生活

參加者 只不過喺渣馬攞嚟自high打飛機嘅數字/高達奔

dead ppl前兩日高達奔寫過,點解渣馬成日死人,原本都以為要講的都講晒了,但睇到呢兩日網上文章,講到跑友受到的涼薄對待,仲有唔少所謂資深跑手,將死咗人的責任,賴晒落個死者唔夠訓練,完全唔覺得渣馬有需要檢討,真喺不禁倒抽一口涼氣。

參加者 從來只喺一堆創新高的數字

咁多年來,多少跑手危殆送院、多少跑手命喪渣馬賽道,但田總渣打渣馬除咗深切哀悼慰問,可唔可以話畀高達奔知,渣馬咁多年來究竟做過啲乜,為參加者提供更大嘅保障?可唔可以證明畀大眾睇,渣馬喺重視跑手嘅性命?

喺咪因為渣馬嘅死亡率合乎科學統計,所以渣馬可以乜柒都唔駛做?

不尊重參加者的渣馬

高達奔敢斷言,渣馬出嚴重意外的其中一個主要原因,唔喺空氣差、唔喺天氣差,而係喺渣馬嘅世界,死咗人只喺或然率嘅問題,純屬不幸同意外,又或受害者自己的責任,絕對同渣馬嘅安排無關,同早出發無關、同比賽嘅醫療安排無關、同唔夠補給畀運動員無關,只能夠被動咁等待,下一個愛害者嘅出現,正如高威林喺2012年評論跑死人時話齋:四十二公里路咁長,冇可能每一處都䏲得到。

喺渣打嘅世界,參加者從來喺一堆統計數字,人數創新高就high過打飛機。渣馬唔當每個參加者喺一個有血有肉的人,唔覺得有好大嘅責任去用心照顧參加者,唔覺得有需要行多兩步,提供更多更大嘅保障,等跑友可以平平安安咁返屋企。

呢種只當參加者喺數字,而毫冇半點尊重同愛護嘅嘅態度,體現在渣馬寧願請人神共憤嘅秃鷹鳴槍,都唔畀葉伯任何肯定、工作人員呼呼喝喝嘅態度、多年來連生蕉都冇提供、驚死你攞多半塊朱古力、受傷就唔該自己行返終點、老屈你跑唔完上車、我畀膠袋、畀毛毯你保暖係人情,唔畀你喺應該。

渣馬嘅罪,就喺唔單止無盡最大嘅努力,為跑手提供最大的保障,就連基本對跑手嘅尊重同愛護都冇。

相比之下,外國實在有太多的例子,畀你睇到一個賽會對人命嘅重視,對每一個參加者嘅尊重,Edkin嘅文章「從渣馬看香港:為甚麼我們總是要死人」,已講咗好多日本嘅例子。單喺應付突發天氣,你去外國跑,天氣凍就有熱飲、天氣熱就有凍飲再加沿途灑水,就連臨時增加時限都有,你喺睇到賽會果份心意。

但喺香港,即使遇上天氣異常,渣馬從來冇Plan B應變,在last minute昨最後嘅安排,以減低參加者意外的機會,有乜事發生就賴天氣唔好、賴空氣唔好。

網頁連基本的醫療知識都無

最最最荒謬嘅喺,明知耐唔耐都跑死人,渣馬唔單止冇在賽道上放任何流動醫療隊伍,就連渣馬嘅網頁和場刊,咁多年來竟然喺冇任何內容,講解跑馬拉松常見有乜嘅意外、有乜健康問題需要注意?比賽詳細嘅醫療安排同支援?有乜醫療設備喺路上提供?

就連賽前攞號碼布的機會,寧願搞埋九唔搭八花式跳繩表演,都唔做任何宣傳同教育,教跑友常見嘅意外同避免方法,搵醫療人員教跑友急救嘅方法,連呢啲最基本嘅門面功夫同PR都唔忍做,點可能相信渣馬重視人命?

提供醫療資訊,美國喺咁做、日本喺咁做,何難之有?如此不重視人命嘅渣馬,仍然有輿論吹捧為盛事、仍然有跑友樂此不疲年年參加、仍有銀行繼續巨額贊助,視之為Pride & Joy,實在是我城之荒謬、不幸與墮落。

延伸閱讀:

「渣馬對受傷選手不人道對待」,徐然

「從渣馬看香港:為甚麼我們總是要死人」,Edkin

「我無上巴士,你唔好屈我」,家聯

“How bank chief’s baby – the Hong Kong Marathon – grew into a giant" , SCMP

分類:生活

4 replies »

  1. I suggest the marathon event logistic programme be reviewed by a suitable body comprising specialists with logistic, sport, medical and risk managment expertise to make a safe and happy event in future.

  2. 如果你話冇醫療團隊的話,作者你就應該落場睇睇,唔好太過主觀作得就作。網頁冇,唔代表事實冇。如果你要每10米有一個專業的醫療人員,咁先係有的話,我舉手永遠鄙視作者。另外,流動醫療唔係最佳解決方法,比賽人流咁多,你想駕車向左走向右走?參賽者最清楚自己身體狀況,如有不適就要停。強行完成,出左事,你怪得了誰?

    我以工作人員去看,每一個check point 都有醫療人員,設備足唔足夠我就唔知。全程有幾個水站,水站都有分頭尾,又有海綿。如果每公里要一個水站先叫做有的話,我舉手永遠鄙視作者。

    渣打嘉年華有不同主題的慶祝表演,又有教你點樣跑的攤位,點樣舒緩肌肉酸痛,號碼包裡面又有賽道簡介,物資車輛等等的安排。係咪要一本黃頁咁厚的先叫夠?如果係,都係呢句,我舉手永遠鄙視作者。

    渣打前兩月,已經不斷係黃金時段推出廣告,又有專業的教練/業餘的運動員提供比賽相關的建議。係咪要要開個馬拉台,24小時不斷重播先叫有? 都係果句啦!

    冇人想要意外,如果死者明知道自己身體不適,而依然堅持要去的話,比你做醫療團隊隊長,你又救得了幾多個?

    • 作者唔係話無醫療團隊喎!你又唔好老屈作者。
      作者無話,要十米一個喎!你又唔好老屈作者。
      作者無話,每公里要一個水站!你又唔好老屈作者。
      作者無話,要24小時重播!你又唔好老屈作者。
      作者無話,要黃頁咁厚!你又唔好老屈作者。

      流動醫療,係一個外國常用的方法,你有無睇晒篇文的link架?唔係駕車,而係醫護人員落場跑呀!如果條路擠,連醫療都容不下,責在賽會overload條賽道,畀太多人參與而犧牲了保障。

      作者批評的,係渣馬連網頁提供少少資料都唔做的態度。

      我先鄙視你呢種人,文都未睇完,就大放厥詞老屈作者。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s