生活

給生仔只為交差的朋友/Mayi

日前在婚宴,與兒時好友同枱,她快結婚了。三十過後結婚的潛台詞好像是「趕緊在成為高齡產婦前生仔」,我也不客氣問:「有小朋友的話,自己湊還是給老人家、工人姐姐湊?」「當然不會自己湊!我不會為了孩子而放棄自己的生活。」 說得斬釘截鐵。

不如先簡介一下她的「自己的生活」。她的未婚夫做生意,已有豪宅跑車,生活無憂;她是中環白領,放工後每星期三晚上跳舞堂、兩晚做gym,其他晚上到蘭桂坊淺酌,有長週末則去個短途旅行。不用養家,其實她大可以做少奶、自己湊仔。可是她堅持工作和自由活動較重要。

我直接問:「不如不生吧?」她耍手擰頭:「No!仔一定要生!否則結咩婚?點交差?」

或許是母性使然,我已經替她將來的孩子覺得可惜和可憐。香港生活迫人,兩公婆一起供樓養家全職工作,孩子交人湊,放工後裙拉褲甩趕回家湊仔,趕緊給孩子一些quality time。這個我理解。

可是單純只為交差,生出來、交出去,卸貨給工人湊,產假後繼續馬照跑舞照跳。結果孩子眼中爹親娘親都不及工人親。親子生活就只限於家庭聚會,孩子在三姑六婆前露一下面,之後你有你social,孩子自顧自看IPad,此謂之交差。這個我不能理解。

人當然有權去選擇自己喜歡的生活,可是與此同時可否不要漠視兒童權益呢?孩子本來最喜歡親近的就是父母親,小至走路、吃飯、戒片大小便、梳洗換衣 服;大至價值觀、待人接物、語言閱讀、生活品味,都由父母承傳。如果假手於人,把親職外判,以為用錢和物質可以代替自己的存在,又怎能得出like father like son呢?親子感情本來就不是由血緣爆出來的。

最後忠告,孩子並不是炫耀、交差的工具,不必人有我。如果自己的capacity有限,想自由自在,不能也不想承擔親職,還是不要迫自己做父母吧。

作者博客:https://mayilam.wordpress.com

分類:生活, 教育

1 reply »

  1. 事實應該係更差. 我舉個例, 湊大細路既人講乜話, 個細路就講乜話, 這是常識吧? 因為全世界幾十億人都係咁樣學講野既. 咁, 今時今日咁多細路由工人湊大, 我又問吓, 有幾個細路識得講印尼話, 菲律賓話? 少之又少. 學乜話都蠢蠢鈍鈍學唔識既就見得多. 正常一個嬰兒, 歲半兩歲之間簡直係語言天才, 你教兩三種語言理論上佢都學得晒. 最多就一句話同你講晒三種文, 咁唔代表蠢, 反而係聰明既保証.

    唔係乜野語言高尚唔高尚, 識埋呢啲話冇用. 如果咁諗做老竇老母既想當然大約都係高分低能仔一類, 印尼, 菲律賓冇生意做咩, 所以乜野話唔緊要, 識多樣語言從來都係增加細路前途同埋保証呢個細路有學習能力既表現, 否則就冇咁多蠢爸蠢媽駛幾皮野捉佢地去學.共匪話同埋其他個細路一世都唔會用到既話啦.

    家陣香港既細路乜野話都講到一舊舊, 咁代表乜? 究竟呢個一世人得一次既黃金檔期有冇人同佢地講野溝通呢? 還是都唔覺有問題, 最緊要識共匪話講得好就得呢?

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s