罷課

【罷課】中學生在政總的說話/Joey Kwok

坊間有傳言指學生因為受人疏擺,受學民思潮洗腦,所以參與罷課運動。星期五親身走到政總,繼續Humans of Kowloon,了解在場中學生想法。

「我諗最困難係跟屋企人要求請假,解釋點解要罷課,唔係三言兩語可以講得明白。」
「我讀中二,住屯門,自己一個人搭車出嚟。」
「應承咗屋企人,今晚七點前要返屋企。」
「我摵走咗自己個校章先嚟集會。」
「我學校保持中立,所以唔容許談論政治及宗教。」
「三年後我就係合資格選民,所以我會爭取公義。」
「我同學中三畢業後已經出嚟工作,我諗我都以學生身份為社會發聲。」
「屋企人唔知我今日罷課。直到學校打電話向我媽媽查詢曠課。」
「我覺得集會好和平,但地方好逼,我哋坐馬路好危險。」
「通識科教我哋要批判性思考,要有獨立想法,所以我唔同意有人話我哋受人洗腦或煽動。」
「今日係我第一次自己一個人參與運動。」
「無擔心過因為罷課而記過,我諗大學收生只要分數夠就可以,唔會理操行缺點。」
「放咗課至嚟集會,我唔想因為罷課而影響今年DSE成積。」
「我學校鼓勵學生積極討論罷課事件。」
「本來我以為學校得我自己一個罷課。」
「我諗學生比社會人仕更容易參與運動,學生請假依然可以繼續返課,成年人請假可能被抄魷魚。而且學生自由時間比較多。不過我諗大家都有同樣嘅社會責任。」
「我父母諗過跟埋我一齊嚟,佢哋擔心呢度會動亂。」

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s