https://www.facebook.com/JoeyKwokPhotography

1）專家喎：雷鼎鳴說好了的三千五百至一萬一千個億的佔領經濟損失呢？煩請港府經濟顧問計計，樓股齊齊上，劏房破紀錄，連起初股市下跌而胡混過關扣帽子的帳面損失都不見了！

2）僱傭兵：專業對付毆打示威者的灰、黑色人物，專業挑機搞局的內地大媽，日後會不斷有工開。

3）政治警察：專門審查市民衣著、打扮、飾物、目的地的「政治警察」，「出櫃了」的殖民地年代政治部。

4）真保安局長：真普選就冇行，真保安局長就有一個：Miss Yip Cancer，收緊三十萬月薪嘅黎棟國冇影，副手李家超更冇影，至少分咁一半人工比葉劉。

5）鬼：總之唔理乜人，自己人、同路人都鬥，仲猛過鬥689、警察。

6）衝衝仔女：一匡熱誠，冇機心、有良心，累積經驗有作為。

7）本地大媽：社會前缐中堅後勤都見身影，有韌力，夠大聲。

8）問責官：全線可以收得檔，75日以來冇一個講人話，既然政府靠政治僱傭兵、警棍及速龍部隊都夠力支撐，又何需一個月成千萬人工比班廢人。

9）文明政治終結：香港由英治時代所培育而成的一套政治文明，在雨傘運動後正式告終，進入了維穏時代，靠惡法、城管公安式執法態度、無賴無恥無底線之政客，壓制反對聲音，無需再用文明方式說服，更冇政治論述可言。