生活

隔離床的歡喜伯伯/場邊故事

love_old_couple

「有冇後生會嚟?」 「冇」
「有冇其他親戚可聯絡?」 「冇」
「咁有冇人放工嚟探你哋?」「冇」
護士王興貴上身問了老伯三次,全因病人呆滯,丈夫又是腳震震老伯,要解釋病人翌日要做的手術,不得不直接問:「你哋有冇仔女呀?」
老伯清清喉痰:「有,不過唔喺身邊,唔緊要,我哋相依為命,我仲可以保護佢。」然後一拐一震走近老伴床邊,拍拍她。

老婆婆手部受傷,上周五到九龍一家私家醫院求醫,原以為檢查過後可回家,怎知要留院翌日動手術。年過八十的兩老住在新界北,公公行動不便又掛心老伴,便要求在醫院陪瞓。
規條下還有人情,護士徵得全房數名病人同意後,就准許公公在女病人房留下。

「醫生問症時婆婆卻茫茫然不能應對,全靠公公,說起多病的婆婆病歴,公公都左支右拙相當混亂。」當時身處病房陪伴母親的徐小姐說,幸得醫生細心推問。

「平時邊個負責俾藥佢食?會唔會食錯㗎?」醫生擔憂地問。
公公就滿有信心的答:「我囉。唔會錯,我會坐低諗好耐先,檢查清楚啲丸仔先俾佢食藥。同埋我仲可以煮野食俾佢,冇問題。」
醫生明知家屬一知半解還是要詳加解釋手術風險,公公凝神耐心聽完,只說;「冇辦法啦,都要做㗎,我好需要佢。」

一句我好需要佢,讓冰冷的病房哄熱起來,不單護士們對公公額外照應,同房的病人也好,家屬也好,一見公公有需要就主動伸出援出,簡單如叫護士、拿物件到教公公如何放下床邊圍欄。「這是我在醫院遇上最美好的經歷。」徐小姐接受《場邊故事》訪問時說。

公公穿着一件舊西裝,斯斯文文坐在婆婆床尾的椅上。由半夜到清晨,行動不便的公公累極,一時三刻總是腳震震走到床前,為婆婆拉被,面對面問她「凍唔凍?餓唔餓?急唔急尿?口唔口渴?」然後就細聲講「where V 葛」(very good )。」

都說有人寵的女人最耍性子,婆婆亦不例外,公公餵吃飯,婆婆就發脾氣:「唔食。」
公公耐性細問:「真係唔食?…吓?…唔食會好肚餓㗎。」一番軟言細語,婆婆就範。
護士要為婆婆用儀器檢查,拉起布簾,婆婆不停喊痛,連護士也忍唆不禁說「婆婆唔好呃我,點會痛,你係咁郁做唔到㗎。」終於要公公入去,「唔好郁啦,我喺度呀,乖啦。」婆婆才安靜檢查。

「公公走路還要用拐杖攙扶,但扶老伴去廁所時,卻是十指緊扣,另一隻手就挽着婆婆。」愛的力量感動年輕的徐小姐:「原來真是可以相扶到老!」

翌晨手術前,護士核對婆婆的手術同意書,問公公姓名,「我係X歡喜。」
歡喜伯伯,「有著我便有著你,真愛是永不死,穿過喜和悲,跨過生和死」祝你兩老健健康康,歡歡喜喜。

圖片由受訪人提供
http://on.fb.me/1K03nNj

分類:生活

Tagged as: , , ,

2 replies »

  1. It was really a warmed hearted story of an elderly couple. The history behind the happenings does not matter much. Most important of all is that 歡喜伯伯has the loving heart, compassion and will to look after his wife irrespective of any unhappiness, pain or illness. Another inspiring story for the young generation.

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s