跑步

TVB不再是但,豈容渣馬繼續求其/流行萬里

Run for a reason 2015

老流,真係寫極都唔厭咩?

好厭!但呢件事涉及七萬幾參賽者,成千上萬工作人員,賽事日更影響全港好多地區既市民,所以主辦單位唔好好交待和改善安排,老流不能罷休。

今日有網友傳來倆段片,大眾冠名“CC”TVB都睇唔過眼出來砌,難得無綫新聞都不再是是但但,大家睇片 :

康宏主席也發聲

資深跑手梁耀忠議員

老流跟進,羅列渣馬十大疑惑,請田總高人解答下幾時先做到?還是要大家永遠袋住先!

1  關會長一句話賬目涉及贊助商不能透露。有無搞錯,掉轉左講係咪呀?贊助商啲錢可大可小,何去何從?點可以唔清楚交待?  聽聞倫敦馬拉松,贊助商會自己公開贊助金額,賽會亦清楚列明開銷,慈善捐款等數字,渣馬真係超英趕美?

2 爭取開放路段,寫過九萬次,田總有無盡力協調呀?還是係少做少錯? 就當維持現時大部分路線,亦都可嘗試逐步開放賽道,一段一段咁爭取。例如西九一段,走少幾段橋,落街接觸群眾啦,至於銅鑼灣去灣仔,問問姜蓉點搞啦!

3 起跑時間,我覺得6點幾都仲勉強能接受,5點就有啲離譜了, 咁搞法,不如搞night run啦!

4 賽道擠塞,物資短缺,好多跑友以為跑得快就有嘢吃,其實老流問過全馬sub-3跑友,佢話一樣見唔到。根本完全係安排問題,工作人員現場就住派,事後卻大批剩餘香蕉,朱古力要派俾福利機構!

5 分段出發,嚴格實行,對於減輕路面擠塞,以及避免物資被濫用都好大幫助。大會只要每年抽一部分參賽者審查下,有虛報往績既重罰,仲有邊個敢搏?

6 點解唔將賽事分倆日舉辦, 絕對可大大幫助解決以上3-5既問題,渣馬由選手攞號碼布開始到比賽完結,足足佔用維園一個星期有多,既然係咁,點解唔

第一個週日搞 10K, 10k輪椅, 機構杯,部門杯, 區議會杯, 5k領袖杯,5k輪椅…Target幾萬人,由beginner到精英賽,10k,5k流量快,封半日路,多啲人參與,無壞

第二個週日,名符其實既馬拉松,頂多預埋半馬,加半馬輪椅賽,假如全馬基本賽道不作大改動,半馬可以從維園起步跑至西環折返至西灣河再返維園,時間安排好既話,倆者互不爭賽道,全馬補給不怕被半馬選手掃清,估計可輕易容納全馬倆萬人,半馬倆萬人

呢個做法仲有個大好處,全馬半馬跑手都可參加10k, 皆大歡喜!

7 既然香港跑友最愛挑戰PB,比賽點解唔設Pacers? 起碼較快既組別要有!

8 今年已實施快腳優先,應該盡快落實埋本地居民有一定名額

9 分區制總成績杯,鼓勵多啲地區參與,增強比賽氣氛

10 分區域啦啦隊比賽,居民投稿比賽,多啲唔跑既街坊參與,投訴都少啲啦

以上各點已經唔係第一次講,搞手乜都唔做就最容易,年年叫人包容,仲大大聲話已盡力,醜唔醜?!

最後感謝TVB新聞部關注香港馬拉松,不單搵啱受訪對象,更問中關鍵問題,繼續加油呀!

分類:跑步

Tagged as:

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s