澳門

摔一跤就可摧毀信譽威望!譚司長,你明白嗎?/ 費特

約兩個月前澳門有多間學校被傳媒踢爆涉嫌將融合教育資助「分豬肉」,有的涉校長自肥、有的涉拿公帑當飯局錢,更有教師寫信到媒體投訴學校的行為。在社會文化司司長譚俊榮要求下,教育暨青年局已完成審核報告,單是2013/14學年29間接受資助的學校中,9間學校向局方退回共210多萬元,後來經教青局調查後,再要求5間學校退回近50萬元的行政費用。

不經不覺,主管教育範疇的社會文化司司長譚俊榮已上任超過五個月,在這段時間內,譚司長可說是五名司長中最引人矚目的一個,又說醫療光輝五年,又說重整愛都酒店,又是第一個司長走上電台直接跟市民交流,見他多過見特首,表現的確令人憧憬新人事新作風,會為社會文化範疇帶來新景象。

但經過特殊教育資助一役,對他的期望突然幻滅。譚司長曾經講過,在公帑的運用上必須公開透明,但昨日又說,與教青局局長梁勵討論過後,認為事件起因是教青局資助規章不清晰,所以不須公佈資助報告以及學校名單。但無論過錯在於誰,公帑始終是曾經被調動到不該到的地方,而現在譚司長又不肯公開究竟到過哪裡,這豈不是與透明運用公帑之說背道而馳?

公帑其實就是市民的錢,當我的錢真的「錯誤地」或「誤會地」被人從口袋中拿走,雖然最後被告知全數歸還我,但我總有權利知道究竟是「誰」那麼「不小心」、以及看看收據是否真的已全數歸還我吧?另外,如果不是有好心人通知我的錢被拿走,可能我還蒙在鼓裡,究竟還曾否發生過類似的事情,有其他人「錯誤地」拿走了我的錢還未歸還?

要建立信譽、威望是需要走漫長的路,但途中摔一跤就可把它們摧毀,譚司長,你明白嗎?

作者facebook
相關文章: 你要認識譚俊榮這位澳門紅人

譚俊榮

分類:澳門

3 replies »

  1. 你地澳門算係執身彩嘞, 牽渉既錢只係以萬做單位. 仲有得回水添.
    香港呢邊就堅嘞.

    醫療, 平民醫療玩爛咗. 急症都要排16粒鐘
    養老, 欠奉, 你俾錢都冇位.
    治安, 只捉民運, 唔識捉賊. 仲要社團教佢地做野, 問你死味.
    教育, 只教煲東瓜, 冇其他科目.
    公共建設, 爛尾大白象. 係爛到冇一件埋到尾果種.
    政治, 養一批白痴仔議員, 唔好話議政, 搵一日咁多唔爆儍野已經係吉日.
    房屋, 唔駛我講你都聽過啦, 儲到六十幾歲至夠首期, 除非你去偷呃拐諞啦

    以上講既, 細既就幾億, 大既就過千億. 如果聽日就解散咗呢個正苦回水, 以上問題消失咗大半, 每個香港人仲可以袋番三十幾萬落袋. 夠荒謬未? 我寫到家陣仲未諗到一個合理理由說服我自己交稅係合理既. 你話你地係咪好彩?

    Liked by 1 person

    • 魯直, 你錯了, 呢單涉幾十萬的例子, 是好極端的, 亦是極多case中的其中一單而已..
      你以上講的例子, 澳門何嘗不是

      醫療? 澳門兩間醫院, 出了名, 一間害命, 一間謀財+害名.. 澳門人有事, 比得起錢, 係過香港醫的, 比唔起錢? 祝你好運. 你講到香港醫療咁差, 但澳門人都要過來醫, 你諗下澳門係點?

      養老? 同hk一樣. 最近有提議係橫琴起安老院… 重點是, 橫琴是大陸地方

      治安? 一樣, 整個民間公投都比人拉曬啦.. 你地香港仲有司法獨立, 但澳門呢?

      教育? 學校收了政府大量資助, 你認為教出來的是什麼學生? 澳門大學都搬埋過橫琴啦, 校長當然係大陸人, 教出來的會是什麼?

      公共建設? 淨係講輕軌都有排講, 講左10年, 預算由四十二億元,大增至一百四十二億元(只係截至二○一三年底),且尙未封頂,通車,係無期的,大把官司等住要打。有興趣睇睇呢度:http://www.macaodaily.com/html/2015-01/20/content_968526.htm

      政治? 33個議員, 29個建制派, 唔駛講都知會點啦.. 23條? 梗係通過左啦. 你地政改起碼泛民夠票否決, 澳門? 改都冇得你改, 繼續小圈子, 連想袋住先都冇得袋

      房屋? 車位都200萬個啦, 諗咩上樓… 公屋? 承諾會係2012起好19000個頂住先. 但而家都未起好…..

      仲有, 同你傾埋交通.. 得巴士的士兩樣公交, 巴士迫到你喊, 唔好諗有位坐, 夠位你上已經好好.. 的士? 截到當你贏, 就算你贏左截到, 仲要司機大佬肯車你..

      香港係差, 但請你過黎澳門感受下, 住番3,5年, 就知咩叫超級差.

      .

  2. 妖!撞鬼囉, 我地兩條麻甩佬晌處鬥扮惨惨豬. 仲要衰到一式一樣番版咁. 早知一齊去熱狗達果個乜春野喊俾你睇鬥惨吖笨遊行啦. 話時話, 今年澳門有冇乜搞作? 冇就拉隊擔支葡萄旗過黎香港撐場啦. 整多支葡萄旗出黎, 嚇到班土共標青都似. 六, 七月睇個勢呢面做大龍鳳吖. 到你地主場果陣, 香港人拉隊過番去幫拖. 硏究吓睇行唔行得通?

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s