傳媒

【佔領】令我心寒的一段錄音 / 區家麟

IMG_4100

佔中阻路,一段「容姐」的控訴,在Whatsapp瘋傳。內容是衝突當天,「容姐」與家人到港島見癌症病重的媳婦最後一面,但遇上海底隧道「大塞車」、「在隧道內塞咗四個鐘」,到醫院時,媳婦已去世。

這「故事」,今天的大公報、文匯報、東方、太陽、明報(!),都有刊載。(我給明報的感嘆號,可能有人認為是多餘,但我對明報是有希望的。)

故事源自香港電台第五台《有李同行》節目,是一個以長者訴心聲為主的電話phone-in節目。

今天,我特別上網再聽一次。(網上重溫,第二段,約1330開始。)

聽完,大熱天時,我心寒,我冰冷、我凍。

「容姐」說得很真,哭聲也很真,但內容是否真?

928當天,海底隧道有大塞車嗎?

翻查港台的交通消息,當天無發布過「海底隧道塞車」消息;若真的塞了四小時,一定是大新聞,翻查慧科新聞,亦無任何海底隧道塞車消息,只有容姐話塞車的消息。

這個網誌裡,上載了9月28日晚間(上載時間9:30pm)的紅隧交通,文中謂「交通異常暢順,令人心寒…」。本人於當天晚間約十時,步近告士打道近華潤,遠望隧道口,見到交通非常疏落。

究竟容姐是甚麼時候,遇上四小時大塞車?這個時空,是否在我們的宇宙當中?我心有疑惑,如果容姐能親口當面解說就好,可惜,這只是一個電台節目,聽聲不見樣;而且第五台的這個節目,非新聞節目,主持風格溫文,不會追問清楚時地。

聽下去,容姐的遭遇,令人動容,她越說越激動,哭聲淒厲,但咬字清晰,很有感染力。到中後段,有更多難以想像的描述︰

因為類似遭遇的,不只他們一家︰

「很多人去到醫院都喊,因為有見不到爸爸,有些人見不到自己的媽媽,見不到自己老婆。」

如果真的如此,應該有很多記者知悉吧;幾小時內,有那麼多人離世,也似乎頗為密集……只是,主持無追問是甚麼醫院,現在已無法查證。

還有這段︰

「因為我媳婦住的那間是癌症的,她生乳癌,三年了,她捱了三年,但是生了一個BB,現在得三歲,她未睇過自己的兒子啊。你說我們做老人家的你說怎麼辦啊?」

為何兒子出生後,母子三年來都不可相見,人間悲劇,如果主持追問就好了。

故事中間、前前後後,有很多批評佔中、批評泛民、批評堵路的哭訴,有起承轉合,擺位準確。

聽畢,我心寒,那種寒意,非一般冰凍。

如果這是假的,那麼,造謠機器非常專業,由故事的鋪排,情緒的控制,皆錯落有致,旁人隨便聽到,絕大部分會信以為真。

事件還有值得注意之處︰

  1. 這位聽眾選擇第五台這節目,非常合適,因為這節目,多為長者收聽,而且每個人講自己故事,時間可以頗長,主持亦不追問,是散播故事的好地方。
  2. 電台一播完,大約一小時內,已有不少人在Whatsapp裡瘋傳,流傳之快,令人側目。
  3. 然後,翌日有幾張報章響應,按電台節目裡的故事,寫成了稿,廣為流傳。
  4. 這個途徑,令故事更可信,又不需真人出現。

散播謠言的集團,看來有組織有計劃,懂得說故事,有畫面感有細節,仿真度極高,渠道選得好。這種境界,非常人所達。

剛才為了寫文,再聽一次,再一次心寒、冒汗。

容姐,我明白你痛失至親,心情悲慟,若妳能走出來,把故事說清楚,釋我心頭之冷,讓我對世界多一點信任,我會感激你。

***   ***   ***

相關文章︰

最近,香港出現很多人渣,這篇文尋求解答︰

點解香港咁多人渣?

分類:傳媒, 政治, 佔領

53 replies »

  1. 政治, 首重文宣。
    學聯說警察開槍呢?D100轉載的開槍video呢?
    社會分裂, 會是很可悲,不是爭取到再去補救那麼簡單.
    政治跟宗教一樣, 有了先入為主, 就會盲目。
    即使泛民能坐上特首之立, 建制反對互易,
    路將會怎樣走?

    坦白說, 倒不如讓香港獨立吧,
    壁壘分明,
    能接受中共的, 過去前海,
    反對的活在香港。
    父母子女,老死不相往還。

    我是有感而發,
    近日, 大家看profile顏色而各自unfriend,
    政治已經凌駕了一切。

    當大家興高采烈地認為香港人勝利,
    我卻認為香港人輸了。
    文革不是指學生造反有理,
    而是一場運動將人倫關係徹底破壞。

    反正,反對佔中就被扣帽,禁聲,
    情況何以修復?傷口何以痊癒?

    只為了一個CY, 付出的代價,是否太高了?

    當然, 你亦可以認為, 我這一篇是維穩稿,
    沒關係, 文革時, 連一碗飯都可以嗅出陰謀來的。

    Liked by 1 person

    • 不只是香港, 從古至今為政見而分既朋友家人都有, 重點是因此而分的人們不明白共融, 這陣子常聽怎樣能讓一百種不同的意見的人同時存有空間, 互相聆聽, 互相理解, 雖然不容易, 但大多數人都是向這一個方向走, 沒有強烈反對任一政黨/政見的意思, 現在佔中運動如是, 佔中的學生也是, 即使有反對者走到他們中間漫罵, 也回以溫和的解釋及勸對方及自己人冷靜, 我覺得政治不是非黑即白的, 只在乎兩方面如何溝通

    • 不覺得這是維穩稿。只覺得你說得很對,很多人跟你一樣,最不想見到的是香港被兩極化了。可是兩極化並不是佔中所產生出來的,反而是因為政府鎮壓市民,讓支持集會的市民變得很激動,而又用不同的言論如救護服務受阻等來讓另外一群人更不滿。

      Liked by 1 person

    • 現在問題的關鍵處好像是 年青人很容易把成年人感動 而卻很難被成年人所說服
      而現實的成年人 若見狼不走 我想成年人也很難找出一個事實根據去說服自己重建修補對政府的信任
      那如何是了 頭痕~

    • Unfriend背後的原因都可以好正面,我最近就將我2位親戚Unfriend,目的是不想被魔鬼利用,影響大家的關係,就好像小孩子扭計時,父母走開,待大家冷靜、心境平靜後才處理事情。

    • 如果一句"政治,首重文宣",D100等做錯了,所以"我方"也可以照做,為求目的,不擇手段,到時已經不知真假為何,我亦認真地無言

    • 通處都有五毛,好討厭!自懂人性開始睇明報,近兩年都冇睇喇。唔駛睇啦,變到文𣾀大公咁!

  2. 區家麟: 就明報九月三十日A12版報道, 「容姐」的故事發生於前晚, 即九月廿八日, 所以我相信你在文中所寫的「926/ 9月26日」乃手民誤植, 望更正.

  3. 區家麟: 就明報九月三十日A12版報道, 「容姐」的故事發生於前晚, 即九月廿八日, 而你所引用的網誌和交通報導的link 亦是九月廿八日, 所以我相信你在文中所寫的「926/ 9月26日」乃手民誤植, 望更正

  4. 另有一個疑點:一般駕駛人士,如遇有急事是不會走紅隧的,因為它大部份時間都很擠塞;通常會走西隧,因為比較可靠,而且近瑪麗醫院;如往東區醫院則會選東隧。當然不排除司機較熟悉紅隧,但這樣的話為何不選的士?此外,十分同意今時今日如有塞車4小時必定是大新聞,須知道車龍中肯定有巴士等車輛,媒體必須通報和啓動應急機制。因此只能說這個大話說得太大了。

  5. 在尾段,佢仲投訴示威者拍打佢哋架車。
    容姐,你攪到我好亂呀!究竟你係隧道塞車,定係困左係示威者人群當中呀?定係你塞塞吓車啲示威者走入紅隧拍你架車呀?

    Liked by 1 person

  6. 我都想問蓉姐…咩醫院可以俾佢媳婦住三年?? 乳癌可以做手術,做完都可出院休養,點解會住院三年連個仔都見唔到?? 私家醫院…咁佢都好有錢。公立醫院???佢地唔係住港島可以入住港島醫院???咁佢好有本事。況且公立醫院床位唔夠,可以俾佢媳婦住三年,唔趕佢走??果然利害。我有親人患過癌病…住兩個月都要出院,因床位唔夠。身邊朋友識人患過乳癌,做完手術都趕病人回家休養。所以我都好想知蓉姐講吓係邊間醫院。

    • 有啲做舒緩治療、善終/寧養服務的醫院係可以比病人住耐啲,呢類醫院的探訪時間都比一般急症醫院長,地方較大,相對細菌無咁多,而且會較著重病人對死亡的接受、情緒、睇下有無啲咩遺願,醫院會盡量幫佢達成,如健康狀況許可,在家人陪同下係可以離開醫院一幾個鐘當放假都係無問題的,所以要見自己的bb的話,應該非難事

  7. 好專業!
    我聽唔到佢有講過佢去港島!佢祇係話過隧道!
    癌症末期一般唔會住東區醫院,QE, PM,QM……等主要公立醫院!
    一般使用公共醫療長期病患亦好少會有越區住院!
    乳癌係傳染病?點解媽媽未見過3歲BB?
    塞車塞左5個鐘夜睌11點到醫院,
    但尾段又話11點迫到返屋企以經零晨4點。
    坐私家車,坐乜車返?
    兩老人家都七十,
    邊個楂車?
    個新抱患乳癌3年其實都會有心理準備,
    如果真有此事,
    都係自己處事能力問題,
    唔應將自己的遺憾怪罪他人!

    • 比d同情心好唔好,知唔知道親人的最後一面有幾重要!!我是親身經歷過的,知道親人的最後一面見唔到有幾甘遺憾,足以令人遺憾一生。如果親人臨終前都見唔到自己的至親系自己身邊,孤獨甘離去,是幾甘痛苦!!就算有心理準備又點,事情唔到發生的果一刻,永遠唔知道有幾痛!!或者錄音真係假的,但係都唔好甘無同情心。如果呢條錄音系真的,甘左佢地見親人最後一面的人就應該受到良心的譴責。

  8. I think we can raise questions about the authenticity of the story but I would be careful jumping to conclusion now. If the story turns out to be true, all these comments are like putting salt on people’s wounds which I don’t think anyone would appreciate that.

  9. 來來去去,都係尼幾招,打人,拉人,屈人,臥底,搖言…。 可以有D光明正大的招數嗎? 689可以似番個男人企出來同交代嗎? 689可以不再躲向老婆同奶媽身後嗎?

  10. 我想問,報社唔係應該只報導一些查証過的消息嗎?紅隧咁大塞車,當你寫稿既唔知,編輯應該知卦?係咪違反專業操守?

  11. 主持人問你過邊條隧道,容姐答“”海底隧道”好明顯係逃避問題,唔話你知係邊條,佢講既所有資料都有一個共通點,就係不能求證,而且佢話現場都仲有好多其他人都見唔到親人最後一面,我唔知佢係乜野環境下見佢最後一面,而可以同其他家屬交流,常理分析,見屍體無可能係公共空間,你唔會見到其他親人以外既遺體,而且仲可以知道死者係佢老豆/阿媽/老婆,唔通容姐走去問人“喂,死左果個係你邊個丫?
    容姐演技係幾好,但係好多野太故意了,又事事小心,唔留任何線索

    • 其實佢可以講晒所有可能性出黎..爸,媽,老婆,老公,仔,女,呀公,呀婆, 呀爺呀嫲..姨媽姑姐,姑丈姨丈……….而且通常男病人同女病人都分開…
      正常喺醫院見到人喊都會係親人朋友離開架啦..點可以確認佢地都係因為塞車而見唔到最後一面???

  12. 其實呢個聽眾事件已經被質疑係假,有咁大嘅交通疑點,甚至有人肯定係無中生有作嘅故仔,因為個電台節目多聽眾,尤其長者聽眾特別多,所以被抹黑者利用廣傳假故事煽動市民對學生不滿 。。。既然個節目咁多聽眾,依家有咁大疑點質疑,點解唔盡快响節目提出種種疑點詳細分析,迫當時人企出來交代/澄清真相?就算最終無當時人回應,至少可以令聽眾關注故事入面有匪夷所思不可信嘅疑點。

  13. 我媽媽喺癌症過身,佢癌症5年,成日出入醫院,基本上你好返啲公立就轉你去療養醫院(冇急症嗰啲),嗰到探病喺冇咁嚴。加上你唔喺傳染病,點會唔比你見面呢?落床唔自己行可以坐輪椅,我哋成日推我媽媽出去比我細佬見佢(因為細佬嗰陣好細唔比入病房)。所以冇乜理由見唔到小朋友。

  14. 贊成這段錄音係假的人, 足見他們的是非不分同涼薄. 婆婆話塞車5個鐘, 11點先到醫院. 即係6點塞到11點. 以下是港台交通消息:(HKT 2014-09-28 17:20)受公眾集會影響,添華道,添美道,立法會道,演藝道,樂禮街及龍匯道來回方向的全線封閉。受影響的巴士路線須改道行駛。 (HKT 2014-09-29 06:45)受特別事故,現時金鐘、灣仔、銅鑼灣、旺角彌敦道及亞皆老街一帶的道路仍然需要封閉,超過200條巴士線會因此須改道、暫停或調整服務。 即係全晚灣仔同銅鑼灣都塞車啦, 咁紅隧的車點出來阿, 點會唔塞啊. 個阿媽係咪唔可以生完仔/就快生仔的時候驗出乳癌阿??!! 咁化療電療期間, 唔準隨便見外人以防細菌感染係咪好正常啊, 個老人家面對親人離世白頭人送黑頭人, 講野誇張d都好正常, 點解唔可以理解下. 難道你地真係要受影響不能見親人最後一面先信嗎?

  15. 你若然有楂車, 你就知道紅隧港島出口係連接天橋去其他區. 與佔中位置不同. 況且, 開車的, 有咩事, 都會避開用紅隧. 而且, 醫管局網頁上, 冇一間港島醫院係位處佔中的位置上, 連灣仔區的律郭治醫院也可 ‘dull’ 路去得到.

    作故事的, 要做多d 資料搜集.

    看故事的, 也要分析一下故事內容, 唔好幫人亂傳假消息 [尤其讀過大學果d朋友!] 有時我覺得老人家比d後生仔/中年人還要精明!

  16. 雖然我唔敢講百分百係假,但如果認為呢段故事係真既朋友,應該去做下資料搜集,就以上故事一出,已有人百方求証,除筆者以上自已親身觀看的証詞外,亦有有心朋友將自已的行車紀錄片段放上網給大家參加,跟據幾位朋友提供,最比較貼近既係一位朋友,短片中佢在晚上19:28由衛理道既京士柏曲棍球場轉往漆咸道方向往紅隧,到19:35到達灣仔告士打道轉入分域街,過程只用了約8分鐘!!到19:34過了馬師道天橋已見前面有封路設施,所有車輛需轉入內告土打道!就以上証據,筆者在22:00查看無大塞車,片短為19:30無大審車,總結在這約三個小時都無大塞車!咁我想反想認為真既朋友,婆婆究竟幾點到隧道塞左5個小時,但又23:00先到醫院呢?當然,如果大家要話片短是假的,我沒說話了!
    大家可上youtube找尋片短,關鍵詞為[ (28/9)星期日晚七點半紅隧過香港情況 ]

  17. 一聽就知啦,提到佔中三子,劉慧卿,學生俾人利用 :0) 五毛用慣用熟口吻。人哋陶傑一早預告咗會有五毛,作故仔打上電台扮喊話死人㗎啦! :0)

  18. 搵死人過橋最好
    一質疑就話你地涼薄, 黑心, 對死者唔尊重
    想做到百辭莫辨
    就算有幾多證據都唔會信
    不過, 係破碇就係破碇
    無得兜

  19. 補充, 文中第一點就係重點:
    “這位聽眾選擇第五台這節目,非常合適,因為這節目,多為長者收聽,而且每個人講自己故事,時間可以頗長,主持亦不追問,是散播故事的好地方。"
    然後再分析, 就不難發現呢個有組織的陰謀係點做出來

  20. 其實個主持都好有問題,唔使理真定假,照樣播出街,
    佢地應該有來電者的電話,應該可以向報警的

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s