社會

單車館外請勿踏單車 仲唔係全球獨家?/場邊故事

CAM01076

單車館與「請勿踏單車」並駕齊驅,香港獨有。去年政府在將軍澳落成的香港單車館,設有不同的世界級單車賽道,當局曾言之鐅鐅指,場館外圍的單車公園適合一家幾口餘暇同樂,誓要打造「單車都市」云云。事隔一年,比《中英聯合聲明》宣告失效更快,香港單車館外已掛上十數張「請勿踏單車」橫額,保安遇有單車友經過,即「STOP!」

CAM01059 CAM01025

居於將軍澳的單車友Victor日前沿將軍澳的單車徑踩車,經過香港單車館,打算找泊位放下單車找洗手間「方便」,豈料甫駛進場館範圍,立即有保安員衝前阻止,指着館外遍地黃黃綠綠的告示指,「呢度無得踩車架,唔好要我地難做啦!」Victor接受《場邊故事》訪問時笑稱,驟眼看還以為該些橫額是支持真普選的Banner,「仲以為有人身在曹營心在漢添,哈哈!」

場館附近有將軍澳的單車徑圍繞,但竟沒有一條可通往單車館入口,Victor指,要連人帶車進入單車館,除了推單車,別無他法,「連保安都偷偷地話荒謬!」

CAM01077

斥資11億興建 原來單車友唔用得

諷刺的是,場館外的單車公園入口放有一家三口踩單車的大型雕塑,但公園卻並非可踩車區,事實上整個公園也嚴禁踩單車。「政府唔畀人踩,又放個咁嘅雕塑喺度誤導,放假一家大細拎架車嚟就比你玩死啦!」Victor 嘆道。

香港單車同盟會員Wilson指,政府斥資11億興建的香港單車館,興建前抑或落成後均沒有徵詢過會內任何一名單車友的意見,單車館雖設有專業賽道,館內大部份場地竟用作羽毛球場、籃球場,與任何一個康文署體育館無甚分別,「啲賽道其實係畀黃金寶、李慧詩等等嘅專業運動員Book嚟用,對單車友嚟講無用,亦好難Book到。」

圖片由受訪人提供

#單車 #香港單車館

分類:社會

Tagged as: , ,

19 replies »

  1. 各位,這就是港共政府口中的常態,這就是他們眼中的正常社會秩序。這些常態與秩序是為當權者的方便而設的,普羅大眾的權利與方便並非他們考量的要素。
    單車友們,要和諧呀,不要抗命呀。

  2. 我是一個體育評述員,亦愛踏單車。関於將軍澳單車館,我想提供一點基本認識。

    場地單車,由器材到技術,都有異於一般公路車,不掌握技術的話,會很危險,所以不可能讓公眾隨意作玩樂用途。單車聯會長年舉辦初级訓練班,考取證書之後,就可以使用單車館,館方設有公眾使用時段。

    另外,單車館可作其他用途是國際間常見的方針,以物盡其用,最近,歐洲游泳錦標賽就在一個單車館內搭建泳池舉行。

  3. 我是一個體育評述員,亦愛踏單車。関於將軍澳單車館,我想提供一點基本認識。

    場地單車,由器材到技術,都有異於一般公路車,不掌握技術的話,會很危險,所以不可能讓公眾隨意作玩樂用途。單車聯會長年舉辦初级訓練班,考取證書之後,就可以使用單車館,館方設有公眾使用時段。

    另外,單車館可作其他用途是國際間常見的方針,以物盡其用,最近,歐洲游泳錦標賽就在一個單車館內搭建泳池舉行。

  4. 如果淨係專業單車手先可以用單車館,咁,擺放個一家大細一齊踏單車的雕塑在館外係什麼意思?

  5. 或者有人會應為單車館搭建其他體育設施的方式在外地都有,所以看似正常。 但有沒有想過其實單車活動不只是踏著在單車徑上踏踏單車,或是場地比賽呢?

    如果有心打造一個單車館,應先想想有甚麼關聯的東西可以放在一起! 別人這樣做,我們就只是跟著做,那根本就是不懂做!

    最最簡單的,任何踩單車的人都會直接的聯想,就是踩單車到場館! 連這麼直覺式的思考都沒有,我不知道政府康文署的人在做甚麼了。 外圍可以打造一個悠閒式的單車區,設有連接的單車徑和草地樹木供遊人休息。 加一些小丘隧道就可比我們常到的單車徑多一點的玩樂趣味。 也可以加入一小段的難度挑戰區,不同的路面質感之類的。

    另外,館內可以設一些小館,供花式單車、障礙單車、單輪車甚至兒童的三輪車 (還可同時教授小朋友道路安全知識) ……
    更可以加入改車區/ 維修區/ 保養區。 又可以有單車資料館,或者小商店代客訂購單車配件… 加強市民對單車的認識!

    有關單車的場館,其實可以做得更多更多!

    而當中重點,就是要處理那些過時和保守的保安規則!

  6. 有人話"外圍可以打造一個悠閒式的單車區,設有連接的單車徑和草地樹木供遊人休息。"
    就知佢無實地去過.
    其實單車館外圍正有好大既地方俾人休息. 而出門口不到半分鐘. 唔理你出尚德方向定反方向既坑口. 已經係有單車徑.
    再者單車館的確係比賽同練習用途. 維修費高, 隨意開放只會增加危險性, 而且場地好快就跑完一圈, 唔係大到公園咁.
    想像單車友以時速80km既練習. 而同場有小孩踩三輪車, 係有幾危險
    仲有推車入單車館好合理, 你要使用場地, 都要停下出示證件及辦理手續. 而非直接剷入館.
    你大可話可以唔落車都辦到, 但如果2,3個都要入館. 唔落車只會增加危險性

    仲有果D橫額掛出黎係絕對有必要, 因為果度完全係行人區, 呢個行人區地方大, 人又多, 係坑口同尚德往來既捷徑.
    亦因為係捷徑, d人貪快. 就會踩住單車過. 而唔行單車徑, 咁樣好易撞到人.
    而且香港單車友有好多都好無品. 撞到人直走見唔少.

    仲有佢另一邊既公園, 並唔係單車公園. 只係普通公司.
    想像下, 無路段又滿鋪草地. d單車方向就會亂黎, 好易炒埋人度.

    館外有一大條單車徑. 俾你踩到去康城返轉頭. 有風又有景. 仲爽過室內兜圍.

  7. 仲有, 有人話"另外,館內可以設一些小館"
    同你講, 你有入過去, 就知佢唔係完全一個單純踩單車既單車館.
    入面有健身室, 舞蹈室. 活動室, 兒童遊樂室.
    館外另一邊有田徑場, 根本整體都係一個運動場作基礎.
    如果單車友真係直接剷入去館內. 撞到人點算?

  8. 我假假地都叫入過去打羽毛球的路人甲,其實個場係可以開演唱會的,有冇歌手肯做開荒牛,幫補吓個場的開支,唔係審計署又有機會衡功量值。

  9. 早期去過一次,之後已經冇再去。
    話說埸館有間單車舖(野X),咁新開咪踩完車去睇下囉,單車館出面唔俾踩,ok我推,到單車館咪推埋入去,入到去左手邊就係(野X),不過我連(野X)門口都未行到去,已經有實Q話單車唔可以入黎單車館,推都唔得,要鎖係出面,而最近既單車泊位係成百米外,一黎我冇鎖係身,二黎2皮野一部RB泊街傻的嗎?俾人偷左邊個賠?
    試問單車館連推單車都唔俾入,同唔俾你帶藍球入籃球埸,唔俾你著跑步鞋入運動埸,有咩分別?

  10. 其實香港單車館外不讓人踩單車,若起那麼多人反感,最主要的問題是起錯名。不應該叫香港單車館,或將一家人踩單車的雕塑放在外面,誤導一般市民。可以叫做將軍澳體育館,再將那合家踩單車路雕塑放先單車徑旁邊,這樣就什麼事情都沒有了。不過其實這也反映了一個網民投訴的問題,香港有些官員不是說他們是壞心腸,不過有些真的是很冇腦!

  11. 其實香港單車館外不讓人踩單車,惹起那麼多人反感,最主要的問題是起錯名。不應該叫香港單車館,或將一家人踩單車的雕塑放在外面,誤導一般市民場館的其他作用。可以叫做將軍澳混合體育館,再將那合家踩單車雕塑放在附近單車俓旁邊,這樣就什麼事情都沒有了。不過其實這也反映了一個網民投訴的問題,不是說香港官員是壞心腸,不過有些真的是很冇腦

  12. 傻的嗎,足球場外要比踢足球?,網球館外要比打網球,唔係有人傻到以為係門口租架單車可以入場踩,你知唔單車館其實係咩黎

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s