生活

渣馬義工偷生蕉?上樑不正下樑歪/高達奔

marathon《蘋果日報》周五報咗單,題為「網傳義工扣起物資」的新聞,終於破解咗「渣馬只有蕉皮之謎」,原來喺因為有義工落格,特登收埋晒朱古力和香蕉,帶返屋企自己吔。渣馬就唔評論認事件,只喺話會有指引。

據知,有關消息來自Facebook的「渣打馬拉松 2015-2099」群組(唔知喺咪預計,渣馬將於2099收皮?),其中一名前義工講到:

(不吐不快)

好多跑半馬或全馬嘅朋友都話無見過大會水站嘅香蕉&朱古力…

小弟只係純粹分享過往眼見嘅事實~

話說小弟做過3屆(09,10,12)工作人員(受屈臣氏薪) ,頭兩屆做西九龍公路水站,最後個屆做終點,做得工作人員,之前都會有講座及收到工作人員手册,我當時睇過本手册,明明自己做個水站格離應該係派食物,但就奇怪到落場時就從來無見到有香蕉&朱古力…

(震撼嘅時候嚟喇) 到賽事完結,大約下午一點快有大會巴士接工作人員走嘅時候…我見到個幾個水站義工…係個枱底度…拎出一箱箱嘅吉百利朱古力同大量香蕉出嚟…好開心咁分俾其他人享用…有人當場食,有人袋起拎走…

做咗幾屆工作人員,我知d物資(特別係香蕉&包裝運動飲品)一定夠派,問題係肯唔肯派…

睇完呢單新聞,唔知果啲涼薄跑友,仲會唔會插埋怨冇蕉的朋友喺「自己訓練唔夠就賴冇嘢食」、「三百蚊好平啦,仲彈冇蕉,去街市買啦」?

撻蕉義工仲衰過猩猩

相信呢位朋友絕對唔喺抹黑渣馬,而喺良心發現睇唔過眼,終於透露渣馬冇蕉的內情,希望大家唔好再怪田總唔畀蕉。不過呢單新聞實在太震撼,自稱「從心出發」的渣馬,但義工就「從貪出發」,連生蕉都唔放過要撻返屋企。連蕉都偷呢啲劣行只會係第三世界國家出現,早知不如請幾隻猩猩做義工,至少生蕉連猩猩都唔會吼。

唔好睇少義工撻蕉的嚴重性,好多跑友就係實牙實齒信你,先至唔帶補給,但就估唔到原來係連蕉皮都冇,咁搞分分鐘喺可以搞出人命架!但最離奇係,大會竟然從來都唔察覺,成個比賽枱面乜X食物都冇,但就可以比五餅二魚更離奇,比賽結束後無端端變魔術咁一箱二箱出現,仲可以光明正大坐大會車搬走,而且仲要喺唔止一年發生,足以證明撻蕉呢單野,絕對唔喺幾個害群之馬,而喺整Team人的腐敗和互相包庇。

或者我哋都應該包容下,學習慈母的思維邏輯,我咁早起身做義工,去幫你做一個牟利的活動,但就見見錢落晒去田總同高威林個袋,各種合約私相授受,我唔撻返啲戰利品走都對唔住自己啦!上樑不正下樑歪,呢啲咪就係人之常情囉。

如果今時今日,你仲可以享受跑渣馬,興奮地迎接禿鷹鳴槍的一刻,而無視渣馬種種的荒謬、腐敗、落後、不重視參加者的安危,證明你真係好幸福、好快樂、好離地。

分類:生活, 跑步

3 replies »

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s