其它(請作者分類)

和閃閃發亮的獅子山合影/場邊故事

light_photo_1_20141110

Ruby站在金鐘村的連儂牆前,對著鏡頭泛起微笑,希望藉一張照片,提醒自己,自己正站在何處、在做甚麼、為何而做。眼前一亮,她看到傘子、勉勵的話句和獅子山。黃光簇擁,像是在告訴她,抗爭的路上,你絕不孤單。
她笑了,《形。光》的團隊也笑了。

light_photo4_20141110

《形。光》由十多名年輕人組成,其中約有一半來自廣告界,還有設計、攝影等專才。這個組合,不難理解為甚麼他們會以「光影繪畫」(Light Painting)這種充滿創意的形式去支持傘運。

「其實同傳統嘅玩法差唔多,都係用長時間曝光去畫嘢寫字,只係再配合埋program,就可以做到個背景出嚟。」發起人Alex接受《場邊故事》訪問時,娓娓道出光影背後的原理,「唔係我哋發明架,外國一早有,係香港唔多見人玩啫。」
畫不難,但要畫得靚,便要一點技巧,「首先要均速啦,如果某啲位快咗或者慢咗,幅圖就會肥咗脹咗。」Alex說,他們在正式公布前,已先試演過四、五次,掌握了技巧後,才來和大家玩,「其實部機唔貴,投入得最多嘅唔係錢、係時間。要諗吓點先做得靚,係一個trial and error嘅過程。」

light photo_5_20141110

《形。光》的成員其實都是各個村的村民。村民當久了,便想貢獻些甚麼,「淨係落去坐吓、瞓吓行吓,咁不如出一分力,做到幾多咪幾多囉。」Alex一臉謙虛,「咁我呢啲無咩長處嘅,咪幫手將支持、鼓勵嘅信念傳開去囉。」言語間,卻又透出廣告人的志氣。

可是,近來村中時有爭拗,這個快樂的活動,擔心會成為嘉年華的罪證嗎?「我覺得要睇本質。如果你出嚟,係為咗玩、或者係展示才能嘅,咁的確唔使嚟。但係如果你做嘅嘢,係幫到其他人,幫到件事嘅,就應該做。」說得肯定,毫不動搖。

上星期日首次開放,已吸引了超過一百人留影,更成為了日前《明報》的封面大相,相中女孩便是Ruby。說到這兒,Alex又回復一貫謙虛,「係咩?我以為上咗即時新聞咋。light painting係一種形式啫,傳達嘅都係大家嘅心意。其實唔止我哋,人人都做緊呢啲嘢。」

圖:形・光習作一之為香港打氣
http://on.fb.me/1xCLm0M

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s