老流太過分了, 刻苦自律的跑友,和急功近利的炒友,豈能相提並論?
然而明天一早,倆班人馬大有可能在互聯空間上癡繞晒線!
渣打香港馬拉松,無論你有多愛或多恨她,明早7點開始接受公眾報名;以過去數年經驗,開始報名後的幾小時,網絡癱瘓,媽聲四起。
至於上週五令全城狂熱, 導致好多Mouse和F5鍵重傷的生果唉瘋,唔知攞景定贈興,湊巧地緊接著在早上8點,開始第二輪接受網上訂購。假如再加上「海鷗」逐步逼近,不少人出門前上網查看颱風消息,明早網絡狀況,我真係無眼睇了!
前倆件事並非老流杯茶,本來亦唔想吹雞變成了間接提醒大眾,總之講多傷感情,已決定了力拼以上倆件互聯大事的朋友,老流只好作以下呼籲。
渣馬令人又愛又恨,決定了參加的,就請全力以赴,咪諗住報左先算,另外千萬要如實報自己完成時間的組別!最重要的是今天就開始訓練!不管主辦單位有無做到PB (老流自創詞:Public Best),大家都可盡力做自己PB(Personal Best)。賽事前多練習,賽事中多點包容,賽事後如實向主辦單位反映待改善之處。 不盲愛縱容,不瞎罵亂插。歡樂港馬,人人有責!
至於幾年來數次引發港人瘋潮的生果手機,老流一直都慶幸香港是首批發售地區之一。朋友們能搶先買來自用炫耀一番,我其實既羨慕又嫉妒,只怪自己手慢兼唔上心,次次都要等幾個月炒瘋過後先買到手。可恨的是,此批小數全球首批用家,大部分都係連盒都唔拆,一出生果店門口就急忙獲利的貪小利之人!本來人各有志,個個好似老流咁蠢咩,有錢都唔識賺!但請大家咪一邊罵蝗蟲,斥水客,一邊就為佢地制造生存空間!有機,留番自己用,為一萬幾千降格,唔值也!
祝大家明早網絡亨通!
補充於9.16 8.25am
一早,老友記馬拉松群組已收到幾十個messages,大部分都係講報名情況。
至於有關唉瘋既信息,一個都無!
I am always proud of my friends!
另外收到熱心網友 Elaine提醒,原來9.00am HK100 開始接受報名。
有啲懷疑呢隻海鷗係咪上天派俾我地既天使。
仲有,最引以為榮的是我地香港穩定暢順既互聯網絡!
Hi there, all is going well here and ofcourse every one is sharing
information, that’s really fine, keep up writing.
讚讚