社會

富二代教買樓,即是好像……/山地媽

富二代教買樓,即是好像……

文盲教寫英文文章:「最關鍵是裝備好自己,找到一部功能不錯的電腦,你的上網服務有沒有能力讓你用 Google translate 。」

坐 office 的老闆教跑街數的前線 sales 節省手機通話費:「當一個月費 plan 是萬五分鐘,你如果現在『洗盡晒』或者只剩下一千分鐘,你願不願意作出一些犧牲,『用固網電話聽留言』,『飛線返 office』。」

有年輕人指參加 speed dating、玩 wechat 都追不到女仔,把妹達人 Dabino 擺出個 45 度三七面說:「我們先不要談追不追到女仔,就算女仔供應上升,你如果是不願意在你個 attractiveness 多加一點分,女仔多幾多,你要追到女也是『有排』。」

一天操到晚的健身教練教骨感打工仔迅速變大隻:「問題是現在的人願意在一天二十四小時犧牲幾多,擺入健身房來做 gym 呢? 你願意犧牲五小時,還是犧牲三十分鐘,還是多少?」

男婦科醫生教孕婦生仔:「現在個個產婦其實是有好多止痛的要求,用最強力的止痛劑,去無痛分娩,這些其實是普及化了……多了東西去止痛。以前我們阿爸阿媽的年代沒有笑氣、沒有無痛分娩,你自然是少了要求。」

技安教唱歌:「我不想誤導人,我意思是你不做我剛才說的事,就算你有忠實粉絲如大雄和阿福坐在你面前也沒有用。」

大概是這樣,即是說了等於沒說,廣東話俚語叫做鳩噏。

分類:社會

1 reply »

  1. 其實直接用番果個牌子名已經一樣效果啦, 不過只係驚俾人告啫. 仲記得隻廣告歌嘛? “SEVEN 噏, SEVEN噏, 人人話實要你人人讚你妙就妙在令我地滿心歡喜……….." 咁粗口既歌晌電視播足幾年, 居然冇人投訴, 證明家陣香港既道德塔理班SEVEN到乜野地歩?個社會柒到咁地歩, 至有高分低能仔唔經大腦出黎講啲咁野. 麥記送外賣果個哥仔都醒過佢九十幾倍啦. 分別係乜? 老竇囉! 完全證明香港人只係因為各式各樣機會被剝奪(主要係錢)至出唔到頭之嘛. 大家一齊平線起歩吖? 今日拍你門送外賣既可能係佢都唔定.

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s