跑步

馬不停蹄 — 唔想咁玩可以點樣?/流行萬里

CORB5476

老流昨日Lunch都唔食揼文, 果然,今早倆大互聯事件, 在海鷗推波助瀾下,倆嘢就玩完!

唉瘋就無謂再講了,要買既遲早買得到,千古不變既定律,俾錢可以買到時間,要先人一步擁有,大可多花多一萬幾千,價值觀既嘢可以好唔同也!

老流關心既當然係香港馬拉松,以跑友報名既踴躍情況,如果我係香港田總搞手,一定會死而後已,用心盡力搞好賽事,以報萬千跑友愛護之恩!

報唔到名無得跑港馬,又或者好似老流,園丁,高達奔等…咁包拗頸唔肯袋住先? 香港仲有倆場全馬賽事,大家勿再錯過,僅再綜合如下 :

金門建築中國沿岸馬拉松 18 Jan, 2015

剛好在渣打香港馬拉松一週前舉行。

AVOHK香港元老田徑會主辦, 每年一月中在西貢北潭涌舉行,唔講好多人唔知,這是香港歷史最悠久的馬拉松,1981年首辦後從未間斷。此賽道上落坡度大,全馬跑手要重复在大部分賽道上跑四次,再加上賽事期間沒有封路,絕對不是香港典型追求PB跑手的理想賽事。對有些跑手,在賽道上反复跑四次確實有點沉悶;然而賽道遠離市區,樹林茂盛,空氣清新,倆旁不會有高樓大廈,而且此賽道亦是許多跑友平日操長課之地,再加搞手AVOHK用心辦賽,老流誠意推薦給未參加過的跑友。賽事分全馬和半馬路程,報名詳情請留意網站公布。

城門河皇者之戰 – 21 Dec, 2014

今年賽事路程包括全馬,半馬,10K,  2K, 輪椅賽,在一條開放,平坦,優美的賽道上舉行。 開放式賽道,容納跑手有限,今年第二次辦全馬賽程,只限PB 4:00 以內的跑手參賽,據說賽事指示清晰,補給充足,撇除建制背景,絕對值得支持! 現已接受報名。

澳門銀河娛樂國際馬拉松 – 7 Dec, 2014

玩到過大海?無錯,每年澳門馬拉松的參賽者,都有超過一半來自香港,舒服啲既,book間靚酒店,食好,住好,第朝起步倒塔咁早。有人會選擇半夜坐船直接去起步,當然就要有朋友預先幫你攞號碼布。好多人跑完揸揸骨,吃個雙皮奶,再搏倆手先返來。比賽剛開始報名,快手啦!

仲唔夠皮?寶島台灣每年有70場全馬賽事,識得有發燒跑友晚機去,第朝跑完下午機返。

跑馬跑到上腦?So What?

(9.16中午收到讀友報料,澳門馬拉松又已全部爆滿)

分類:跑步

Tagged as:

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s