其它(請作者分類)

渣馬傳入伊波拉? 一 高達奔

Photo: 來自「大型體育時務委員會」網頁

Photo: 來自「大型體育時務委員會」網頁

香港普遍記者唔識馬拉松,關於渣馬的報道,一係主辦者話乜就寫乜;一係就立場飄忽,一時當係一定要689畀面的盛事,一時當係阻街擾民DLLM的活動,大多數睇完得啖笑。例如:

一個無論安排,賽道,氣氛和國際化,同歐美日比較都輸到PK的比賽,竟然可以被譽為「國際盛事」;

如果馬拉松真係「盛事」,唔係應該讓路畀佢咩?點解要插佢阻街、阻人發達、阻人做生意?;

咁忍悶的賽事,都可以年年形容為「嘉年華」。你話我知有乜嘉年華,係要戇九九三點起身、四點出發,唔可以嘈?;

洪丕正飲大左話渣馬超越波士頓,真心膠記者當佢酒後吐真言,寫埋「渣馬超越波馬」呢種笑話;

傳媒特別關注有幾多人抽筋,而唔講有幾多人完成挑戰;

三公里又叫馬拉松、十公里又叫馬拉松,仲有「五公里馬拉松」、「七公里馬拉松」,幾乎乜忍要用腳跑的運動,都係馬拉松;


上周五渣馬舉行記者會。香港不乏有質素的記者,例如踢爆鳩嗚果啲,高逹奔一定要向佢地致敬。可惜去親渣馬的,多係無帶個大腦。引述《頭條日報》報道:

"體壇盛事第十九屆渣打馬拉松,提早在明年一月二十五日農曆新年前舉行,主辦單位指,為提升賽事質素,凡於上屆指定時間內完成的達標跑手可以優先報名,估計佔參賽者約百分之五,鑒於近日伊波拉病毒在西非爆發,過往比賽較多東非選手,但不排除亦有來自西非的參賽者,會與世衞及醫管局保持聯絡,市民毋須過份擔心。"

引述《經濟日報》報道:

"因應伊波拉疫情爆發,高指,主辦單位已與世衞及醫管局聯絡,會視乎當時情況作適當安排,而非洲選手若確診無健康問題,仍可繼續來港參賽。"

記者唔追問田總高人究竟多年來攞左幾多渣馬合約,反而追問高人:驚唔驚非洲跑手輸入伊波拉病毒?有乜防範措施?聽完真係茅塞頓開,原來渣馬係輸入伊波拉的高危活動,好似劉迺強話齋,政府總部有退伍軍人菌,所以要提防生化恐怖襲擊,要立廿三條法。

估計個記者唔知道:

第一:香港負責檢疫的,係衛生署,唔係高威林。呢個係高威林記者會,唔係高永文記者會。

第二:如果係由田總負責香港的檢疫,香港人早就死忍晒。

第三:跑馬拉松的精英來自東非,唔係西非,東非係無爆發伊波拉病毒。非洲係一個洲,唔係一個國家,東西非的距離,遠過香港去烏魯木齊。西非人黎香港,係去鴨寮街,唔係跑渣馬。

第四:渣馬每年得十丁八丁東非跑手參賽,佔每日訪港人口唔到零頭。與其驚佢地傳入伊波拉,不如擔心下每年千萬計的大陸客,將大陸唔知乜怪病傳入黎好過。

記者派膠膠,真係無底線。沒有最膠,只有更膠。其實果十個八個運動員,假假地都係健康的特邀精英,請來提高賽事的水平。你就驚人有伊波拉病毒,畀多少少尊重佢地好唔好?

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s