生活

渣馬好正、毛記好睇/園丁

big banner2

「渣馬九流安排、跑友滿意超高」--看似是奇特的現像。

渣馬有甚麼九流安排,如果大家有參加日本、歐洲和美國比賽,或有留意主場博客,不帶著成見看看每一個批評,相信不必我在這裡重覆。

早已告別渣馬的跑友R笑言:

「呢個結果好正常啦!你去北韓做民調,有邊個會話唔滿意政府?我唔係話北韓人被逼,而係好多北韓人,真係由衷支持金正恩,覺得北韓的共產主義制度,比南韓優越架!咁又點會唔滿意呀?」

越講越興奮,連粗都爆埋。「滿意渣馬的人,咪好似北韓人咁囉。呢班友連秃鷹鳴槍、連生蕉、連冇野食、連半程計錯時都接受,就好似住喺北韓的人咁,以為有得跑、攞行李快、晨早有地鐵、證書快印好已經好X幸福,根本唔知道外面的世界發生乜事,以為全世界的比賽都好似渣馬咁上下。」

「有啲更好似患咗斯德哥爾摩症候群咁,將渣馬唔合理、唔尊重,變咗做要克服的難關同挑戰。最極端的,唔單止走去同情渣馬,仲去笑人哋上車、跑死人喺不自量力。」

佢沉思一輪後,講埋最後一句:「就算有少部份真係醒覺咗,知道南韓好過北韓,但話晒人生已過大半世,唔係咁容易話偷渡就偷渡。要佢地一下子,背棄大半生支持同擁護的渣馬,離開自己熟悉和有感情的賽道,都唔係咁容易,因為佢哋的長跑人生,全都係因渣馬而來,對渣馬有感情了。」


渣馬「九流安排、滿意度高」,其實沒有甚麼奇怪。

如果你問,到今時今日仍然會收看TVB的百多萬觀眾:「你滿唔滿意TVB的節目呀?」

佢一定係然覺得節目OK,又或者未至於唔OK到要轉台或熄電視。

這些忠實觀眾,仲可能回敬你兩句:

「TVB可能不是世界上最好的電視台,但我覺得整體上做得不錯。由綜藝節目、劇集、新聞、兒童節目、英文節目、清談節目等都做得井然有序,唔會好似隔離台,做埋啲騎呢節目。」

「凡事要看全局,單看別人鼻上的黑頭,就指責成個台由上到下都無用心、欠專業,對TVB上下全體人員,喺欠中肯的評價。」

「咁你呢十九幾年除左忍耐同包容,有無經正常途徑反映過先?」


渣馬滿意度高,根本無需要認真看待,不滿的跑手早已不參加了。剩下的跑手滿不滿意,與整個比賽達不達標、專不專業、是否用心辦,完全是兩回事。

所以,香港觀眾只配睇TVB、香港跑友也只配跑渣馬。

我城,根本不配擁有一個像東京、紐約、倫敦般偉大的馬拉松。

延伸閱讀:

渣馬--香港最成功的維穩組織」,園丁

分類:生活, 跑步

1 reply »

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s