- 毅行者如一場秋季大旅行，前一晚通常興奮莫名，瞓唔著覺。
- 毅行者一百公里，卻比賽時間已由前一天開始，腦袋整天忙過不停。
- 你呃人，仲話無咁講過！？今年咪又繼續玩毅行者，我自問自答。
- 北潭涌的起㸃，是年度盛大的嘉年華，處處有歡笑聲，樂也融融。
- 各隊精神奕奕，影相搭晒膊頭。很難想像，稍後遇上困境會怎樣怎樣，包括剪帶。
- 「斷 • 捨 • 離」的哲學不難明白，但很難執行。環顧四週的背囊，可略知一二。
- 毅行者的背囊是百寶袋，會有甚麼樣的神奇法寶？我見過，一對波鞋。
- 毅行者知慧是一場算術，最難計的數，是如何為背囊減磅。
- 攞住最終無用的東西，「袋住先」變成了一種負累。
- 毎年穿上手帶後，要攞住號碼布影相，每次都會想起「監獄風雲」。
- 四人一隊走過一百公里，共同進退，人生得一好友 …… 行完先講。
- 四人一心其利斷金，手帶有如龍鳳鈪，一樣咁薄。
- 「贏就一齊贏，輸就一齊輸」，那夜長毛是這樣說的。
- 我唔係，亦唔想成為垃圾蟲！為明哲保身，免費Power Gel，唔洗喇多謝。
- 雖然係幾man，著緊身彈力褲，明哲保身好似都係配翻條面褲好啲。
- 起跑前，站在台下等候良久，卻只聽到台上主持，倒數10秒的聲音。
- 起跑了，仲有冇嘢唔記得？台上嘉賓講的任何內容。
- 起步後，唔好跑咁快，上西灣山見真章，我永遠記住這一句。
- 四週都說英語，今天香港的洋人，是否都來到了這裡玩毅行者。
- On your left, On your right，洋人們都跑得很快。See you at 西灣山，我笑說。
- 今年跑落西灣山往吹筒坳時，會想起幾米的「向左走 • 向右走」。
- 快到北潭坳CP2！要jog上斜，要醒神啲，最緊要型，你明喇。
- 正義永遠是對的，但係行捷徑的那一份刺激，又真係幾過癮。
- 行捷徑永遠是錯的，一副正氣凜然，講緊毅行者定係人生？
- 毅行者有幾多好友？每年要找贊助的時候便知道。
- 行咗咁多年毅行者，今年 ….. 不如我自己贊助自己好了。
- 收幾百蚊就去打人，有無攪錯！我一百蚊都收，努力行一百公里做善事，贊助我吧。
- 茅平上的薑茶，已經有幾年喝不到了，我很懷念。想說一聲多謝。
- 跑古道落斜石路狂奔，每次都覺得自己好似玩緊跳舞機。
- CP5，盡管山長水遠，每年我都會步步為營，親臨這廉記飲番杯咖啡。
- 姨，唔知今次會唔會有茅台呢？嗰腦仲咁頑皮，我狀態幾好。
- 月黑風高，步往草山的漆黑中，我看見有一間企業在雪中送炭 — 太古集團。
- 草山攻頂在即，望向對岸馬鞍山的那邊，不敢想像我是從那裡走來的。
- 食得是福，走到鉛礦坳杯麵位的時候，我真的很明白這道理。
- 我恐懼大帽山，越坐得耐越軟弱，可以振作自己的，只有自己。
- 不可輕視，不要假設，夜雨中的大帽山，請做好準備。
- 大帽山上考驗意志，夜空下北風中，唱著《海闊天空》，還我一點傲氣。
- 左邊是美麗的香港夜景，右邊遠處是神州的盛勢。五十年不變，可能只會是大帽山。
- 有一年的大帽山，寒風冷雨寸步難行，是生命中最頑強的時刻。
- 甚麼叫頑強？當感受到無常，與渺小，卻仍然在狂風中戰鬥的時候。
- 「沙 不怕風吹，在某天定會凝聚」給美麗的香港人。
- 大帽山水泥路上的涼亭，風雨中的守望，義勇軍的陳先生，我永遠不會忘記。
- 全年最少有一日，我唔睇Facebook，唔覆WhatsApp，你得唔得。
- 行毅行者好辛苦，無得行毅行者仲辛苦，這道理不足為外人道。
- 只有毅行者知道，攰都可以行得快，治療抽筋的方法，就係繼續行。
- 清晨的路上，空氣清新純潔美麗，可比美最近金鐘的空氣質素。
- 越來越多有質素的長途山路賽出現了，我唔想比較，但很難做到，毅行者加油。
- 不單只在毅行者，社會上多了年青人走在前端，真係唔簡單，年青人加油。
- 夜正長，路還遠，信念就是相信現在看不見的事情，繼續走吧。
- 持久戰，就是在疲倦不堪之時，信念不動搖堅守著盼望，香港加油。
