生活

渣馬、姚潔貞與主場之利/高達奔

Yiu Kit Ching

過去跑咗好多次渣半馬和渣10K的精英姚潔貞,今年第一次挑戰渣馬的全馬,亦係佢人生嘅第二個馬拉松(佢第一次喺日本跑,時間喺2小時58分),最後以2小時45分45秒,得到亞洲組第七名。

以香港嘅標準黎講,姚潔貞呢個成績真係好堅揪。

《蘋果日報》當日報道,姚潔貞話比自己預期嘅時間慢了1分鐘,主要因為路面不平,再加上狀態一般。「賽前我預設最低標準是一定不可以慢過2小時48分,再看途中會否有驚喜,現在出來的時間比理想慢了點。」

姚潔貞啱啱轉做全職運動員無耐,第二馬已經跑到245,距離奧運B標只喺兩分幾鐘(見註腳),真喺有些少可惜。相信喺因為渣馬太難,蝕咗時間喺三隧三橋同風阻度,如果條路平坦啲,佢應該好大機會已經達到標準嘅成績,大大增強下年衝奧運入場劵嘅信心。

香港馬拉松精英運動員其實幾蝕底,因為渣馬唔會畀到佢哋主場嘅優勢。渣馬太多上落根本唔可能做PB,而且沿途亦無同胞嘅打氣和支持,就算香港人想出嚟撐都無辦法,絕大部份嘅賽道路都喺行人止步。沒完沒了嘅公路和隧道,對曾因怕悶怕長,而唔想轉跑全馬嘅姚潔貞(見《蘋果日報》去年12月17日的訪問),更加喺悶上加悶。

正如姚潔貞於1月24日, 接受《蘋果日報》訪問時講到:

公路賽道較多上落斜及橋上風勢大,影響跑手表現,部份海外選手為求取好成績爭入世錦賽今年無參加渣馬,如要貼近國際水平,大會應增加平坦路段。

如果渣馬平坦啲,有多返少少人氣,等多啲香港人可以為佢加油,姚潔貞喺主場入圍奧運嘅機會一定大大增加。可惜,一日香港嘅主場之利形同虛設,香港嘅精英運動員要衝奧運標,只好參加外國嘅比賽了。

祝願姚潔貞唔單止達到B標,連A標都達埋,攞到2016年巴西里約熱內盧奧運馬拉松嘅入場劵。亦祝另一精英周子雁加油,同姚潔貞雙雙殺入奧運馬拉松!

𠖐然,用渣馬支持者嘅邏輯,渣馬總體來說已經好好啦,彈條賽道真喺雞蛋裡挑骨頭,亦抹殺工作人員嘅努力,達唔到標有乜理由懶地硬?渣馬嘅賽道唔單止無問題,而且仲好好玩㖭,只喺你班友訓練得唔好啫,先將挑戰當喺影響啫!

如果唔信高達奔講,麻煩睇下延伸閱讀,睇下台灣精英係點講?


註一:據報道,陳敏儀曾得到2004年雅典奧運嘅入場劵,可惜因傷最終未能上陣。

註二:奧運馬拉松嘅參賽標準,分A標同B標。達標的詳情如下:

男子A標:2H15M

男子B標:2H18M

女子A標:2H37M

女子B標:2H43M

一個國家,最多只可以派三個達A標嘅運動員出賽,但如果無人達到A標,都可以派一個達B標嘅運動員上陣。所以如果一個國家,派到運動員出戰奧運,一定只會喺以下呢六個組合:AAA, AAB, AA, AB, A或B。達標的時間約為奧運前的一年。

註三:高達奔上文寫「渣馬未跑完,清潔工人就掃地」,但估唔到有人覺得唔掃比掃更危險,甚至喺覺得細節問題完全不值一曬,反映在香港嘅一馬政策之下(China Coast和城門河皇者之戰先天條件差太遠),香港跑友是多麼地溺愛渣馬。

如果大家唔明,我再提多幾點畀大家思考吓:

  1. 移動的清潔工人同掃把,喺咪比喺地上唔郁嘅垃圾危險?
  2. 該處是在解放軍對面,最近的水站也在約50米以外,唔喺多人丟垃圾嘅點。
  3. 就算有危險品一定要掃,都喺盡快用掃帚掃至一邊,而不是用垃圾剷慢慢舞。
  4. 清潔工人根本唔係大會的工作人員,又唔喺黎打氣嘅,唔應該喺比賽進行期間,走入跑手堆當中。
  5. 即使有必要走入人堆中掃地,亦只能夠由大會的工作人員嚟掃,世界好多馬拉松都喺咁做,唔會喺比賽進行期間,由唔知名嘅清潔工人掃。

延伸閱讀:

香港渣馬拼PB 李銘勝不建議,運動筆記

渣馬有幾尊重跑手 未跑完就上賽道掃地,高達奔

分類:生活, 跑步

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s