生活

為甚麼不能著渣馬大陸特步Tee/高達奔

渣馬前夕的添美新村好熱鬧,好多人印遮,好多人印Tee。但見到撐傘的跑手,都攞住大陸特步Tee去印字,真係不禁倒抽一口涼氣…..

1421594257_ce27

New Balance的年代,渣馬Tee雖然年年款式一樣,都係清兵勇字雞乸咁大個Logo掛心口,毫無任何設計可言,但至少都係一件New Balance,美國貨。但四年前換左特步後,就算今年特步的設計較NB的年代好,但特步永遠只係強國牌。除咗品質備受用家批評,更將渣馬急速大陸化。

唔著大陸特步Tee,係不容妥協的品味問題,因為這些大陸牌的Image實在太Cheap,而且品質不佳。解渣馬可以用特步?就係因為香港班跑友從來冇要求!覺得每年有一次渣馬已經滿足,話知你搵乜X人鳴槍、幾點起步、搵乜Tee贊助、DQ晒輪椅選手,發生乜X事我都包容照報名。

台灣呢?人地台北馬拉松幾年前試過引入特步贊助,點知畀班台灣跑友屌到主辦者反枱!為咗平息跑友的憤怒,只係贊助咗一年,特步已經要滾蛋返大陸,由Adidas光復至今。

香港?大把跑友覺得件特步Tee好有紀念價值,一係唔X捨得著,一係要著住佢黎衝線!當香港跑手連向大陸特步Tee Say No的意識都冇,連蘋果日報仲大讚設計好,你就明白點解台灣人會有民主,而香港的渣馬搞緊西方四十年前果套(同東南亞相若,唔計清場效率),民主,更加永遠都唔駛旨意有。

分類:生活, 跑步

4 replies »

  1. “但至少都係一件New Balance,美國貨"?? 真係笑死人!New Balance 的 “Made in USA" 只不過係一句 Tag Line! 根據 Fortune 報導,現時 NB 約七成是中國製造,Made in China 呀老兄弟。Boston 間廠其實已經係作 marketing 景點,祇造990等少數經典型號。就算在美國本土賣的,也只剩約 25% “美國貨"! 身為博客唔好咁求其,最低限度用一兩分鐘 Google 吓!

  2. 無野搵野黎寫,唔理made in 邊度,made in us 就係好?同民主有有咩關係,寫blog 寫到咁真係唔好寫黎誤導人

  3. 頂,條友思路有問題,前言不對後語.
    一時又話今年個設計好,一時又話著件tee品味有問題 1999

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s