跑步

一年容易又渣馬 / 流行萬里

都係呢句 : The photo tells it all!

教友們探望葉伯唱聖詩

教友們探望葉伯唱聖詩

昨天老流在一個關注葉倫明的 whatsapp 群組中收到這張相,相當心疼。葉伯早前因病入院留醫,剛從醫院回到柴灣老人院不久。一個多月前領洗加入了宣道會北角堂,身體日漸衰退又無親無故的葉伯 ,全賴一班熱心朋友和教會的弟兄姊妹們經常前往探望。

IMG_18882207769320

幾年前的葉伯

眾所周知,葉伯曾經連續很多年成為了香港渣打馬拉松及許多廣告商的生招牌,直至他年長力衰,不能再跑,對田總,對廣告商自然毫無價值。記得莊曉陽兄,園丁以至拙筆老流都曾多次在文章中提醒田總要關心葉伯,最理想的做法是邀請葉伯做起跑嘉賓,可憐葉伯如今連落床步行都不能,田總卻仍無動於衷!不能做開幕,但在宣傳推廣上提提葉伯近況,或者讓葉伯錄影留言,留下三字倆句鼓勵參賽者,何難之有?

老實講,呢啲咁既嘢,鬧左唔知幾多鑊都唔識做,只係證明主辦單位根本無重視過民意,從來只當葉伯係宣傳機器,毫無尊重可言。咁假如田總家陣先做,又會唔會俾人話做show?  放心,香港地乜人都有,一定會有人話!但我認為呢場show, 好醜都要做,因為至少會有一個人好開心感覺被重視,唔係我老流,係大家都好尊重既葉伯!

老流曾經私底和幾位老友講過,假如田總識做,趁葉伯仲清醒,唔使人提醒而主動為葉伯做啲事,以後我對田總你筆讓7分;如今響朵你先做,我是非分明,插少你3分;但假如響埋朵你都無表示,到時咪怪我爛筆無情!

仲有過去3年渣馬輪椅賽核核突突,監生捉選手上車,至今連 regret 都無句。 雖然今年似乎已吸收了去年經驗,延長了十分鐘時間給輪椅選手,算係勉強聽取了意見,但田總「高層」每每以安全理由,賽道擠擁做籍口,拒絕復辦輪椅賽半馬或全馬路程,又或者大幅放寬時間令更多選手可以參加 ,實在是相當醜惡的!

老友莊曉陽早前向田總提出了十筆問,筆筆到肉,當中已包含以上倆件事,其餘既留待莊兄自己另文解說。

老流筆硬心軟,向來討厭將矛盾激化,更唔喜歡上綱上線,為反而反,在前主場年代有看開小流既讀者應該好清楚,但對於呢隻人渣馬,請大家「教我如何愛上她」?

公道啲講,田總到底有無重大改進?

有,

  1. 辦賽日子提前,避開了陰陰濕濕的農曆年後第二個星期日
  2. 優先讓全馬完成時間sub3.30既跑手報名

肯改點睇都係好事,但渣馬有太多的進步空間了,繼續做嘢啦!

最後老流個人難題,今年跑唔跑渣馬呢?呢件事仿似每年64都問自己,仲去唔去流下流下既維園集會呢? 恨鐵不成鋼,去又唔係唔去有唔係,跑又唔係唔跑又唔係。唉,等我今晚發夢問下周公阿融先,順便問埋佢有乜計仔可以幾百友去跑步,維園到中環都可封路幾小時相讓!

有人話跑馬拉松而已,咁多嘢諗?又試政治化事件! 呢個問題我等阿周公答你,覺得香港呢倆年乜事都無既人,請繼續瞓覺啦,香港越來越激既矛盾,越反智越低B的眾多事件,全部都係我呢挺 2 打6 create 出來的!

唔好意思,瞓夠未呀!

愛與痛的邊緣 – 王菲

分類:跑步

Tagged as: ,

5 replies »

  1. 查實寫呢篇文時,同客灌到ring下ring下,但又心急出稿,諗住葉伯關注群組內可能會有人週六,日探葉伯,話俾葉伯聽有條牟利好記掛佢。文字粗疏,結構鬆散,後來嘗試改但點都執唔正。
    順其自然吧,人生本來就不會完美,用心去活就已足夠。

  2. Very great post. I just stumbled upon your
    blog and wished to say that I’ve truly enjoyed
    browsing your weblog posts. After all Iཿll be subscribing
    to your rss feed and I am hoping you write again very soon!

流行萬里 發表迴響 取消回覆

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s