財經

【佔領】再推六隻佔中概念股/高達奔

western

遮打運動已進入第三星期,究竟對香港市道有幾大影響?練乙錚估計,最終消費應該唔會有大影響,引述如下:

一、雖有些商戶的生意減少,但同樣有商戶會多了生意,例如在旺角佔領區附近的一些小食店,通宵達旦的生意也十分旺盛。

二、有些消費不在佔領區發生,就會改在其他地方發生,例如有人本來要在中環酒店吃下午茶,現在可能改到尖沙咀。

三、消費內容可能大變,但總的消費金額不一定減少,可能反而增加了,例如佔中者可能要多買黑色T恤、太陽帽、防曬膏、摺扇、解渴及提神飲料。而且由於許多物資是由別人購買後捐出來,對佔領運動的人來說是免費的,因而消費量特別大。

果啲成日話「淨喺識批評,冇建設」的商界同建制派,而家真喺唔好批評佔中啦,建設下,諗下點樣紓緩解決先有意思啦!應該學吓阿信屋老闆林偉駿話齋:運動由第一日開始到依家都無事,做生意嘅人要抽個身出黎睇件事,做生意可以變通,就唔好搵人嚟過橋!

高達奔早前已推介過七隻股票,但佔中概念股又豈止七隻咁少?香港一樣有識得點應對的商戶,甚至悶聲發大財的商家,再推介多六隻都得。

一. 港通控股(32)

港通控股,咪即係西隧的最大股東,擁有50%的股權。西隧其餘50%,由中信泰富及嘉里建設合組的公司持有。自通車以來,西隧終於成功發揮分流交通的作用。要叫停佔中,心裡最想反對的,一定喺西隧。

港通周五收市報$6.88

二. 壹傳媒(282)

遮打運動的消息,邊個傳媒最多?肯定喺蘋果日報。據Marketing網站,蘋果在social media方面獨佔媒體市場率近九成,過去一周有一千萬個Facebook like,以及一千一百萬個Facebook留言,網站的廣告收入,有望超越越報紙的損失。

壹傳媒周五收市報$0.8

三. 新鴻基地產(16)

練乙錚話齋,消費喺會轉移的。咁啱新地喺三個佔領區的商場,都全部僅僅唔受影響,包括中環的IFC,銅鑼灣的世貿中心,同旺角的新世紀廣場,仲有新界的眾多商場。新地,一定係轉移消費的最大贏家。

新地周五收市報$111.5

四.利亞零售(831)

OK便利店,連日照顧數以千名佔領區留守者深夜凌晨的飲食。反佔中的人士,唔該唔好騷擾小店,而係應該抵制破壞OK同711,呢啲先係幫示威者最多的鋪頭。

利亞零售周五收市報$5.55

五. 大家樂(341)

海富中心除咗麥記好生意,連高層都要出埋黎賣包。海富又豈止麥記生意好?仲有大家樂同意粉屋,都屬於341旗下。

大家樂周五收市報$27.4

六. 怡和策略

天氣開始轉涼,加上抗爭演變成持久拉鋸戰,下一波需要的物資係枕頭和被,尤其是當旺角開始出現床後,IKEA生意一定好。仲有7-11惠康和萬寧,全部屬於新加坡上市的怡和策略。

 

最後利益申報,本文主要喺畀大家輕鬆娛樂下,高達奔並不是證監會持牌人士,亦無擁有以上所有股票。

 

 

分類:財經, 佔領

1 reply »

全港商戶及租戶要求業主速減租金大聯盟 發表迴響 取消回覆

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s