財經

Trader物語:「反恐」第一擊 — 張士佳

via wil5oncle7us / flickr

via wil5oncle7us / flickr

早些時,滬港通大行其道,我也買得較勇,大小板塊都有參與,炒得不亦樂乎,唔少投資者都睇10月前續升無懸念,我本亦甚為樂觀,但手上系統卻響了警號,遂斗膽在上期以「升市的第一個警號」為題,希望大家買貨之餘,要額外小心,一周過去,如大家有重視我們這個預警,應該飲得杯落了。

本來已經小心翼翼,見到上周二傳深港通,個市唔單止唔見興奮,第一上海(227)仲反而在這個「好消息」中下跌,似乎已經無力再上。誠然,一個藉口炒咗咁耐,由大股炒到蚊型股,投資者其實已經麻木,而現時放埋深港通嘅消息,都推唔到股價再上,可以相信,市場上嘅購買力已經用得八八九九。所以,我再在電台節目叫大家加倍小心,相信捧場者上周四就唔使如坐針氈。

 四成現金 等撈靚貨

除咗滬港通深港通之外,其實近日仲有另一個相對少人關注嘅事件值得一提,就係發改委上調非居民用存量天然氣價格,引發燃氣股大跌。唔少人都認為,個別行業因為突發利淡消息出現而急挫,唔算罕見,而燃氣股又唔係重磅成份股,因而相信對大市冇乜影響。不過,其實當中係有暗湧,因為燃氣股向來都穩陣,所以好多基金經理會將防守資金泊入燃氣股,但家陣突如其來咁跌,基金受傷,就會沽出手上其他持股去降低整體風險,對個市會帶來壓力。

縱然如此,我並非看淡後市,只係明知手上貨多,跌過區區幾百點,心理上都會唔舒服,震倉往往在臨升前最厲害,到時手一軟,就會用留得青山在作藉口,保命為由,在跌得最急時斬貨。與其係咁,我不如早早「反恐」,反轉恐懼,反利用他人的恐懼在低位入貨,有唔少股我都幾鍾意,但唔算有conviction,我都選擇在上周初跟訊號出貨走位,留起四成子彈,等一些眼高手低的投資者出亂子。我深知他們的心理,因為我過往經常眼高手低,高位時鎮定非常,但股價一倒水,貨太多,心理壓力大,止蝕念頭就油然而生。如果易地而處,手上有子彈,海通(665)跌至4.15元,長實(001)跌至126元,建行(939)調整至5.3元,洛鉬(3993)回落到4.2元,當炒股回落,手上無貨,又有子彈,何其快哉。

咁?唔回落點算?唔回落手上仍有六成貨,只是賺少了,唔使叫救命,再加上寧買當頭起,只要有勢,不難再找入市機會,所以現在最最重要是戒急用忍,等靚股回調或者真有趨勢,方再上車也不遲。
放心!本欄會繼續跟進,時機成熟再同大家報告。

張士佳
註:筆者並無持有文中提及各股。

原文刋於蘋果日報

分類:財經

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s