生活

睇本地波唔知幾正,點會冇人睇 ? /雷民

IMG_3821

 

睇本地波唔知幾正,唔睇唔明。有人擔心亞視播,冇人睇,其實點會冇人睇 ?

唔係講笑 ? 以前,三色台播波年代,有位年輕人同我講,「想叫自己條女入場,仲難過同佢上床 ! 」好難唔噴飯囉,又講得幾有道理,真係要俾個Like。

唔睇慣香港啲本地波,要冇冷氣兩粒鐘,22個男人走嚟走去追住個波,對啲姐姐仔,真係同叫佢去死冇分別。年輕人嘅遭遇,明嘅,好多人而家都想帶條女入場一齊支持偶像,完咗場等偶像出嚟影張相,Up上 Facebook再打:「支持阿傑 ! 」,真係幾易呃Like,起碼証明咗一樣嘢,我唔係宅男,有埋條女,又再証明咗,我有女㗎,仲睇波添。

一切不解釋,睇本地波係一種社交活動,集呃Like 、發洩情緒、消磨時間於一身,唔講好多人未必知,睇本地波啲飛,好多係問人攞,即係響門口,講自己叫咩名,邊位球員留飛,就可以大搖大擺入場,嘩嘩嘩,真係好型棍。

自從現在台搞直播本地波,夜晚踢波,可以用直播餸飯,睇波文化真係好大沖擊,唔係話水準上升,港隊世界排名都好快跌返去167位,而係入場睇波可以上鏡 ! 只要係女,上鏡機會馬上大三成,著埋波衫,又大多兩成,樣甜肯嗌,玩下手做埋球迷會Icon,俾人偷影,踢完波Facebook上被人tag 名,有好多人覺得咁好型,上電視,有人影自己,仲紅過五六七線藝人,。

亞視播本地波,正呀,免費台,亞視又冇明星,話唔定入場睇波睇到頻頻上鏡,大埔Lu Lu都係咁爆出嚟 ! 今季有隊升班馬黃大仙,如果住呢頭附近,又入場支持,有埋死忠粉絲潛力,正啊 !

亞視播波,梗支持。

 

分類:生活

Tagged as:

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s