政治

【佔領】警方留下的六大疑團/高達奔

Joey Kwok Photography

Joey Kwok Photography

多得市民嘅堅持同勇氣,終於令佔中運動星火燎原。香港人,為一張真選票,為一個真民主制度,原來喺可以去到咁盡,有個阿婆甚至話連命都唔要,唔驚解放軍坦克碌過嚟,高達斌呢挺剩係得把口嘅餙底獸,真係堅冇用。各位守在前線的,用傘擋住警察的勇者,請受高達斌一跪!

佔中無策略預咗,成功因為勇武的香港人,但連警方嘅部署都喺差唔多,唔單止耐人尋味,某啲位甚至超乎常人的理智。

一. 搵談判專家勸示威者離開

呢個真喺堅無厘頭,柒一次唔夠,仲要柒夠三次(如果數漏,唔該指正)。如果談判專家搞得掂,唔該689、整個班子會同行會成員,全體切腹自盡。

二. 一旗兩面,一面警告開槍、一面警告發催淚彈

我嘗試說服自己相信,警方喺最環保的政府部門,連Banner都唔捨得印兩塊,要將開槍同催淚彈擺埋落同一張。可惜,我說服唔到自己。

三. 一邊狂放催淚彈,一邊往後退

放完彈驅散咗人,唔係應該押上前咩?好似當催淚彈唔駛錢係咁放,除咗挑釁示威者,激起更大的民怨,都唔知仲有乜用。

四. 藏有保鮮紙係衝擊的證據

呢個唔駛講都知道有幾膠。

五. 警方突然全部消失

既然可以放軟手腳,任由示威者佔領,咁點解第一日要用咁多暴力呢? 係咪因為警察率先響應罷工?

六. 連曾偉雄都消失了

點解唔喺由秃鷹開記者會,而係搵個助理處長同公關總警司?唔通去咗北京?定係已經辭咗職?

分類:政治, 佔領

8 replies »

  1. 我相信當這些事情發生時,背後(中央)有政治事件發生,使警方軟化,但要找下台階,所以出談判專家。放催淚彈後後退,可能就是軟化令到場的第一波。

    • 你可以當我陰謀論,但我覺得警方一早明白用「正常」手段,根本無法驅散示威者,於是放催淚彈,意圖激化群眾,製造開槍藉口。當日施暴警察帶哂槍,有人話係用來威嚇示威者,但我深信佢地真係等緊我地還手,然後就名正言順開槍。

      還幸香港人和理非非竟然去到化境,將「舉手投降」變成無堅不摧嘅終極武器,甚至一片薄薄保鮮紙都可以嚇疾勇猛無比嘅男子漢,真係唔到你唔服。

      計我話,不妨提名香港人(或者學民思潮加專上學生聯會)競逐諾貝爾和平獎,應該幾有趣。

  2. 唔好帶鎖匙出街 ! 鎖匙鋒利過保鮮紙咁多,警察實拉。又排除唔到你的鎖匙可以開到人地嘅門鎖… 成為意圖犯罪的證據。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s