跑步

DON’T Run! For 10 Reasons/流行萬里

人家正正經經鼓勵跑手的口號,卻被老流這等刁筆加"東”加“拾”加“s屎”,真係罪該萬死!查實高達奔上回代表我地幾個博客話罷跑,並未反映事實全部,老流聽聞主場博客中亦有決定報名參加2015年渣馬之人,何解? 期待當事人遲些自己解說。 一如許多香港跑友,渣打香港馬拉松,是老流人生完成的首場全程馬拉松賽事。相信很多參賽者都有同感,渣馬賽事中的種種不合理安排,相對賽前訓練過程中所承受的艱苦和傷痛,實在是微不足道;也許越是精英跑手越能刻苦,不太需要大會的支援或是歡樂的比賽氣氛吧? 但對老流,吃一排朱古力,聽幾下鼓勵掌聲,實在是堅持不上車燜燜水趕到終點的重要動力。當然,若非大會數年前把全馬時限放寬至6小時,老流呢挺傷患馬,根本就無可能完成全馬路程。而且渣馬報名費只需幾百港銀,雖然報名日要早早起床上網搶位,但可以在自己城市跑42.195公哩的全馬賽事,又可奔跑在平時不可能踏足的三橋三隧以及多段高速架空橋上,睇來跑手們要感激流涕,叩謝香港田總多年主辦之恩啦! 老流對高達奔早前的十大罷跑渣馬理由, 以不同角度自問自答一番,當中玄機,歡迎大家再加補充。

  1. 不想讓搞手繼續用納稅人津貼的賽道辦渣馬發財。 好多人只著眼於幾百銀報名費,老實講,相對於世界各地的大小馬拉松,香港都算好鬼平。但比賽最大既成本,其實大會係唔使俾既,當中包括沿途路段各警區,各部門,各志願機構,團體的義務支援和配合。其實賽事間接由納税人補貼不少。 而渣馬最大的收益其實係來自贊助商,老流經常聽路人甲乙丙講 :贊助商,外判商與某些人之間,關系千絲萬縷。
  2. 抗議渣馬多年來歧視傷殘運動員,損害香港聲­譽。 這算是最不公義的一環,大家勿忘幾年來的賽事中,各中外輪椅選手被粗暴捉上車的情景! 賽道真係負荷唔到? 割舍左10公哩賽把啦,搞個真真正正傷健共融的香港馬拉松!
  3. 不想再吃大會的嗟來之食──生蕉。 大佬,買7萬條熟蕉梗係難啦,但如果只係2萬全馬2萬半馬呢?
  4. 不想再凌晨半夜,偷倫摸摸出發跑。 有辣有唔辣,最好由倒塔咁早跑到中午,分多幾段,各適其適,點搞?看看世界各地啦! 點令市民少啲投訴? 唔係淨識呼籲跑手安靜架,識唔識proactive啲,勸賽道週圍市民多啲包容?  與其抗之,不如化之,用多啲方法鼓勵全民參與啦。難? 學下人地力行社羅議員啦!
  5. 不想再要一件,年年設計重複的大陸特­步 Tee。 呢家嘢,肯花心思實有改善既,拿,咪玩嘢呀,咪將個撻縮細左既logo加反大呀!仲有渣兜馬已係容忍極限,我唔要乜嘢眾淫馬,賤射馬,濃液馬呀!
  6. 不想再見到特首、曾德成或曾偉雄主持­鳴槍起步儀式。 又令我想起葉伯…做嘢未呀!? 而香港有好多令人敬佩既運動員可做起跑嘉賓,我估跑手們實在唔想起跑前要嘥氣噓班特衰高官囉!
  7. 不想再跑沉悶、無氣氛兼擁擠的公路。 咪又同我講難,醒條好橋你,邀請姜蓉入籌委會,申請封路無難度啦!
  8. 抗議大會打壓自發向跑手派食物的市民。 我老友蓓蓓早前贈我金句 : 「渣馬最仆街係本身唔夠食物派,但又唔準坊間自發人士向跑手派發食物,簡單講,社會福利署幫唔到要幫的人,但唔容許你地d好心人走去幫人,乜野道理,乜野世界!」
  9. 抗議田總從來不做好起跑時區劃分,任由不誠實的跑友霸頭位起跑。 誠實分段出發,嚴厲執行,大大減低跑手擠塞,補給混亂!  十九幾年都懶得執行,田總果然專業!
  10. 不想成為渣馬用來督數的數字,助長它很受歡迎的假象,變相縱容它長久不思進取。 上面講過,點解要接軌學埋鄰國啲假大空? 人多就係超英趕美? 難怪強國天下無敵! 大家再仔細想想,老流我地幾個是否別有用心,為了什麼不可告人之政治目的來反渣馬?

我地幾個博客也只係每年七萬多參賽者其中的緲小幾人,要寫的都已寫過,權力核心者不肯改變,我等也無計可施,放棄參賽也算是最傷人傷己之辦法! 跑手們請獨立思考,根據個人情況去決定報唔報名。假如你決定唔報,歡迎到時加入我地組織的民間義務補給隊,為參賽的跑友們加油打氣! 馬拉松,理所當然地應該是 The day we are united!

分類:跑步

Tagged as: ,

2 replies »

    • 係呀,感謝提醒,而家博客們一腳踢,大家上文用既Devices和OS都唔同,偶然會出現格式問題,好在經常有前篇輯義務幫忙執正。
      Thx Alan!
      十分懷念以前有篇輯服侍。
      唔緊要,有你地支持,我地一定撑撑撑落去。
      💪💪💪

匿名 發表迴響 取消回覆

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s