鳩閒理佢咩.

  4. 呢個陰謀論極之荒謬, 阿爺搵得阿B陪跑, B就不大可能跑出, 即使市民真的選了B, 阿爺亦冇所謂, 因為阿B必定亦係一隻聽話的狗.

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s